1 थिस्सलुनीकी 3:1 - Garhwali

^1-2 अर तुम बटि दूर होण की वजै से जब हम बटि नि रये गै, त तुमरा बारा मा जनणु खुणि हमुन तीमुथियुस तैं तुमरा पास भेजि, ताकि उ तुमतै बिस्वास का बारा मा अच्छा से समझौ अर बिस्वास मा और भि जादा मजबूत बणौ। मिन अर सिलवानुस न एथेन्स नगर मा ही रुकणे की ठाणि। अर तीमुथियुस परमेस्वर को सेवक च, अर मसीह का शुभ समाचार तैं सुनौण मा हमरु एक भै च।

गढवली नयो नियम

¹ “आखिरकार, किलैकि हम तुम बट्टी दूर रौंण और सै नि सक्यां” तब हम ल (पौलुस और सिलास) यूं तैं ठैरे कि एथेंस शहर मा इखुली रै जां

1 थिस्सलुनीकी 3:1 Iomraidhean Croise

खास चेलों 17:15

अर कुछ लोग पौलुस का दगड़ा मा एथेन्स नगर तक वेतैं पौंछाणु खुणि गैनी। तब पौलुस न ऊंमा सीलास अर तीमुथियुस खुणि इन रैबार दिनी, कि ऊंकू बुलयां की जथगा जल्दी ह्‍वे सैको मेरा पास ऐ जयां।

खास चेलों 17:16

अर पौलुस एथेन्स नगर मा सीलास अर तीमुथियुस को इंतजार कनु छौ, अर ये नगर मा मूरतों की भरमार तैं देखि के उ अपणी आत्मा मा भौत दुखी ह्‍वे।

2 कुरिन्थि 2:13

पर जब मिन अपणा दगड़्या तीतुस तैं उख नि पै, त मेरु मन बड़ु बेचेन ह्‍वे गै। तब मिन उखा बिस्वासी भै-बैंणो बटि विदै लिनी, अर मकिदुनिया मुलक कू चलि ग्यों।

1 थिस्सलुनीकी 2:17

हे मेरा भै-बैंणो, अभि हम तुम बटि कुछ बगत तक दूर छां, मगर फिर भि तुम लोग हमरा दिल का करीब छां। इलै तुमरा पास ऐके तुम से मिलण की हमरि बड़ी इच्छा च अर यां खुणि हमुन भौत कोसिस भि कैरी।

1 थिस्सलुनीकी 3:5

अर ईं ही वजै से जब मि बटि और नि रये गै, त मिन यू जनणु खुणि कि तुम बिस्वास मा बणयां छाँ की ना, तीमुथियुस भै तैं तुमरा पास भेजि। अर इन मिन इलै कैरी, ताकि इन पता चलि जौ कि कखि शैतान जु की भकलौण वळु च वेन तुमतै अपणी बातों से भकलै हो, अर हमरि पूरि मेनत बेकार चलि ह्‍वे गै हो।