પ્રકટીકરણ 18:12 - ગામીત નોવો કરાર

¹² ચ્યાહા માલ બોજ પ્રકારનો આતો, ચ્યામાય હોના, ચાંદી, ઇરા, મોતી આતેં, ચ્યામાય બોજ હારેં ફાડકે આતેં, જ્યેં મોઅગા દોરા, ચોમાકનારા લાલ એને જાંબળ્યા ફાડકા બોનાવલે આતેં. ચ્યામાય સુગંધિત લાકડાકોય બોનાવલ્યો વસ્તુ, આથી દાતા વસ્તુ બોનાવલ્યો આત્યો, એને બીજ્યો વસ્તુ આત્યો જ્યો મોઅગા લાકડા કા પિતળા, લોખીંડા, કા સંગેમરમર દોગડા બોનાવલ્યો આત્યો.

પ્રકટીકરણ 18:12 Iomraidhean Croise

પ્રકટીકરણ 17:3

તોવે પવિત્ર આત્મા મોદાતે કોય હોરગ્યો દૂત માન ઉજાડ જાગામાય લેય ગીયો, માયે તાં યોક થેએ દેખી જીં લાલ રોંગા જંગલી જોનાવરાવોય બોઠલી આતી, ચ્યા હાત ટોલપે એને દોહો હિંગે આતેં, ચ્યા પુરા શરીરાવોય ચ્યાહા નાંવ લોખલે આતેં જ્યેં પોરમેહેરા નિંદા કોઅતેહે.

પ્રકટીકરણ 17:4

તી થેએ જાંબળ્યા એને લાલ ફાડકે પોવલે આતી, એને હોના એને હિરા મોતી કોઇન સોબા કોઅલી, એને જ્યે જમણા આથામાય હોના વાટક્યેમાય ચ્યે દારવા કોય બોઆલો ગિલાસ દોઅલો આતો, જો ચ્યે ખારાબ કામહા એને વ્યબિચારાલ દર્શાવેહે.

પ્રકટીકરણ 18:15

યા બોદા માલા વેપાર્યા, જ્યા ચ્યે લેદે માલદાર બોની ગીઅલા આતા, ચ્યા આમહાનબી ડૉડ મિળી ચ્યા દાકે દુઉ ઉબા રોઇન રોડીન એને શોક કોઇન આખરી.