1 तीमुथियुस 3:1 - Garhwali

¹ अर या बात सच्‍च च अर पूरि तरौं से मनण लैख च, कि अगर कुई बिस्वासी समुदाय को अध्यक्ष बणण चान्दु, त उ अच्छा काम करण की इच्छा भि रखदु।

गढवली नयो नियम

¹ या बात सच च कि जु कुई आदिम मण्डलि मा अध्यक्ष बनण चौ, त उ अच्छा काम कने मनसा रखो।

1 तीमुथियुस 3:1 Iomraidhean Croise

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

खास चेलों 1:20

अर जन की भजन संहिता की किताब मा भि लिख्यूं च कि, “‘वेको घौर बांजा पोड़ि जौ, अर वेमा मा कुई भि नि रै सैको’ अर ‘वेको पद कुई दुसरो ले ल्यो।’

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

रोमियों 11:13

हे मेरा भै-बैंणो, तुम जु यहूदी जाति का नि छाँ, मि तुमतै बतै देन्दु कि मि ऊं लोगु खुणि ही यीशु मसीह को खास चेला का रुप मा चुणै ग्यों, जु यहूदी जाति का नि छिन। अर अब जब मेरा पास यू काम च, इलै मि बटि जथगा जादा ह्‍वे सकदु मि ईं बात को पूरु फैदा उठौण चान्दु।

इफिसुस 4:12

अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्‍की कैरो।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।

1 तीमुथियुस 4:9

अर जु बात मिन अभि तुम बटि बुलिनी, यू सच्‍च छिन अर मनण का लैख छिन।

2 तीमुथियुस 2:11

अर या बात सच्‍च च कि, अगर जु हम यीशु मसीह का दगड़ा मा मोर ग्यां, त वेका दगड़ा मा जीवन भि जीणा रौला।

तीतुस 1:7

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

1 पतरस 2:25

अर पैलि तुम भटकी भेड़ों का जन छा, मगर अब तुम अपणा चरवाह का पास ऐ ग्यां जु कि तुमरि आत्मा की रखवळी करण वळु च।

1 पतरस 4:15

अर तुमतै इन्द्रया काम नि करण चयेणा ज्या से कि कुई तुम पर दोष लगौ जन कि, हत्या करण, चोरी करण, या बुरै का काम अर ना ही दुसरा लोगु का कामों मा दखल द्‍या।

1 पतरस 5:2

जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।