2 तीमुथियुस 2:12 - Garhwali

¹² अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

गढवली नयो नियम

¹² जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।

2 तीमुथियुस 2:12 Iomraidhean Croise

मत्ती 10:33

पर जु मनखि लोगु का समणि मितैं नकारी दयालु, त मि भि वेतैं स्वर्ग मा रौण वळा पिता का समणि नकारी द्‍यूलु।”

मत्ती 26:35

मगर पतरस न वेकू बोलि, “गुरुजी, अगर मितैं तुमरा दगड़ा मा मुरण भि पोड़लु, तभि भि मि तुमतै नि नकरुलु।” अर ठिक इन्‍नि सब चेलों न भि बोलि।

मत्ती 26:75

अर झट पतरस तैं यीशु की बुलिं बात याद ऐ कि, “मैर का बसण से पैलि तू तीन दौं मितैं नकारी दिली।” तब उ भैर जैके भकोरि-भकोरि के रुंण लगि गै।

मरकुस 10:33

वेन बोलि, “सुणा, हम लोग यरूशलेम नगर कू जाणा छां, अर उख मनखि का पुत्र तैं मुख्य पुरोहितों अर शास्‍त्री लोगु का हवाला किये जालु, अर वु वे पर इळजाम लगाला कि वेतैं जान से मार दिये जौ, अर वेतैं ऊं लोगु का हवाला करला जु कि यहूदी जाति का नि छिन।

मरकुस 8:38

अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

लूका 12:9

पर जु मनखि लोगु का समणि मितैं नकारी दयालु, त वेतैं मनखि को पुत्र भि परमेस्वर का स्वर्गदूतों का समणि नकारी द्‍यालु।

लूका 22:29

अर जन मेरा पिता न मितैं एक राज्य दियूं, तन्‍नि मि भि तुमतै एक राज्य देन्दु छौं,

लूका 22:30

ताकि तुम मेरा राज्य मा मेरा भोज तैं खा-प्या, अर राजगद्‍दियों पर बैठि के इस्राएल का बारह गोत्रों को न्याय कैरा।”

लूका 9:26

अर जु कुई मि बटि अर मेरा वचनों बटि सरमान्दु, त जब मनखि को पुत्र अपणी अर अपणा पिता अर पवित्र स्वर्गदूतों की सामर्थ का दगड़ा मा वापस आलु, त उ भि वे मनखि से सरमालु।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

रोमियों 5:17

अर या बात सच्‍च च कि एक मनखि का अपराध का द्‍वारा मौत सब लोगु पर राज करण लगि गै। मगर वु लोग जु पिता परमेस्वर की भरपूर किरपा से वेका समणि सच्‍चु होण का दान तैं अपणा जीवन मा स्वीकार करदिन, ऊ लोग यीशु मसीह का द्‍वारा जीवन तैं पाला, अर वेका द्‍वारा राज भि करला।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

फिलिप्पी 1:28

अर मि इन भि सुनण चाणु छौं, कि तुम विरोध करण वळो से नि डऽरद्‍यां। अर तुमरि या हिम्मत ही ऊं लोगु खुणि विणास को चिन्‍न होलि, अर तुम खुणि इन होलु कि तुमतै परमेस्वर का द्‍वारा बचयै जालु।

1 तीमुथियुस 5:8

पर अगर कुई अपणा रिश्तेदारों अर अपणा परिवार की देखभाल नि कैरी सकदु, त वेन इन कैरिके बिस्वास को तिरिस्कार कैरियाली, अर वु बिस्वास नि करण वळा लोगु से भि जादा बुरु मनखि बण गै।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

दिब्य दरस 1:6

अर वेन हमतै परमेस्वर का राज का लोग, अर अपणा पिता परमेस्वर की सेवा करण खुणि पुरोहित भि बणै, अर वेकी बडै अर ताकत सदनि तक रौ। आमीन।

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।

दिब्य दरस 3:8

“मि तुमरा कामों तैं जणदु छौं। अर देख, मिन तुमरा समणि एक द्‍वार खोली के रख्युं च जैतैं कुई बन्द नि कैरी सकदु, हालांकि तुमरि ताकत कम च, पर फिर भि तुमुन मेरा वचन को पालन कैरी अर मेरा नौ तैं नि नकारी।