1 तीमुथियुस 5:17 - Garhwali

¹⁷ अर बिस्वासी समुदाय का अध्यक्ष जु की समुदाय मा अच्छी सेवा करदिन, खास कैरिके वु लोग जु की वचन को परचार करण मा अर वेतैं सिखौण खुणि कठिन मेनत करदिन, हाँ ऊंतैं और भि जादा आदर-सम्मान मिलण चयेणु।

गढवली नयो नियम

¹⁷ मण्डलि का जु पुरणा अगुवा अच्छो प्रबंध करदींनि, खास कैरी कै ऊंको जु प्रचार अर शिक्षा दींण कु काम करदींनि, ऊंको दुगनो आदर करे जौं।

1 तीमुथियुस 5:17 Iomraidhean Croise

मत्ती 24:25

अर सुणा, यू सब कुछ मिन तुमतै पैलि ही बतैयालि।

लूका 10:7

अर घौर-घौर नि जयां। पर वे ही घौर मा रयां, अर जु कुछ भि वु तुमतै खाण-पीणु कू द्‍याला तुम खयां, किलैकि काम करण वळा तैं वेकी ध्याड़ि मिलण चयेणी।

लूका 12:42

तब यीशु न एक और उदारण देके बोलि, “उ वफादार अर अकलमन्द कर्ता-धर्ता कु च? जैको मालिक वेतैं सब नौकरों का मथि एक मुखिया बणौन्दु, ताकि उ ऊंतैं बगत-बगत खाणुक को समान द्‍यो।

यूहन्ना 4:38

“अर मिन त तुमतै वा लवै करणु कू भेजि, ज्यां मा तुमुन कुई मेनत नि कैरी, पर दुसरो न मेनत कैरी अर तुम भि ऊंकी मेनत का फल मा साझी ह्‍वे ग्यां।”

खास चेलों 11:30

अर ऊंन ठिक इन्‍नि कैरी अर या मदद ऊंन इकट्‍ठा कैरिके बरनबास अर शाऊल का द्‍वारा बिस्वासी समुदाय का अध्यक्षों का पास भेजि।

खास चेलों 20:35

मिन तुमतै सब कुछ कैरिके दिखै, मिन दिखै कि कनकै मेहनत करदिन, अर कनकै जरुरतमन्दों की मदद करदिन। अर प्रभु यीशु की बात याद रखण चयेणी, वेन बोलि छौ कि, ‘लेण वळु से जादा देण वळु धन्य च।’”

खास चेलों 28:10

अर ऊं लोगु न हमरु भौत आदर-सम्मान कैरी अर जब हम उख बटि जाण लगि ग्यां, त ऊं लोगु न हमरि जरुरत को समान जाज मा रखी दिनी।

रोमियों 12:8

अर जु उपदेस देण वळु च, उ उपदेस देण मा लग्यूं रौ। अर जु मनखि दान देण वळु च, उ खुशी से दान द्‍यो, अर जु लोग सच्‍चै को बाटु पर चलौण वळा छिन वु अपणी पूरि मेनत से ये काम तैं कैरा। अर दया करण वळु मनखि, मन की खुशी से दया कैरो।

रोमियों 15:27

अर ये काम तैं करणु खुणि ऊ लोग भौत खुश छिन किलैकि ऊ यहूदी लोगु का करजदार छिन। अर पिता परमेस्वर न जु कुछ भि यहूदी लोगु तैं सिखै, अर जु आसीस वेन ऊंतैं दिनी ऊंका द्‍वारा ही वु सब कुछ ऊं लोग तक पौंछी जु यहूदी जाति का नि छिन। इलै तुमरो यू फरज बणदु कि अब तुम लोग यहूदी लोगु की जरुरतों तैं पूरु करणु खुणि मदद कैरा।

रोमियों 16:12

अर त्रूफैना अर त्रूफोसा बैंणो तैं भि मेरु सलाम, वु दुई बैंण प्रभु यीशु खुणि भौत मेनत करदिन। अर मेरी प्यारी बैंण पिरसिस तैं भि मेरु सलाम जिं न प्रभु खुणि भौत मेनत कैरी।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

1 कुरिन्थि 16:16

इलै मि तुम लोगु से इन बिन्ती करदु कि तुम इन्द्रया लोगु का अधीन मा रा। अर जु लोग ऊंका दगड़ा मा मिली के कड़ी मेनत करदिन तुम लोग ऊंका भि अधीन मा रा।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

गलातियों 6:6

अर जु मनखि परमेस्वर का वचन की शिक्षा तैं पौणु च, वु अपणी सब अच्छी चीजों को साझा सिखौण वळा का दगड़ा मा कैरो।

फिलिप्पी 2:16

अर जीवन का वचन तैं अपणा जीवनों मा मजबूती से बणै के रखा, ताकि यीशु मसीह का वापस औण का दिन पर ईं बात पर मि बड़ु मोन कैरी सैकु। अर वे दिन मि समझि जौलु कि मेरी भाग-दौड़ अर मेरा द्‍वारा करीं मेनत बेकार नि गै।

फिलिप्पी 2:29

इलै प्रभु यीशु का प्यार का मुताबिक तुम वेको स्वागत बड़ी खुशी से कर्यां, अर इन्द्रया लोगु को स्वागत बड़ा सम्मान से करण चयेणु।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

1 तीमुथियुस 3:5

अगर कुई अपणा घौर को पालन-पोसण करण ही नि जणदु हो, त उ परमेस्वर का लोगु की देख-रेख कनकै करलु?

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।

1 तीमुथियुस 4:6

हे तीमुथियुस, अगर तू यों सब बातों तैं परमेस्वर पर बिस्वास करण वळा भै-बैंणो तैं सिखैली, त तू यीशु मसीह को एक अच्छु चेला ठैरीलि। अर जु बिस्वास का वचन अर अच्छी शिक्षा तैं तू अब तक मणदी छैई, वेमा तू बढणी रैलि।

1 तीमुथियुस 5:19

अर कै भि अध्यक्ष का खिलाप मा लग्यां इळजाम तैं तब तक स्वीकार नि कैरी, जब तक की दुई या तीन लोग गवै नि देन्दिन।

1 तीमुथियुस 5:3

अर इन्दरि विधवा जनानियों को ध्यान रखा, जौं को सच्‍चि मा कुई भि मददगार नि च।

2 तीमुथियुस 2:6

अर जु किसान कड़ी मेनत करदु, उ फसल की पैलि उपज लेण का लैख च।

इब्रानी 13:17

अर जु बिस्वासी समुदाय का मुखिया लोग छिन, तुम ऊंकी आज्ञा माणा अर ऊंका अधीन मा रा, किलैकि वु तुमरा जीवन खुणि बड़ी चिन्ता करदिन, अर वु भौत अच्छे से जणदिन कि ऊंतैं तुमरा जीवन को हिसाब-किताब परमेस्वर तैं देण पोड़लु। अर तुम ऊंकी बात को पालन कैरा, ताकि वु खुशी से ये काम तैं कैरी सैका ना कि दुखी ह्‍वेके। किलैकि अगर जु वु दुखी छिन त वां से तुमतै कुई फैदा नि च।

इब्रानी 13:24

अर सुणा, तुम लोग अपणा मुखिया कू अर सब पवित्र लोगु कू मेरु सलाम बुलयां, अर इटली देस का सब मसीह लोग तुमकु सलाम बोन्‍ना छिन।

इब्रानी 13:7

अर जौन तुमतै परमेस्वर को वचन सुणै, तुम ऊं शिक्षा देण वळो तैं याद रखा। अर तुम ऊंका अच्छा चाल-चलन पर ध्यान द्‍या अर वेका मुताबिक ऊंका बिस्वास तैं देखि के तुम ऊंका जन जीवन भि ज्या।