2 पतरस 1:12 - Garhwali

¹² हालांकि तुम यों सब बातों तैं जणदा ही छाँ, अर जु सच्‍चु वचन तुमतै मिल्यूं च, तुम वेमा मजबूत भि किये ग्यां, मगर फिर भि मि तुमतै यों सब बातों की याद दिलौणु छौं ताकि तुम हमेसा तयार रा।

गढवली नयो नियम

¹² मि तुम तैं यूं बातों का बारा मा बार-बार याद दिलौंण चांणु छो, जबकि तुम पैली बट्टी ही ऊं तैं जंणदा छा अर मजबूती से आश्वस्त छा की उ सच छिनी।

2 पतरस 1:12 Iomraidhean Croise

खास चेलों 16:5

अर इन कैरिके बिस्वासी समुदाय का लोगु को बिस्वास और भि जादा बढदी गै, अर हरेक दिन ऊंकी गिनती और भि जादा होणी रै।

फिलिप्पी 3:1

इलै हे मेरा भै-बैंणो, प्रभु मा आनन्दित रा। मितैं ऊं बातों तैं दुबरा लिखण मा कुई परेसानी नि होन्दी, किलैकि यों सब बातों से तुमरि ही हिफाजत होन्दी।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

1 तीमुथियुस 4:6

हे तीमुथियुस, अगर तू यों सब बातों तैं परमेस्वर पर बिस्वास करण वळा भै-बैंणो तैं सिखैली, त तू यीशु मसीह को एक अच्छु चेला ठैरीलि। अर जु बिस्वास का वचन अर अच्छी शिक्षा तैं तू अब तक मणदी छैई, वेमा तू बढणी रैलि।

2 तीमुथियुस 1:6

इलै मि त्वेतै याद दिलै देन्दु, कि जब मिन तेरा मुण्ड़ मा हाथ रखी के प्रार्थना कैरी छै, तब परमेस्वर न जु दान-बरदान त्वेतै दिनी ऊंको इस्तेमाल आग सुलगौण की तरौं कैरा।

इब्रानी 10:32

हे मेरा भै-बैंणो, अपणा पुरणा दिनों तैं याद कैरा, जब तुमुन परमेस्वर का उज्याळा तैं अपणा जीवन मा पै छौ अर वे बगत मा ईं दुनियां का द्‍वारा जु कुछ भि तुमुन सै वेका बदला मा तुमुन हार नि माणी, बल्किन मा बिस्वास मा बणयां रयां।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

1 पतरस 5:12

हे मेरा दगड़्यों, सिलवानुस एक इन भै च जैतैं मि भरोसा का लैख समझदु, वेका द्‍वारा मि या चिठ्‍ठी तुम लोगु खुणि लिखौणु छौं। अर ईं चिठ्‍ठी मा मिन कुछ शब्द ही लिखवैनी, ताकि तुमरा हौसला बढ़ो। अर मि इन गवै देन्दु, कि जु बात ईं चिठ्‍ठी मा लिखीं छिन, ऊ सब बात पिता परमेस्वर की सच्‍चि किरपा से छिन, अर तुम सब यों बातों मा मजबूत बणयां रा।

2 पतरस 1:13

अर जबरि तक मि ज्यून्दु छौं, तबरि तक मेरु यू फरज बणदु कि तुमतै याद दिलै-दिलै के मजबूत कनु रौंऽऽ अर या ही बात मितैं खूब लगदी।

2 पतरस 1:15

अर मि इन कोसिस कनु छौं, कि जब मि ईं दुनियां तैं छोड़ि के चलि जौलु त तुम मेरा जाण का बाद भि यों सब बातों तैं याद कना रयां।

2 पतरस 3:1

हे मेरा प्यारा भै-बैंणो, मि तुम खुणि या दुसरि चिठ्‍ठी लिखणु छौं। अर जन मिन अपणी पैलि चिठ्‍ठी मा लिखी छौ, ठिक उन्‍नि ईं चिठ्‍ठी मा भि कुछ बातों तैं लिखी के मि तुमरि सोच तैं साफ रखण चान्दु। अर तुमतै काबिल बणाण चाणु छौं,

2 पतरस 3:17

इलै हे मेरा प्यारा दगड़्यों, तुम सब लोगु तैं यों बातों का बारा मा पैलि बटि ही पता होण चयेणु, चौकस रा ताकि कखि इन नि हो, कि तुम दुष्‍ट लोगु की गळत शिक्षा तैं स्वीकार कैरिके भटकी जा।

1 यूहन्ना 2:21

अर मेरा लिखण को मकसद यू नि च, कि तुम सच्‍चै तैं नि जणद्‍यां। अरे, तुम त सच्‍चै तैं जणदा छाँ अर कुई भि झूठ्‍ठी बात सच्‍च बटि पैदा नि होन्दी।

2 यूहन्ना 1:2

अर जीवन कि सच्‍चै हमरा दिल मा च, अर वा हमेसा खुणि हमरा दगड़ा मा राली।

यहूदा 1:17

पर हे मेरा प्यारा भै-बैंणो, तुम ऊं बातों तैं जरुर याद रखा जौं तैं हमरा प्रभु यीशु मसीह का खास चेलों न पैलि ही बोलियालि छौ।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

यहूदा 1:5

हालांकि, यों सब बातों का बारा मा तुम पैलि बटि जणद्‍यां, मगर फिर भि मि तुमतै याद दिलौण चान्दु कि प्रभु न अपणा लोगु तैं मिस्र देस बटि छुड़ै, अर मिस्र देस बटि निकळण का बाद जौं लोगु न बिस्वास नि कैरी, ऊंको नास कैर दिनी।