1 पतरस 3:4 - Garhwali

⁴ बल्किन मा तुमरो सौ-सिंगार त तुमरा जीवन मा होण चयेणु, जन कि शान्त सभौ, अर दीन होण की आत्मा, ज्वा कि कभि खतम नि ह्‍वे सकदी। अर यू ही पिता परमेस्वर का दिखण मा भौत कीमती च।

गढवली नयो नियम

⁴ तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।

1 पतरस 3:4 Iomraidhean Croise

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

मत्ती 21:5

“सिय्योन की नौनि कू बोला, ‘देख तेरु राजा तेरा पास औणु च, अर वु दीन च, अर गधा पर, बल्किन मा गधी का बच्‍चा पर बैठयूं च।’”

मत्ती 23:26

इलै हे अन्धा फरीसियों, पैलि कटोरा अर थकुला तैं भितर बटि मांजा, तब उ भैर बटि भि साफ ह्‍वे जालु।

मत्ती 5:5

“धन्य छिन ऊ, जु नमर सभौ का छिन, किलैकि ऊ ईं धरती का अधिकारी होला।

लूका 11:40

अरे लाटों, जैन भैर को हिस्सा बणै, क्या वेन भितर को हिस्सा नि बणै?

लूका 16:15

अर वेन ऊंकू बोलि कि, “तुम त लोगु का समणि अफ तैं धरमी ठैरौन्द्‍यां, पर परमेस्वर तुमरा मनों तैं जणदु च, किलैकि ज्वा चीज मनखियों की नजर मा सबसे महान होन्दी, वीं ही चीज से परमेस्वर नफरत करदु।

रोमियों 1:23

अर ऊं लोगु न सदनि तक रौण वळा पिता परमेस्वर की बडै नि कैरी, बल्किन मा ऊंन त नास ह्‍वे जाण वळा मनखियों, पंछियों, अर चार खुटा वळा जानबरों की पूजा कैरी, अर वेका दगड़ा-दगड़ि ऊंन रिंगण वळा जीव अर जानबरों की मूरत बणैनी, अर ऊंकी पूजा करण लगि गैनी।

रोमियों 2:29

मगर एक सच्‍चु यहूदी त वु च, जु कि अपणा मन से यहूदी हो अर वेका मुताबिक ही वेन अपणु खतना भि कर्युं हो अर यू सब केवल मन अर आत्मा मा च, ना कि नियम-कानून का मुताबिक सरील मा। इन्द्रया लोगु की तारीफ मनखियों का द्‍वारा ना, बल्किन मा पिता परमेस्वर की तरफा बटि होन्दी।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

रोमियों 7:22

किलैकि मि पिता परमेस्वर का नियम-कानून की वजै से अपणा जमीर मा भौत खुश होन्दु।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

गलातियों 5:23

दीन सभौ रखण, अर खुद तैं अपणा वस मा रखण, यों सब बातों को विरोध करण खुणि कुई भि नियम-कानून नि च।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

1 थिस्सलुनीकी 4:11

अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।

2 थिस्सलुनीकी 3:12

अर इन्द्रया लोगु तैं हम प्रभु यीशु मसीह का द्‍वारा दियां अधिकार से आज्ञा देन्द्‍यां, अर समझौद्‍यां कि ऊ चुपचाप काम कैरिके अपणा खाणुक खुणि खुद ही पैसा कमा।

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

तीतुस 3:2

अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

1 पतरस 1:23

किलैकि तुमतै एक नयू जीवन दिये गै, जु कि वे बीज का जन च जु कि कभि खतम नि ह्‍वे सकदु, बल्किन मा यू त पिता परमेस्वर का वचन द्‍वारा दियूं च, जु कि ज्यून्द अर सदनि तक रौण वळु च।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।