1 थिस्सलुनीकी 4:8 - Garhwali

⁸ इलै जु कुई भि ईं शिक्षा तैं नकारी देन्दु, उ मनखि तैं ना बल्किन मा परमेस्वर तैं नकरदु, जु कि अपणु पवित्र आत्मा तुमतै देन्दु।

गढवली नयो नियम

⁸ इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

1 थिस्सलुनीकी 4:8 Iomraidhean Croise

लूका 10:16

तब वेन अपणा चेलों कू बोलि, “जु तुमरि शिक्षा तैं सुणदु उ मेरी शिक्षा तैं सुणदु। अर जु तुमतै स्वीकार नि करदु, उ मितैं भि स्वीकार नि करदु। अर जु मितैं स्वीकार नि करदु, उ वेतैं स्वीकार नि करदु जैन मितैं भेजि च।”

यूहन्ना 12:48

अर जु कुई मितैं सुद्‍दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।

1 कुरिन्थि 2:10

अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

1 कुरिन्थि 7:40

अर अगर वा नौनि ब्यौ नि करण चाणि च, त मेरी सला इन च कि वा जादा खुश राली। अर मेरु मनण इन च कि जु कुछ भि मि बोन्‍नु छौं, वु पिता परमेस्वर को पवित्र आत्मा मि मा बटि ह्‍वेके बोन्‍नु छौं।

2 कुरिन्थि 1:22

अर वेन इन दिखौणु खुणि कि हम वेका छां, अपणा पवित्र आत्मा का दान तैं बयना का रुप मा हमरा मनों मा देई, ताकि इन साबित हो कि वेको करार जरुर पूरु होलु।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

2 पतरस 1:21

किलैकि कुई भि भविष्यबाणी मनखि की मनसा का मुताबिक कभि भि नि होन्दी, बल्किन मा परमेस्वर का लोग पवित्र आत्मा का द्‍वारा परमेस्वर का वचनों तैं बुल्दिन।

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।

यहूदा 1:8

अर ठिक उन्‍नि यू झूठ्‍ठा लोग भि छिन, जु कि बिस्वासी लोगु का दगड़ा मा मिली गैनी, अर अपणा सुपन्यों का पिछनै भागी के अपणा सरील तैं पाप का द्‍वारा अशुद्ध कना छिन। अर यू लोग पिता परमेस्वर का द्‍वारा मिल्यां अधिकार तैं नकारी देन्दिन, इख तक कि स्वर्गदूतों की भि बुरै करदिन।