1 तीमुथियुस 1:4 - Garhwali

⁴ अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

गढवली नयो नियम

⁴ अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

1 तीमुथियुस 1:4 Iomraidhean Croise

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

इफिसुस 3:2

अर तुम लोगु न यू जरुर सुणी होलु, कि पिता परमेस्वर न मितैं तुम लोगु की भलै खुणि अपणी महान किरपा का मुताबिक सेवा को काम सौप्युं च। हाँ, तुम लोगु खुणि ही तुम जु कि यहूदी जाति का नि छाँ।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 तीमुथियुस 4:7

पर तू झूठ्‍ठा उपदेस देण वळो बटि अर फालतु की मनगणत कथा से दूर रै, पर परमेस्वर की भक्‍ति करण की आदत डाल दे।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

1 तीमुथियुस 6:20

तीमुथियुस, जु सच्‍चै का वचन त्वेतै दिये गैनी, वु वचन लोगु तैं सिखौणु रौ। अर जु लोग ईं सच्‍चि शिक्षा का खिलाप मा सिखौन्दिन, ऊं लोगु बटि अर ऊंकी बातों से दूर रौ। अर कुछ लोग गळती से वीं गळत शिक्षा तैं “ज्ञान” समझदिन अर वेका बारा मा सिखौन्दिन।

2 तीमुथियुस 2:14

हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

2 तीमुथियुस 2:23

अर जौं बातों को कुई मतलब नि होन्दु अर जु बेकार की छिन तू इन्द्रया वाद-विवादों से दूर रौ, किलैकि तू जणदी ही छैई कि इन्दरि बातों से झगड़ा होनदिन।

2 तीमुथियुस 4:4

अर सच्‍चै खुणि यू अपणा कन्दूड़ बुजी द्‍याला, पर यू लोग ऊं कथाओं पर अपणु मन लगाला जु मन से बणयै जनदिन।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

तीतुस 1:14

अर यहूदी लोगु की मनगणत कथा पर, अर सच्‍चै का बाटा बटि भटक्यां लोगु का आदेसों पर ध्यान नि द्‍या।

तीतुस 3:9

मगर फालतु की बकवास, अर पितरों का वंश का बारा मा, अर नियम-कानूनों का बारा मा घपरोळ करण वळो, अर झगड़ा करण वळो से दूर रौ, किलैकि वु बेकार अर कै काम का नि छिन।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

2 पतरस 1:16

अर जब हमुन प्रभु यीशु मसीह की ताकत अर वेका वापस औण का बारा मा तुमतै शुभ समाचार सुणै, त हमुन तुमरा दगड़ा मा कुई चालाकी नि चलि। अर ना ही तुमतै झूठ्‍ठी शिक्षा सुणै के तुमरो कुई फैदा उठे, बल्किन मा हमुन त वेका सानदार आदर-सम्मान का बारा मा तुमतै बतै जु खुद हमुन अपणा आंख्यों न देखि छौ।