1 तीमुथियुस 6:16 - Garhwali

¹⁶ अर बस उई परमेस्वर हमेसा खुणि ज्यून्द रालु, अर वेतैं कै मनखि न कभि नि देखि, अर ना ही कभि देखि सकदु। अर वु इन उज्याळा मा रौन्दु, कि वेका पास कुई भि नि जै सकदु, अर वेतैं हमेसा आदर-सम्मान मिललु, अर वेको राज्य सदनि खुणि रालु। आमीन।

गढवली नयो नियम

¹⁶ भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।

1 तीमुथियुस 6:16 Iomraidhean Croise

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 14:9

तब यीशु न वेकू बोलि, “फिलिप्पुस, मि इथगा दिनों बटि तुमरा दगड़ा मा छौं, क्या फिर भि तिन मितैं अभि तक नि पछ्याणी? अर जैन मितैं देखियाली, वेन पिता तैं भि देखियाली। त फिर तू कनकै बुलणि कि, ‘हमतै पिता का दरसन करै द्‍या?’

यूहन्ना 6:46

अर कैन भि पिता तैं नि देखि, पर जु परमेस्वर की तरफा बटि अयूं च, बस वेन ही वेतैं देखि च।

यूहन्ना 8:58

अर यीशु न ऊंकू बोलि, “मि तुम बटि सच्‍चि बोन्‍नु छौं, कि जब अब्राहम पैदा भि नि ह्‍वे छौ, वेसे पैलि बटि मि छौं।”

इफिसुस 3:21

अर बिस्वासी समुदाय का लोगु का द्‍वारा अर यीशु मसीह का द्‍वारा पिता परमेस्वर की बडै पीढ़ी से पीढ़ी तक सदनि तक होणी रौ। आमीन।

फिलिप्पी 4:20

हमरा पिता परमेस्वर की बडै सदनि तक होणी रौ। आमीन।

कुलुसी 1:15

हे मेरा भै-बैंणो, कभि नि दिख्यौण वळा परमेस्वर को एक साक्षात रुप यीशु च, अर हरेक चीज का बणयै जाण मा भि सबसे पैलु यीशु ही च।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

इब्रानी 13:8

अर यीशु मसीह अभि भि उन्‍नि च जन वु पैलि छौ, अर वेन सदनि तक एक ही जन रौण।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

1 यूहन्ना 1:5

अर जु वचन हमुन यीशु मसीह बटि सुणी, उई वचन हम तुमतै सुनौणा छां। अर वु वचन इन च कि, परमेस्वर उज्याळु च अर वेमा कुई अन्धेरु नि च।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।

दिब्य दरस 1:6

अर वेन हमतै परमेस्वर का राज का लोग, अर अपणा पिता परमेस्वर की सेवा करण खुणि पुरोहित भि बणै, अर वेकी बडै अर ताकत सदनि तक रौ। आमीन।

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

दिब्य दरस 21:3

फिर मिन राजगद्‍दी बटि कैतैं एक तेज आवाज मा इन बुल्द सुणी, “देख, परमेस्वर को डेरा मनखियों का बीच मा च, अर अब वु ऊंका बीच मा रालु, अर ऊ वेका लोग होला। अर परमेस्वर खुद ऊंका बीच मा रालु।

दिब्य दरस 22:5

फिर उख कभि भि रात नि होलि अर ना ही ऊंतैं सूरज या द्‍यू का उज्याळा की जरुरत होलि, किलैकि प्रभु परमेस्वर खुद ऊंको उज्याळु होलु, अर ऊ हमेसा-हमेसा तक राज करला।

दिब्य दरस 4:11

“हे हमरा प्रभु, अर हमरा परमेस्वर, तुमरि ही बडै हो, अर पूरु आदर-सम्मान तुमतै ही मिलु, अर तुमरि ताकत की तारीफ हो, किलैकि तुमुन ही सब चीजों तैं बणै, अर तुमरि मनसा से ही यू सब बणि अर यों सब चीजों को बजूद च।”

दिब्य दरस 7:12

“हे मेरा परमेस्वर, तुमरि तारीफ, अर तुमरा आदर-सम्मान, अर तुमरो ही धन्यवाद सदनि तक होणु रौ, तुमरो ज्ञान, अर तुमरि ताकत अर तुमरा सामर्थ की बडै सदनि तक होणी रौ। आमीन।”