યોહાન 3:6 - ગામીત નોવો કરાર

⁶ કાહાકા માઅહા પાઅને જન્મો શારીરિક જન્મો હેય, એને પવિત્ર આત્માપાઅને જન્મો તો નોવો જન્મો હેય.

યોહાન 3:6 Iomraidhean Croise

યોહાન 1:13

ચ્યાહા જન્મો આયહે આબહા ઇચ્છાકોય નાંય, કા યોકા માઅહા પોહા પૈદા કોઅના મોરજયેકોય નાંય, કા માઅહા ઇચ્છાકોય નાંય જાયો, બાકી પોરમેહેરા પાયને જન્મો જાયો.

યોહાન 3:7

તું નોવાય નાંય પામા જોજે, માયે તુલ આખ્યાં કા, તુલ નોવો જન્મો લેઅના જરુરી હેય.

રોમનોને પત્ર 7:18

કાહાકા આંય જાંઅહું, કા માંયેમાય એટલે કા મા શરીરા સ્વભાવામાય હારી વસ્તુ વાસ નાંય કોએ, ઇચ્છા તે મા માય હેય, બાકી હારેં કામે માયેકોય ઓઈ નાંય હોકે.

રોમનોને પત્ર 7:25

આંય પોરમેહેરા ધન્યવાદ કોઅતાહાંવ, જ્યાંય પ્રભુ ઈસુ ખ્રિસ્તાકોય માન બોચાવ્યો, મોનાકોય આંય પોરમેહેરા નિયમાહા સેવા કોઅતાહાંવ, બાકી શરીરાકોય પાપા સેવા કોઅતાહાંવ.

રોમનોને પત્ર 7:5

જોવે આપા આપહે પાપી સ્વભાવા ગુલામમાય આતેં, તોવે મૂસા નિયમા વોળાખ જાયી એને પાપ કોઅના ઇચ્છા આપહે મોરણ લેય યાહાટી આપહે શરીરામાય કામ કોઅતી આતી.

રોમનોને પત્ર 8:13

કાહાકા જો તુમા પાપી સ્વભાવાનુસાર જીવન જીવહા તે પોરમેહેરાપાઅને દુઉ ઓઅય જાહા, એને જો તુમા પવિત્ર આત્મા સામર્થ્યાકોય પાપી સ્વભાવા ઇચ્છાકોય જીવન જીવના બંદ કોઅય દાહા, તે તુમા જીવતે રાહા.

1 કરિંથીઓને 6:17

એને જો પ્રભુ આરે એકતામાય રોહે, તે ચ્યા આત્મા એને પ્રભુ આત્મા યોક બોની જાહાય.

2 કરિંથીઓને 5:17

યાહાટી જો કાદો ખ્રિસ્તામાય બોરહો કોઅહે તે ચ્યાલ યોક નોવો સ્વભાવ મિળહયો, જુનો સ્વભાવ જાતો રોયહો, એને આમી નોવો સ્વભાવ સુરુ ઓઅય ગીયહો.

ગલાતીઓને પત્ર 5:24

જ્યેં ઈસુ ખ્રિસ્તાવોય બોરહો કોઅતેહે, ચ્યાહાય શરીરા પાપી સ્વભાવા ઇચ્છા એને અભિલાષાલ ખ્રિસ્તાઆરે હુળીખાંબાવોય ચોડવી દેનહા.

એફેસીઓને પત્ર 2:3

આપાબી ચ્યાહા હારકે જીવતે આતેં, આપહે પાપી સ્વભાવા ઇચ્છા પુરી કોઅતે આતેં, એને શરીર એને મોના વાસના પુરી કોઅતે આતેં, એને અવિસ્વાસી લોકહા હારકા આપાબી ખારાબ આતેં એને પોરમેહેરા ડૉડા આધીન આતેં.

કલોસ્સીઓને પત્ર 2:11

જોવે તુમહાય ખ્રિસ્તાવોય બોરહો કોઅયો, તોવે તુમહે સુન્નત માઅહાકોય નાંય કોઅલા ગીયા, બાકી તી સુન્નત ખ્રિસ્તા લીદે જાઈ જ્યાકોય તુમહે પાપી સ્વભાવાલ દુઉ કોઅયો.

1 યોહાન 3:9

જ્યેં પોરમેહેરા પોહેં હેય ચ્યે પાપ કોઅયા નાંય કોએત, કાહાકા પોરમેહેરા વચન ચ્યાહામાય બોની રોહે, ચ્યે પાપ કોયજ નાંય હોકે, કાહાકા ચ્યે પોરમેહેરા પોહેં હેય.