1 पतरस 5:9 - Garhwali

⁹ हे मेरा भै-बैंणो, तुम लोग बिस्वास मा मजबूत बणयां रा, अर शैतान को मुकाबला कैरा। किलैकि जन दुख-तकलीफ तुम लोग सौणा छाँ, ठिक उन्‍नि दुख-तकलीफ ईं दुनियां मा दुसरा बिस्वासी भै-बैंणा भि सौणा छिन।

गढवली नयो नियम

⁹ तुम तैं अपड़ा मजबूत विश्वास का दगड़ी वेको विरोध कन चयणु च, याद रखा की विश्वासी भैय-बैंण जु पूरा दुनिया मा रौंणा छिनी, इन ही के दुखों तैं सौणा छिनी जन तुम सौणा छा।

1 पतरस 5:9 Iomraidhean Croise

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

1 कुरिन्थि 10:13

अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

इफिसुस 4:27

अर शैतान तैं कुई मौका नि द्‍या।

इफिसुस 6:16

अर यों सभ्यों का दगड़ा-दगड़ि हाथों मा बिस्वास की ढाल तैं थामि ल्या, ज्यां से कि तुम शैतान का सब जग्यां तीरों तैं बुझै सैका।

कुलुसी 2:5

अर भले ही मि अभि तुम से दूर छौं, पर मेरु मन तुम पर ही लग्यूं च। अर तुमरा जीवन को अच्छु रंग-ढंग अर मसीह पर तुमरा मजबूत बिस्वास तैं देखि के मि भौत खुश छौं।

1 थिस्सलुनीकी 3:3

अर वेतैं भेजण को हमरु यू मकसद च कि जु सतौ तुम लोग सौणा छाँ, ये सतौ की वजै से कखि तुम बिस्वास करण से पिछनै नि हटि जां। अर तुम अफि जणद्‍यां, कि हम बिस्वासी लोगु पर ये सतौल त औण ही औण च।

1 तीमुथियुस 6:12

अर बिस्वास का बाटा बटि भटकी नि जै, बल्किन मा कड़ी मेनत कैर। अर वे ही बिस्वास तैं तिन भौत सा लोगु का समणि कबूल कैरी छौ। अर कखि सदनि का जीवन तैं ख्वे नि दे, ज्यां खुणि परमेस्वर न त्वेतै बुलयूं च।

2 तीमुथियुस 3:12

अर या बात सच्‍च च, कि जु लोग यीशु मसीह पर बिस्वास कैरिके परमेस्वर की भक्‍ति करण को जीवन जीण चनदिन, ऊं सभ्यों तैं भि सतयै जालु।

2 तीमुथियुस 4:7

अर जन एक अच्छी कुस्ति लड़ै जान्दी, ठिक उन्‍नि मिन भि परमेस्वर का काम तैं अच्छा से पूरु कैरियाली। अर जन एक खिलाड़ी अपणी दौड़ तैं जीतदु, ठिक उन्‍नि जु-जु काम मेरा हाथों मा सौंपे गै छा, मिन ऊंतैं पूरु कैरी। अर ये दौरान मि बिस्वास मा भि मजबूत बणयूं रौ।

इब्रानी 11:33

सुणा, यों न बिस्वास का द्‍वारा भौत सा देसों पर जीत हासिल कैरी, अर सच्‍चै से न्याय कैरी, इलै ऊं खुणि परमेस्वर को करार पूरु ह्‍वे गै, अर इख तक कि परमेस्वर न ऊं खुणि शेरों का गिच्‍चों तैं भि बन्द कैर दिनी।

इब्रानी 12:8

अर अगर परमेस्वर तुमतै अपणा सभि बच्‍चों का जन अनुसासन नि सिखौन्दु, त यां को मतलब यू च कि तुम कै दुसरा का ही बच्‍चा छाँ, ना कि परमेस्वर का।

याकूब 4:7

इलै खुद तैं परमेस्वर मा सौंपी द्‍या, अर शैतान को सामना कैरा। तब उ तुमरा समणि बटि भागी जालु।

1 पतरस 1:6

अर या ही तुम खुणि बड़ा आनन्द कि बात च, हालांकि, तुमतै अभि बन्‍नि-बन्‍नि अजमैसों की वजै से दुख-तकलीफ झिलण पोड़ीनी छिन, पर यू सब त कुछ ही बगत खुणि च।

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

1 पतरस 3:14

अर अगर जु तुम अच्छा काम करण का बदला मा दुख सौन्द्‍यां, त तुम धन्य छाँ। अर जु लोग तुमतै डऽरौन्दा या धमकौन्दा छिन ऊं से नि डऽरयां अर ना ही घबरयां।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।

दिब्य दरस 7:14

अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।