1 पतरस 2:21 - Garhwali

²¹ अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

गढवली नयो नियम

²¹ पिता परमेश्वर का द्वारा तुम तैं बुलै अर चुणै जांण का कारणों मा बट्टी एक कारण यु च कि तुम वेको दुःख सै लिला तुम वेको भला काम कैरी के दुःख सहन करदा। मसीह, जैल तुम कु दुःख सै, उ तुम कु एक उदाहरण च। इलै तुम तैं उन ही काम कन चयणु च जन मसीह ल कैरी।

1 पतरस 2:21 Iomraidhean Croise

मत्ती 10:38

अर जु कुई अपणी क्रूस तैं लेके मेरा पिछनै नि चलदु उ भि मेरु चेला होण का लैख नि ह्‍वे सकदु।

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

यूहन्ना 13:15

किलैकि मिन तुमरा समणि एक उदारण कैरिके देखैलि, कि जन मिन तुमरा दगड़ा मा कैरी, उन्‍नि तुम भि कैरा।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 17:3

अर ऊंतैं समझै के साबित कैरिके बोलि कि, “सुणा, यू जरुरी छौ की मसीह दुख उठौ, अर मुरदो मा बटि ज्यून्दु हो अर उ मसीह यीशु ही च जैको परचार मि तुमरा बीच मा कनु छौ।”

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

1 कुरिन्थि 11:1

हे मेरा भै-बैंणो, मेरु चाल-चलन यीशु मसीह का जन च, इलै तुमरो चाल-चलन भि मि जन हो।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

फिलिप्पी 2:5

हे मेरा दगड़्यों, जन मसीह यीशु को सभौ छौ, ठिक उन्‍नि तुमरो भि हो।

1 थिस्सलुनीकी 3:3

अर वेतैं भेजण को हमरु यू मकसद च कि जु सतौ तुम लोग सौणा छाँ, ये सतौ की वजै से कखि तुम बिस्वास करण से पिछनै नि हटि जां। अर तुम अफि जणद्‍यां, कि हम बिस्वासी लोगु पर ये सतौल त औण ही औण च।

1 थिस्सलुनीकी 4:2

किलैकि प्रभु यीशु का दियां अधिकार से हमुन तुमतै जु-जु आज्ञा सिखैनी, वेका बारा मा त तुम जणदा ही छाँ।

2 तीमुथियुस 3:12

अर या बात सच्‍च च, कि जु लोग यीशु मसीह पर बिस्वास कैरिके परमेस्वर की भक्‍ति करण को जीवन जीण चनदिन, ऊं सभ्यों तैं भि सतयै जालु।

इब्रानी 2:10

अर जन पिता परमेस्वर न चै, वेन अपणी ताकत का मुताबिक सब कुछ बणै। अर इन वेन इलै कैरी, ताकि उ यीशु मसीह का द्‍वारा भौत सा लोगु तैं अपणी महानता मा सामिल कैरी सैको। अर लोगु तैं बचौणु खुणि वेन अपणी योजना तैं पूरु कैरी, ज्वा कि यीशु तैं मौत का दुख तैं झिलण की छै। अर फिर वेन यीशु तैं मुरदो मा बटि ज्यून्द कैरिके ईं बात तैं सिद्ध कैरियाली, कि वेका द्‍वारा लोग पिता परमेस्वर का पास आ।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

1 पतरस 4:1

अर हम जणदा छाँ, कि यीशु मसीह न अपणा सरील मा दुख तैं झेली, इलै हमतै भि वेका जन ही विचार रखण चयेणा, अर हरेक दुख तैं झिलणु खुणि तयार रौण चयेणु, किलैकि जैन शरीर मा दुख झेली उ पाप करण छोड़ि देन्दु।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

1 यूहन्ना 2:6

अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

1 यूहन्ना 3:16

अर यीशु मसीह न हमरा खातिर अपणी जान दे दिनी, अर यां से ही हमतै इन पता चलि कि प्यार क्या होन्दु? इलै हमतै भि एक-दुसरा खुणि अपणी जान देण चयेणी।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।