યોહાન 6:2 - ગામીત નોવો કરાર

² યોક મોઠી ગીરદી ચ્યા પાહલા ચાલી, કાહાકા જ્યા નોવાયે ચમત્કાર તો બિમાર્યાહાવોય કોઅતો આતો, ચ્યે ચ્યાહાન એઅતે આતેં.

યોહાન 6:2 Iomraidhean Croise

માથ્થી 12:15

ઈ જાઇન ઈસુ તાઅને જાતો રિયો, એને બોજ લોક ચ્યા પાહલા ગીયા એને ચ્યાય બોદહાન હારેં કોઅયે.

માથ્થી 13:2

તોવે ચ્યાપાય બોજ મોઠી ગીરદી બેગી ઓઈ ગીયી, કા તો ઉડીમાય ચોડી ગીયો, એને બોદે માઅહે મેરાવોય ઉબે રિયે.

માથ્થી 14:14

જોવે તો મેરાવોય પોઅચ્યો, તોવે બોજ માઅહા ટોળો એઅયો, એને ચ્યાહાવોય ચ્યાલ દયા યેની એને જ્યેં દુ:ખ્યે આતેં, ચ્યે ચ્યાહા દુખાહાન હારાં કોઅયા.

માથ્થી 8:1

જોવે ઈસુ ચ્યા ડોગાવોયને ઉત્યો તોવે યોક મોઠી ગીરદી ચ્યા પાહલા ગીયી.

માર્ક 1:45

બાકી તો જાયન ઈ વાત આખા એને ફેલાવાં લાગ્યો, કા ઈસુવે માન હારો કોઅયો ઓલા હુદુ કા ઈસુ કોઅહાબી ગાવામાય ખુલી રીતે નાંય જાય હોક્યો, બાકી બારેજ એકાંત જાગામાય રિયો, તેરુંબી ચોમખીને માઅહે ચ્યાપાય યેતે આતેં.

માર્ક 6:33

એને લોકહાય ચ્યાહાન નિંગતા દેખીન જાઈ લેદા, કા કેછ જાઈ રીઅલા હેય, યાહાટી ચ્યા ભાગા આજુબાજુ ગાવહામાઅને માઅહે દાંહાદી જાયન, એને ચ્યાહા આગલા તાં યી ફૂગ્યેં.

યોહાન 11:47

તોવે મુખ્ય યાજક એને પોરૂષીયાહાય મોઠી સોબા લોકહાન હાદિન પુછ્યાં, “આપા કાય કોઅજેહે? ઈ માઅહું તે બોજ ચમત્કાર કોઅહે.

યોહાન 12:18

ચ્યાહાટી માઅહે ચ્યાલ મિળાહાટી યેનલે આતેં, કાહાકા ચ્યાહાન ખોબાર પોડયેલ, ચ્યે ઓહડો ચમત્કાર દેખાડલો આતો.

યોહાન 12:37

એને ઈસુવે ચ્યાહા દેખતા બોજ ચમત્કાર કોઅયા, તેરુંબી ચ્યાહાય ચ્યાવોય બોરહો નાંય કોઅયો.

યોહાન 2:11

ઈસુય ગાલીલ ભાગા કાના ગાવામાય ચ્યા ચમત્કારહા શુરવાત કોઇન ચ્યા મહિમા કોઅયી, એને ચ્યા શિષ્યહાય ચ્યાવોય બોરહો કોઅયો.

યોહાન 2:23

જોવે ઈસુ યેરૂસાલેમ શેહેરામાય પાસ્કા સણામાય આતો, તોવે બોજ લોકહાય ચ્યા ચમત્કારાહાલ એઇન ચ્યાવોય બોરહો કોઅયો.

યોહાન 20:30

ઈસુવે આજુબી બો બોદે ચમત્કારા કામ શિષ્યહા દેખતા કોઅયે, જીં યે ચોપડયેમાય નાંય લોખલે હેય;

યોહાન 3:2

તો રાતી ઈસુવાપાય યેનો, એને ચ્યાલ આખ્યાં કા, “ઓ ગુરુજી, આમહાન ખોબાર હેય કા, પોરમેહેરાય તુલ આમહાન હિકાડાંહાટી દોવાડલો હેય, કાહાકા જ્યા ચમત્કાર તું કોઅતોહો, જોવે પોરમેહેર ચ્યાઆરે નાંય રોય તોવે ચ્યા ચમત્કાર કાદાં માઅહું નાંય દેખાડી હોકે.”

યોહાન 6:14

લોકહાય ઓ ચમત્કાર એઇન આખ્યાં, “દુનિયામાય જો ભવિષ્યવક્તા યેનારો હેય તો નોક્કી ઓજ હેય.”

યોહાન 6:22

બીજે દિહે જ્યેં માઅહે દોરિયા ચ્યેમેરે ઉબલે આતેં ચ્યાહાય ઈ એઅયા, ઈહીં યોક ઉડી સિવાય બીજી ઉડી નાંય આતી, એને ઈસુ ચ્યા શિષ્યહાઆરે ઉડીમાય નાંય ચોડયેલ, બાકી સિવાય ચ્યા શિષ્યજ ગીઅલા આતા.

યોહાન 6:26

ઈસુવે ચ્યાહાન જવાબ દેનો કા, “આંય તુમહાન હાચ્ચાં-હાચ્ચાં આખતાહાવ, તુમહાય ચમત્કાર એએયો ચ્યાહાટી નાંય, બાકી બાખે ખાયન દારાઈ ગીયે ચ્યાહાટી તુમા માન હોદતેહેં.

યોહાન 6:30

તોવે ચ્યાહાય ઈસુલ પુછ્યાં, “તું કાય ચિન્હ દેખાડતોહો કા તી એઇન તોવોય આમા બોરહો કોઅજે? તું કોઅહા કામ દેખાડતોહો?