પ્રકટીકરણ 7:14 - ગામીત નોવો કરાર14 તોવે માયે ચ્યાહાન આખ્યાં, “ઓ માલિક, આંય નાંય જાંઆવ બાકી તું જાંઅતોહો.” પાછો ચ્યાય માન આખ્યાં, “યેં ઉજળેં ડોગલેં પોવલા ચ્યા લોક હેય જ્યાહાય બોજ મોઠા સતાવા અનુભવ કોઅલો હેય, ચ્યાહાય ગેટા લોયાકોય પોત-પોતાલ પોરમેહેરા નોજરેમાય શુદ્ધ બોનાવી લેદલા હેય.” Faic an caibideil |
પ્રકટીકરણ 7:14
30 Iomraidhean Croise
આમહે વિસ્વાસ્યાહાય સૈતાનાલ ગેટા લોયા સામર્થ્યાકોય આરવી દેનલો હેય, જો ચ્યાહા પાપહા માઅને છોડાવાહાટી મોઅઇ ગીઅલો આતો, ચ્યાહાય ચ્યાલ આરવી દેનો કાહાકા ચ્યાહાય ઓ બોરહો કોઅયો કા ગેટા ચ્યાહા પોરમેહેર આતો, ચ્યાહાન સતાવલા ગીયા, ઓલે લોગુ કા ચ્યે ચ્યાહાન માઆઇ ટાક્યેં, બાકી ચ્યે ચ્યાવોય બોરહો કોઅનાકોય પાહલા નાંય ઓટ્યે.
તોવે માયે કાયતેરુ દેખ્યા જીં દોરિયા હારકા દેખાય, એને કાચાહારકા ચોમકી રીઅલા, એને ચ્યામાય આગ બી મિળલી આતી. માયે ચ્યા લોકહાનબી દેખ્યા, જ્યા જંગલી જોનાવરાકોય આરાય નાંય ગીઅલા આતા, ચ્યાહાય જંગલી જોનાવરા એને ચ્યા મુર્તિપુજા નાંય કોઅલી આતી, એને ચ્યાહાવોય ચ્યા જંગલી જોનાવરા નાંવા આકડા નિશાણી નાંય લાવલી આતી, તાં ચ્યે દોરિયા મેરાવોય ઉબલે આતેં એને ચ્યા બોદહાય યોક વીણા દોઅલી આતી જીં પોરમેહેરાય ચ્યાહાન દેનલી આતી.
ચ્યા પાછે માયે લોકહા યોક બોજ મોઠી ગીરદી દેખી, જ્યેલ કાદાબી ગોણી નાંય હોકતા આતા, ચ્યે દુનિયા બોદી જાતી, એને બોદા કુળા, દેશહા, એને બોદી ભાષા બોલનારાહા માઅને આતેં, ચ્યે રાજગાદી એને ગેટા હામ્મે ઉબલે આતેં, ચ્યે ઉજળેં ડોગલેં પોવલે આતેં એને બોદહા આથામાય ખુજરિયે ડાહાગ્યો દોઅલ્યો આત્યો, જ્યો સન્માન કોઅના પ્રતિક આત્યો.
Sanasan