1 पतरस 3:7 - Garhwali

⁷ हे मेरा भैयों, ठिक इन्‍नि तुम लोग भि अपणी-अपणी घरवळी का दगड़ा मा बड़ी समझदारी से अपणु जीवन ज्या। अर भले ही वा ताकत मा तुम से थुड़ी कमजोर ह्‍वे सकदी, मगर तुम वींतैं पूरु आदर-सम्मान द्‍या, अर ईं बात तैं समझि ल्या, कि पिता परमेस्वर न अपणी किरपा का द्‍वारा तुम दुईयों तैं वारिस होणु खुणि बुलयूं च। अर इन कैरिके तुमरि प्रार्थनाओं मा कुई रुकावट नि आली।

गढवली नयो नियम

⁷ उन ही हे आदिमों, अपड़ी जननों का दगड़ी मिल के रावा, अर ऊंकी मदद कना का बारा मा विचार कैरा, अर तुम तैं याद रखण चयणु च कि उ तुम बट्टी कमजोर च, इलै तुम तैं ऊंको आदर कन चयणु च। किलैकि तुम द्वी ही वे वरदान तैं कठ्ठा करदा जु पिता परमेश्वर ल दया का दगड़ी तुम तैं द्ये, मतलब अनन्त जीवन को वरदान। इन कैरी के जब तुम पिता परमेश्वर बट्टी प्रार्थना कैरा त उ तुम्हरी सुणो।

1 पतरस 3:7 Iomraidhean Croise

मत्ती 18:19

मि तुम बटि फिर से सच्‍च बोन्‍नु छौं, अगर तुम मा बटि दुई लोग ईं धरती पर कैं चीज खुणि एक मन ह्‍वेके मंगला, त स्वर्ग मा मेरा पिता की तरफा बटि तुम खुणि उन्‍नि किये जालु।

1 कुरिन्थि 7:3

हे मेरा भै-बैंणो, सरील का सम्बन्ध तैं पूरु करणु खुणि एक पति अपणी घरवळी खुणि, अर ठिक उन्‍नि एक घरवळी अपणा पति खुणि वफादार रौ।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

इफिसुस 4:30

अर परमेस्वर की पवित्र आत्मा तैं अपणा चाल-चलन से दुख नि द्‍या, किलैकि पवित्र आत्मा देके परमेस्वर न तुम पर अपणी मोर लगईं च, ताकि छुटकारा का दिन पर तुमतै छुडयै जौ।

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

कुलुसी 3:19

अर ठिक उन्‍नि हे पतियों, तुम भि अपणी-अपणी घरवळी से प्यार कैरा, अर ऊंतैं धमकै के नि रखा।

1 थिस्सलुनीकी 4:4

इलै तुम सब अपणा सरील की यों इच्छाओं तैं अपणा वश मा रखण सीखा, अर पवित्र जीवन ज्यऽ, ज्यां से कि लोग तुमरा जीवन तैं देखि के तुमरो आदर-सम्मान कैरा।

तीतुस 3:7

ताकि हम वेकी दया से परमेस्वर की नजर मा धरमी बणि सैका, अर सदनि को जीवन जीण की आस का मुताबिक वेका वारिस बणि जा।

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

1 पतरस 3:1

हे मेरी बैंणो, तुम अपणा-अपणा पति का अधीन मा रा। अर अगर जु तुमरा बीच मा कै को पति, परमेस्वर का वचन को पालन नि करदु हो, त हे मेरी बैंण, अपणा पति कू बिना कुछ बुलयां, तू अपणा पवित्र अर आदर-सम्मान देण वळा चाल-चलन तैं दिखौ, अर इन कैरिके तू अपणा पति तैं बिस्वास मा लेके ऐ सकदी छैई।