1 थिस्सलुनीकी 1:6 - Garhwali

⁶ अर भौत दुख-तकलीफ सौण का बगत मा भि तुमुन पवित्र आत्मा का द्‍वारा मिलण वळी खुशी से प्रभु का वचन तैं स्वीकार कैरी। अर अब ठिक इन्‍नि तुमरो जीवन भि हमरा अर प्रभु यीशु का चाल चलण का जन ह्‍वे गै।

गढवली नयो नियम

⁶ तुम पर भौत क्लेश छा पर तुम ल पवित्र आत्मा का द्वारा दीं खुशी का दगड़ी शुभ संदेश तैं स्वीकार कैरी अर तुम ल प्रभु अर हमारो एक उदाहरण का रूप मा अनुसरण कैरी।

1 थिस्सलुनीकी 1:6 Iomraidhean Croise

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

खास चेलों 13:52

मगर बिस्वासी लोग पवित्र आत्मा मा भरपूर होण रैनी, अर भौत आनन्द मनौणा रैनी।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

खास चेलों 9:31

तब पूरा यहूदिया, गलील अर सामरिया का मुलकों मा रौण वळा बिस्वासी समुदाय का सब लोग बड़ा चैन से रैनी, अर प्रभु मा और भि मजबूत होणा रैनी, अर वु प्रभु तैं पूरु आदर-सम्मान दिणा रैनी, अर पवित्र आत्मा का द्‍वारा ऊंतैं हर दिन हिम्मत मिलणी रै।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

1 कुरिन्थि 11:1

हे मेरा भै-बैंणो, मेरु चाल-चलन यीशु मसीह का जन च, इलै तुमरो चाल-चलन भि मि जन हो।

1 कुरिन्थि 11:2

दगड़्यों, तुम मेरी हर बात तैं याद रखद्‍यां, अर ज्वा शिक्षा अर जु-जु नियम मिन तुमतै बतैनि, तुम ऊंको पालन करद्‍यां, इलै ईं बात मा मि तुमरि तारीफ करदु।

1 कुरिन्थि 4:16

इलै मि तुम से बिन्ती करदु, कि जन मेरु चाल-चलन च, ठिक उन्‍नि तुमरो भि हो।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

2 कुरिन्थि 8:5

अर हमुन इन सोची छौ कि वु लोग अपणी हैसियत का मुताबिक ही द्‍याला, मगर ऊंन हमरि सोच से भि जादा दिनी, किलैकि ऊंन पिता परमेस्वर की मरजी तैं पूरु होणु खुणि खुद तैं वेका हाथों मा सौंपी दिनी, अर वेका बाद ऊंन मितैं ईं बात का बारा मा बतै कि वु क्या करण चाणा छिन।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

इफिसुस 5:1

इलै हे मेरा प्यारा भै-बैंणो, पिता परमेस्वर की औलाद होण का नाता, तुम वेका मुताबिक चला,

फिलिप्पी 3:17

हे मेरा भै-बैंणो, मि इन चान्दु कि तुमरो चाल-चलन मि जन ह्‍वे जौ, किलैकि मि तुम खुणि एक नमूना बणि ग्यों। अर जौं लोगु को चाल-चलन मि जन च, तुम ऊं लोगु पर भि ध्यान द्‍या।

2 थिस्सलुनीकी 1:4

इख तक कि जुलम अर विरोध सौण का बाद भि, तुम लोग अपणु बिस्वास पिता परमेस्वर पर बणै के रखद्‍यां, अर तुमरि ईं बात का बारा मा ही हम लोग परमेस्वर का दुसरा बिस्वासी समुदाय मा बड़ु मोन कैरिके तुमरा बारा मा बतौन्दु।

2 थिस्सलुनीकी 3:7

किलैकि तुम खुद जणद्‍यां, कि जन हमुन कैरी उन्‍नि तुमतै भि करण चयेणु। अर जब हम तुमरा दगड़ा मा छा, त हम अळकसि बणि के नि रयां।

2 थिस्सलुनीकी 3:9

जब की हमरा पास यू अधिकार च कि हम तुम बटि पूरि मदद ल्या, मगर हम खुद तुम खुणि एक उदारण बणि ग्यां, ताकि तुम सिखी जा कि जन हम लोगु न कैरी उन्‍नि तुम भि कैरा।

इब्रानी 10:34

अर जु लोग जेलखाना मा कैद छा ऊं खुणि तुमुन बड़ी दया दिखै। अर जब लोगु न तुमरि चीजों तैं अपणा कब्जा मा कैर दिनी त तुमुन खुशी से अपणु नुकसान उठे, किलैकि तुम जणदा छा कि तुमरा पास वेसे भि जादा कीमती च जु की सदनि तक रौण वळु च।

1 पतरस 1:6

अर या ही तुम खुणि बड़ा आनन्द कि बात च, हालांकि, तुमतै अभि बन्‍नि-बन्‍नि अजमैसों की वजै से दुख-तकलीफ झिलण पोड़ीनी छिन, पर यू सब त कुछ ही बगत खुणि च।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

1 पतरस 3:13

अर अगर जु तुम मा भलै का काम करण को जोस हो, त फिर तुमतै नुकसान पौछाण वळु कुई भि नि च।

3 यूहन्ना 1:11

हे मेरा प्यारा भै, बुरै करण वळो का ना, पर भलै करण वळो का पिछनै चल किलैकि जु कुई भलै करदु उ परमेस्वर की तरफा च, पर जु कुई बुरै करदु उ परमेस्वर तैं नि जणदु।