1 थिस्सलुनीकी 5:6 - Garhwali

⁶ इलै हमतै दुसरा लोगु का जन नि होण चयेणु, जु कि गैरी निन्द मा सियां छिन, बल्किन मा हमतै बिज्युं अर चौकस रौण चयेणु।

गढवली नयो नियम

⁶ इलै हम तैं अविश्वासियों जन सियूं नि रौंण चयणु च, पर बिज्यां अर सचेत रौंण चयणु च।

1 थिस्सलुनीकी 5:6 Iomraidhean Croise

मत्ती 13:25

पर जब सब लोग सिणा छा, त वेका दुसमन न ऐके ग्यूँ का दगड़ा मा जंगळि ग्यूँ को बीज भि बूति दिनी।

मत्ती 24:42

“इलै चौकस रा, किलैकि तुम नि जणद्‍यां कि तुमरो प्रभु कै दिन ऐ जालु।

मत्ती 25:13

तब यीशु न ऊंकू बोलि, “इलै तुम भि तयार रा, किलैकि तुम नऽ त वे दिन का बारा मा, अर ना ही वे बगत का बारा मा जणद्‍यां, कि कब मनखि को पुत्र वापस ऐ जालु।”

मत्ती 25:5

अर जब ब्यौला का औण मा देर ह्‍वे गै, त ऊ सभ्यों तैं निन्दया टोळा औण लगि गैनी अर वु सै गैनी।

मत्ती 26:38

अर यीशु न ऊंकू बोलि, “मेरु ज्यू भौत दुखी च, इन लगणु च कि मेरु पराण निकळण वळु होलु, तुम इख रुका अर मेरा दगड़ा मा बिज्यां रा।”

मरकुस 13:37

अर जु कुछ मि तुम बटि बोन्‍नु छौं उई मि सभ्यों कू बुल्दु कि, चौकस रा।”

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

लूका 12:39

तब यीशु न ऊंतैं एक और उदारण देके बोलि, “ईं बात तैं अच्छे से समझि ल्या, अगर घौर का मालिक तैं इन पता हो कि राति चोरळ कब औण, त उ उठयूं रालु अर अपणा घौर मा चोरी नि होण द्‍यालु,

लूका 21:36

इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

लूका 22:46

अर वेन ऊंकू बोलि, “अरे तुम सिणा किलै छाँ? उठा अर प्रार्थना कैरा, ताकि शैतान तुमतै नि भकलौ।”

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

1 कुरिन्थि 16:13

हे मेरा भै-बैंणो, चौकस रा, बिस्वास मा मजबूत बणा, हौसला रखा अर हिम्मत रखी के अगनै बढणा रा।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

फिलिप्पी 4:5

अर तुमरा सभौ से लोगु तैं इन पता चलण चयेणु कि तुम कथगा शान्त सभौ का छाँ। प्रभु को औण नजदीक ही च।

कुलुसी 4:2

हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

1 थिस्सलुनीकी 4:13

हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

1 तीमुथियुस 2:15

अगर वा जनानि बच्‍चा पैदा करण का बाद माँ बणण की जिमेदारी तैं पूरु करली, अर अच्छु व्यौहार बणै के रखलि अर बिस्वास मा मजबूत बणि राली, अर एक-दुसरा बटि प्यार करली, अर अपणा चाल-चलन तैं पवित्र बणै के रखलि त वींतैं बचयै मिली जालु।

1 तीमुथियुस 2:9

अर उन्‍नि मि चान्दु, कि जनानियां भि दुसरो तैं दिखाणु खुणि अपणा बाळो तैं बन्‍नि-बन्‍नि किसम से नि बणा, अर ना दिखाणु खुणि सोना, मोति अर मैंगा कपड़ा पैरा। पर मि तुमतै बतै देन्दु कि तुमतै क्या करण चयेणु, तुम सीदी-सादी बणि के अर ढंग का कपड़ा पैरि के तयार ह्‍वा। अर भलै का कामों का द्‍वारा अपणा जीवन तैं सजा,

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

तीतुस 2:6

अर ठिक इन्‍नि ज्वान बैखों तैं भि समझौ, कि ऊ खुद पर काबू रखा।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

दिब्य दरस 16:15

तब मिन यीशु तैं इन बुल्द सुणी कि, “सुणा, मि अचानक एक चोर की तरौं औणु छौं, धन्य च उ जु चौकस रौन्दु, अर अपणा कपड़ों की हिफाजत करदु, अर वेतैं इनै-उनै नंगि नि घूमण पोड़लु, अर ना ही उ सरम मैसूस करलु।”

दिब्य दरस 3:2

इलै चौकस ह्‍वे जा, अर तुमरो बिस्वास जु कि कम च तुम वेमा मजबूत ह्‍वे जा, किलैकि मिन तुमरा कै भि काम तैं अपणा पिता परमेस्वर का समणि पूरु नि पै।