1 यूहन्ना 1:4 - Garhwali

⁴ अर या बात हम इलै लिखणा छां, ताकि हम सभ्यों को आनन्द पूरु ह्‍वे जौ।

गढवली नयो नियम

⁴ अर यूं बातों तैं हम इलै लिखणा छा, कि हमारी खुशी पूरी हवे जौ।

1 यूहन्ना 1:4 Iomraidhean Croise

यूहन्ना 15:11

अर यू बात मिन तुमकु इलै बुलिनी, कि मेरु आनन्द तुम मा बणयूं रौ अर तुम वे आनन्द मा भरपूर ह्‍वे जा।

यूहन्ना 16:24

अर अभि तक तुमुन मेरु नौ से कुछ भि नि मांगि। इलै मांगा, त तुमतै दिये जालु, ताकि तुम भरपूर आनन्द कैरी सैका।

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

2 यूहन्ना 1:12

हालांकि, मिन भौत सि बात लिखण छै, मगर मि नि चान्दु कि सब कुछ स्याई से अब यों कागज्दों पर लिखु, बल्किन मा मितैं इन उम्मीद च कि मि तुमरा इख औंऽऽ। अर जब मि उख पौंछुलु, तब अमणि-समणि बात होलि, ताकि तुमरि खुशी पूरि ह्‍वे जौ।