1 पतरस 4:6 - Garhwali

⁶ अर ईं वजै से ही यीशु मसीह का पिछनै चलण वळा लोगु न वेका बारा मा शुभ समाचार को परचार कैरी, जु कि अब मोरि गैनी, अर भले ही पिता परमेस्वर न ऊंको न्याय कैरी अर वु सब भि आम मनखियों की तरौं ही मोरि गैनी, मगर पिता परमेस्वर का पवित्र आत्मा न ऊंतैं सदनि को जीवन दिनी।

गढवली नयो नियम

⁶ यु ही कारण च कि मुरयां लुखुं ल भि मसीह का बारा मा शुभ सन्देश प्रचार सुणै। ऊंका देहों तैं सभि लुखुं जन मुरण पोड़ी, पर अब उ आत्मा मा हमेशा पिता परमेश्वर का दगड़ी राला।

1 पतरस 4:6 Iomraidhean Croise

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

गलातियों 2:19

अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

गलातियों 5:25

अर अगर हमतै पवित्र आत्मा का द्‍वारा नयू जीवन मिल्यूं च, त हमतै वेका मुताबिक चलण भि चयेणु।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

दिब्य दरस 14:18

फिर एक और स्वर्गदूत वेदी बटि निकळि, जैका पास वेदी का समणि धुप जलौण को अधिकार छौ। अर जैका हाथ मा पैनु दथड़ु छौ, येन वेकू ऊँची आवाज मा बोलि, “अपणा पैना दथुड़ा तैं चलै के धरती पर अंगूर की बेल बटि अंगूरों का गुच्छों तैं काटी के इकट्‍ठा कैरा, किलैकि अंगूर पक्‍की गैनी।”