1 पतरस 1:13 - Garhwali

¹³ इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

गढवली नयो नियम

¹³ इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

1 पतरस 1:13 Iomraidhean Croise

मत्ती 20:4

अर वेन ऊंकू बोलि, ‘तुम लोग भि मेरा अंगूरों का बगिचा मा जा, अर मि तुमतै ठिक-ठाक ध्याड़ि द्‍यूलु।’ तब वु लोग भि वेका बगिचा मा गैनी।

लूका 12:35

तब यीशु न ऊंकू इन भि बोलि, “तुम ऊं नौकरों का जन बणा, जु अपणा मालिक को इंतजार करदिन, ताकि जब उ मालिक ब्यौ बटि वापिस अऽ, अर द्‍वार तैं खटखटऽ, त वु नौकर वे खुणि द्‍वार तैं तुरन्त खोली द्‍यो। इलै तुम भि सेवा करणु खुणि तयार रा, अर तुमरा द्‍यू जगणा रा।

लूका 17:30

अर ठिक इन्‍नि वे दिन भि होलु, जब मनखि को पुत्र आलु।

लूका 17:8

पर इन बोललु, ‘मि खुणि खाणु बणौ, अर जबरि तक मि खै-पी नि ल्यूं, तबरि तक अपणी कमर बान्धि के मेरी सेवा कैर अर वेका बाद तू भि खै-पी ले?

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

रोमियों 8:19

अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

1 कुरिन्थि 1:7

अर अब तुम मा कैं भि आत्मिक दान-बरदान की कमी नि च, किलैकि वेन तुम पर किरपा कैरिके तुमतै सब कुछ दान का रुप मा दियाली। इलै तुम भि हमरा प्रभु यीशु मसीह का वापस औण को इंतजार कना छाँ।

1 कुरिन्थि 13:13

इलै हे मेरा दगड़्यों, पिता परमेस्वर पर हमतै अपणी आस अर बिस्वास बणै के रखण चयेणु, अर हमेसा सब लोगु से प्यार करण चयेणु, किलैकि सब बात यों तीनों चीजों पर ही टिकी छिन। मगर यों तीनों मा बटि सबसे बड़ी बात या च कि, हमतै सब लोगु से प्यार करण चयेणु।

इफिसुस 6:14

इलै सच्‍चै का वचन से अपणी कमर कसी ल्या, अर परमेस्वर न तुमतै धरमी ठैरैयालि या बात एक कवच का जन च।

कुलुसी 3:4

अर यीशु मसीह जु कि तुमरो जीवन च जब उ पूरि दुनियां का समणि परगट होलु, तब तुम लोग भि वेका दगड़ा-दगड़ि परगट किये जैल्या, अर वेका आदर-सम्मान मा साझेदार ह्‍वेल्या।

2 थिस्सलुनीकी 1:7

अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

इब्रानी 10:35

इलै प्रभु यीशु पर अपणु बिस्वास बणै के रखा किलैकि वेका बदला मा तुमतै एक बड़ु इनाम मिलण वळु च।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

1 पतरस 1:10

अर बचयै जाण का बारा मा पुरणा जमना मा परमेस्वर का रैबर्यों न भौत लगन लगै के खोजबीन कैरी, अर वेतैं जनण की कोसिस भि कैरी। अर ऊंन वीं किरपा का बारा मा भविष्यबाणी कैरी, ज्वा कि तुम पर होण वळी छै।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

1 पतरस 5:12

हे मेरा दगड़्यों, सिलवानुस एक इन भै च जैतैं मि भरोसा का लैख समझदु, वेका द्‍वारा मि या चिठ्‍ठी तुम लोगु खुणि लिखौणु छौं। अर ईं चिठ्‍ठी मा मिन कुछ शब्द ही लिखवैनी, ताकि तुमरा हौसला बढ़ो। अर मि इन गवै देन्दु, कि जु बात ईं चिठ्‍ठी मा लिखीं छिन, ऊ सब बात पिता परमेस्वर की सच्‍चि किरपा से छिन, अर तुम सब यों बातों मा मजबूत बणयां रा।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।