1 तीमुथियुस 3:4 - Garhwali

⁴ अर उ अपणा घौर परिवार को पालन-पोसण ढंगल करदु हो, अर अपणा बाल-बच्‍चों तैं अपणा अनुसासन मा रखदु हो। अर वेका बच्‍चा वेको पूरु आदर-सम्मान करदा हो।

गढवली नयो नियम

⁴ वे तैं अपड़ा परिवार कु मार्गदर्शन कन मा सक्षम हूंण चयणु च, अर उ अपड़ा बाल-बच्चों तैं सिखांण चयणु च कि उ हर बात मा वेकी आज्ञाओं कु पालन कैरो।

1 तीमुथियुस 3:4 Iomraidhean Croise

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

इफिसुस 5:24

हाँ मेरी बैंणो, जन बिस्वासी समुदाय यीशु मसीह का अधीन मा च, ठिक उन्‍नि तुम भि हरेक बातों मा अपणा-अपणा पति का अधीन मा रा।

फिलिप्पी 4:8

इलै हे मेरा भै-बैंणो, कुछ और बात भि छिन जु की सच्‍चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।

1 तीमुथियुस 3:12

अर वे सेवक की एक ही घरवळी होण चयेणी, अर उ अपणा बाल-बच्‍चों अर घौर को एक अच्छु इंतजाम करण वळु हो।

तीतुस 1:6

अर वे अध्यक्ष तैं तभि चुणी के ठैरैये जौ, जब उ निरदोष हो अर वेकी एक ही घरवळी हो। अर वेका बाल-बच्‍चा बिस्वासी हो, अर कै बात तैं नि मनण को दोष ऊं पर नि लग्यूं हो अर ना ही ऊंमा कुई जंगळि सभौ हो।

तीतुस 2:2

अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,