1 तीमुथियुस 1:5 - Garhwali

⁵ अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

गढवली नयो नियम

⁵ मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

1 तीमुथियुस 1:5 Iomraidhean Croise

मत्ती 12:35

एक अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु। अर एक बुरा मनखि का मन मा बुरी बात होनदिन, इलै उ अपणा मन से बुरी बात ही बुल्दु।

मत्ती 5:8

“धन्य छिन ऊ, जु साफ दिल का छिन, किलैकि ऊ परमेस्वर तैं दिखला।

खास चेलों 15:9

अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,

खास चेलों 23:1

अर जब पौलुस लोगु का समणि मूड़ी ऐ, त पौलुस न वीं सभा का लोगु जनै टक लगै के देखि अर बोलि, “हे मेरा भैयों, मिन आज तक परमेस्वर का समणि सच्‍चा मनळ अपणु जीवन बितै।”

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

रोमियों 10:4

अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

रोमियों 14:15

अगर तुम अपणा खाणुक खाण की वजै से कै बिस्वासी भै या बैंण खुणि उतेडु़ बणण छाँ, त ईं बात तैं जाणि ल्या कि तुम वे बाटा पर नि चलणा छाँ, जु कि दुसरो से प्यार करण को च। अरे जु खाणुक तुम खन्द्‍यां, कखि उ वे मनखि खुणि नास होण की वजा नि बणि जौ, जै मनखि की खातिर यीशु मसीह मरे गै।

रोमियों 9:1

हे मेरा भै-बैंणो, मि यीशु मसीह को छौं, इलै मि तुमतै सच्‍चि बात बतौणु छौं। अर मेरु जमीर भि जैमा पवित्र आत्मा राज करदु, उ भि ईं बात की गवै देन्दु, कि मि तुम से झूठ्‍ठ नि बोन्‍नु छौं।

1 कुरिन्थि 13:1

अगर मितैं मनखियों अर स्वर्गदूतों की भाषा बुलण औन्दी हो, पर मि दुसरो से प्यार नि कैरुं, त क्या फैदा च फिर? तब मि वे पितळा भाँडा जन छौं जु ठन-ठन बजदु, अर वीं डफ का जन छौं ज्वा की डम-डम बजदी।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

1 तीमुथियुस 1:18

हे मेरा नौना तीमुथियुस, तू बिस्वास मा मजबूत बणयूं रौ। अर तिन परमेस्वर खुणि जु-जु काम करण छिन, वेका बारा मा भौत सा रैबर्यों न भविष्यबाणियाँ करिनी। अर जु कुछ भि ऊंका द्‍वारा बुले गै ऊंका मुताबिक ही मि त्वेतै आज्ञा देन्दु, कि तू एक सिपै की तरौं झूठ्‍ठा गुरु लोगु की शिक्षा का खिलाप एक अच्छी लड़ै कैर। अर सच्‍चा मन से अर बिस्वास रखी के इन्‍नि कनु रौ, किलैकि कुछ लोग न सच्‍चा मन का विचारों तैं नाकारियाली। फिर जन समुन्दर मा जाज टूटी के नास ह्‍वे जान्दु, ठिक उन्‍नि ऊंका बिस्वास को भि नास ह्‍वे गै।

1 तीमुथियुस 3:9

पर बिस्वास का बारा मा जु सच्‍चु रैबार परमेस्वर न दिखै वेतैं अच्छा मन से अपणा जीवन मा रखण चयेणु।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

2 तीमुथियुस 1:5

अर मितैं तेरा सच्‍चु बिस्वास याद औन्दु, जु कि पैलि तेरी ननी लोइस अर तेरी माँ यूनीके न परमेस्वर पर कैरी छौ। अर मितैं पूरु यकीन च, कि उई सच्‍चु बिस्वास अब तेरा जीवन मा भि च।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

तीतुस 1:15

अर जौं को मन शुद्ध च इन्द्रया लोगु खुणि सब कुछ शुद्ध च, पर जौं लोगु का मन मा बुरै भुरीं च अर जु बिस्वास नि करदिन ऊं खुणि कुछ भि शुद्ध नि च। अर ऊं लोगु की अकल अर मन इन बिगाड़ि गै, अर ऊंतैं इन पता नि च कि क्या जि सही च अर क्या जि गळत।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इब्रानी 13:18

हम खुणि प्रार्थना कना रा, हमरु जमीर साफ च अर हम इन कोसिस करद्‍यां की सब बातों मा इमानदारी से चला।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

याकूब 4:8

तुम परमेस्वर का नजदीक आ, तब उ भि तुमरा नजदीक आलु। हे पापि मनखियों, खुद तैं पाप करण से रोका। हे दुई मन रखण वळा लोगु, तुम अपणा मन तैं पवित्र कैरा।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 यूहन्ना 3:10

अर पिता परमेस्वर की औलादों अर शैतान की औलादों की पछ्याण यां से ही होन्दी, अर हरेक उ मनखि जु परमेस्वर की नजर मा धरमी जीवन नि जीन्दु उ वेकी तरफा बटि नि च, अर जु मनखि सब लोगु से प्यार नि करदु उ भि परमेस्वर की तरफा बटि नि च।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।