1 थिस्सलुनीकी 4:13 - Garhwali

¹³ हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।

गढवली नयो नियम

¹³ हे विश्वासी भयों, हम चांणा छा कि तुम यु जांणि लय कि ऊं विश्वासियों का दगड़ा क्य होलो जु पैली ही मोरि गैनी कखी इन नि हो कि तुम दुसरा लुखुं जन शोक कैरा जौं मा कुई आस नि च कि मुरणा का बाद उ फिर से ज्यून्दा हवे जाला।

1 थिस्सलुनीकी 4:13 Iomraidhean Croise

मत्ती 27:52

अर इख तक की कबर खुलि गैनी, अर भौत सा परमेस्वर का पवित्र लोग जु मोरि गै छा, ऊ अपणा-अपणा सरील मा ज्यून्दा ह्‍वे गैनी।

यूहन्ना 11:24

मारथा न वेकू बोलि, “हाँ, मि जणदी छौं, कि उ आखिरी का दिन मा जब मुरदा ज्यून्दा किये जाला, तब उ भि ज्यून्दु ह्‍वे जालु।”

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

1 कुरिन्थि 10:1

हे मेरा भै-बैंणो, मि नि चान्दु कि तुम ईं बात तैं बिसरी जा, कि पिता परमेस्वर न हमरा यहूदी लोगु का पितरों तैं मिस्र देस बटि आजादी दिलै। अर वे बगत मा ऊ बादळ का छैल का तौळ चलिनी, अर लाल समुन्दर का बीचों-बीच चलि के दुसरा छाला पर पौंछयै गैनी। अर इन बुले जै सकदु, कि येका द्‍वारा ऊंको बपतिस्मा ह्‍वे अर वु मूसा रैबर्या का चेला बणि गैनी।

1 कुरिन्थि 12:1

अब हे मेरा भै-बैंणो, मि चान्दु छौं कि तुम परमेस्वर की पवित्र आत्मा का द्‍वारा मिलण वळा दान-बरदानों का बारा मा जणदा ही छा।

1 कुरिन्थि 15:6

अर वेका बाद यीशु एक ही बगत मा पांच सौ से भि जादा बिस्वासी लोगु तैं दिखै, अर ऊंमा बटि भौत सा लोग अभि ज्यून्दा छिन, मगर कुछ लोग ईं दुनियां तैं छोड़ि के चलि गैनी।

2 कुरिन्थि 1:8

हे मेरा भै-बैंणो, हम इन चन्द्‍यां कि तुम ईं बात से अणजाण नि रा, कि हमुन आसिया मुलक मा कन-कन दुख-तकलीफ झिलनी। हाँ, हमुन इथगा दुख-तकलीफ झिलनी कि ऊंतैं सौण हमरि ताकत से भैर छौ, इख तक कि हमुन उम्मीद भि छोड़याली छै, कि अब हम ज्यून्दा भि रौला कि ना।

इफिसुस 2:12

अर वे बगत तुम लोग मसीह तैं जणदा नि छा। अर तुम लोग इस्राएल का लोगु खुणि एक परदेसी का जन छा, अर परमेस्वर न ऊं लोगु बटि जु करार कर्युं छौ, वामा तुमरो कुई हिस्सा नि छौ। असल मा तुम त ईं दुनियां मा बिना उम्मीद अर बिन परमेस्वर का जीवन जीण छा।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

1 थिस्सलुनीकी 4:14

किलैकि हम यू बिस्वास करद्‍यां, कि यीशु मोरि अर फिर ज्यून्दु भि ह्‍वे गै। इलै हम इन भि बिस्वास करद्‍यां, कि जब यीशु मसीह वापस आलु तब जु लोग वे पर बिस्वास कैरिके मोरि गैनी, ऊं बिस्वासियों तैं भि परमेस्वर मौत बटि ज्यून्दु करलु, अर वु भि यीशु का दगड़ा मा आला।

1 थिस्सलुनीकी 4:15

अर प्रभु का वचन का मुताबिक हम तुमतै बतै देन्द्‍यां, कि जब प्रभु आलु तब मुरयां लोग ही पैलि वे बटि मिलला। अर वेका बाद हम जु ज्यून्दा छां वे बटि मिलुला।

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

1 थिस्सलुनीकी 5:6

इलै हमतै दुसरा लोगु का जन नि होण चयेणु, जु कि गैरी निन्द मा सियां छिन, बल्किन मा हमतै बिज्युं अर चौकस रौण चयेणु।

2 पतरस 3:4

अर इन बुलला कि, “अरे, यीशु मसीह न वापस औण को जु करार कैरी छौ वेको क्या ह्‍वे? किलैकि हमरा पितर त मोरि गैनी, अर जब बटि या दुनियां बणि तब बटि लेके अभि तक ठिक उन्‍नि होणु च जन पैलि होन्दु छौ।”

2 पतरस 3:8

मगर हे मेरा प्यारा भै-बैंणो, तुम ईं बात तैं याद रखा, कि प्रभु कि नजर मा एक दिन हजार साल का बराबर अर हजार साल एक दिन का बराबर होन्दु च।