1 यूहन्ना 1:3 - Garhwali

³ अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

गढवली नयो नियम

³ हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

1 यूहन्ना 1:3 Iomraidhean Croise

यूहन्ना 17:11

अर अब मिन ईं दुनियां मा नि रौण, किलैकि मि तुमरा पास औणु छौं, पर ऊंन त ईं दुनियां मा ही रौण। हे मेरा पवित्र पिता, अपणु नौ, जु तुमुन मितैं दियूं च वे ही नौ की शक्‍ति से यों की हिफाजत कैरा, ताकि जन हम दुईया का दुई एक छां, ठिक उन्‍नि ऊ भि एक ह्‍वे जा।

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

यूहन्ना 17:25

“हे मेरा धरमी पिता, दुनियां का लोगु न तुमतै नि पछ्याणी, पर मि तुमतै पछ्याणदु छौं। अर यों लोगु न भि जाण्यालि, कि तुमुन ही मितैं भेजि।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

यूहन्ना 19:35

अर इन इलै ह्‍वे, ताकि पवित्रशास्‍त्र मा लिख्यूं वचन पूरु ह्‍वे जौ। अर वु वचन इन च कि, “वेकी कुई भि हड्‍डी तुड़ै नि जालि।” अर पवित्रशास्‍त्र का एक हैंकी जगा मा इन भि लिख्यूं च कि, “जैतैं ऊंन भालळ मारी, वु लोग वेतैं दिखला।” अर जैन यू सब होन्दु देखि, वेन ही या गवै देई अर वेकी गवै सच्‍चि च। अर उ खुद ही जणदु च, कि उ सच्‍च ही बोन्‍नु च। अर वेन या गवै इलै देई, ताकि तुम भि बिस्वास कैरा।

खास चेलों 13:32

“अर परमेस्वर न हमरा पितरों का दगड़ा मा जु करार कैरी छौ, वेका बारा मा हम तुमतै शुभ समाचार सुणौन्द्‍यां।

खास चेलों 2:42

अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्‍वेके रौण लगि गैनी।

खास चेलों 20:27

किलैकि परमेस्वर की ज्वा योजना तुम खुणि च वा तुमतै बतौण मा मितैं जरा भि झिझक नि लगि।

खास चेलों 4:20

देखा अब इन त ह्‍वे नि सकदु, कि हमुन जु देखि अर सुणी च वेका बारा मा हम कुछ नि बोला।”

रोमियों 15:27

अर ये काम तैं करणु खुणि ऊ लोग भौत खुश छिन किलैकि ऊ यहूदी लोगु का करजदार छिन। अर पिता परमेस्वर न जु कुछ भि यहूदी लोगु तैं सिखै, अर जु आसीस वेन ऊंतैं दिनी ऊंका द्‍वारा ही वु सब कुछ ऊं लोग तक पौंछी जु यहूदी जाति का नि छिन। इलै तुमरो यू फरज बणदु कि अब तुम लोग यहूदी लोगु की जरुरतों तैं पूरु करणु खुणि मदद कैरा।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 1:9

अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

1 कुरिन्थि 15:1

हे मेरा भै-बैंणो, जु शुभ समाचार मिन तुमतै पैलि सुणै छौं, वेतैं तुमुन स्वीकार कैरी, अर वेमा तुम अटल भि छाँ, उई वचन मि तुमतै याद दिलौणु छौं।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

फिलिप्पी 2:1

हे मेरा भै-बैंणो, मि जणदु छौं कि तुम यीशु मसीह पर बिस्वास करद्‍यां, अर वेका द्‍वारा तुमतै प्यार, हौसला अर दिलासा मिलदी। अर वेन तुमरा मनों तैं पवित्र आत्मा का द्‍वारा एक कैरियाली, अर वेन ही तुम पर अपणी किरपा अर दया दिखै।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

कुलुसी 1:13

अर वेन ही हमतै अन्धेरा का अधिकार से छुड़ै, अर अपणा प्यारा पुत्र यीशु मसीह का राज मा दाखिल करै,

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

इब्रानी 2:12

इलै ही वेन पिता परमेस्वर कू बोलि, “मि अपणा भै-बैंणो का समणि तुमरा नौ को बखान करलु, अर सभा का समणि मि तुमरो गुणगान करलु।”

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

2 पतरस 1:16

अर जब हमुन प्रभु यीशु मसीह की ताकत अर वेका वापस औण का बारा मा तुमतै शुभ समाचार सुणै, त हमुन तुमरा दगड़ा मा कुई चालाकी नि चलि। अर ना ही तुमतै झूठ्‍ठी शिक्षा सुणै के तुमरो कुई फैदा उठे, बल्किन मा हमुन त वेका सानदार आदर-सम्मान का बारा मा तुमतै बतै जु खुद हमुन अपणा आंख्यों न देखि छौ।

1 यूहन्ना 1:1

हे मेरा भै-बैंणो, हम ईं चिठ्‍ठी मा तुम खुणि वे जीवन का वचन का बारा मा लिखणा छां, जु कि दुनियां की शुरुवात बटि छौ। अर हमुन वेतैं देखि, बल्किन मा बड़ा ध्यान से देखि अर वेकी बातों तैं सुणी, अर अपणा हाथोंळ हमुन वेतैं छ्वी भि च। अर हम तुमतै वे वचन का बारा मा बतौणा छां जु कि जीवन देण वळु च।

1 यूहन्ना 1:5

अर जु वचन हमुन यीशु मसीह बटि सुणी, उई वचन हम तुमतै सुनौणा छां। अर वु वचन इन च कि, परमेस्वर उज्याळु च अर वेमा कुई अन्धेरु नि च।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।