પ્રેષિતોનાં ક્રત્યો 11:16 - ગામીત નોવો કરાર

¹⁶ તોવે માન પ્રભુ ઈસુ વચન યાદ યેના, જીં ચ્યાય આખ્યેલ, યોહાનાય પાઅયા કોઇન બાપતિસ્મા દેના બાકી તુમા પવિત્ર આત્માકોય બાપતિસ્મા પામહા.

પ્રેષિતોનાં ક્રત્યો 11:16 Iomraidhean Croise

માથ્થી 3:11

“આંય તે પાઆયાકોય તુમહાન પાપ કોઅના બંદ કોઅરાહાટી બાપતિસ્મા દેતહાવ, બાકી જો મા પાછે યેનારો હેય, તો મા કોઅતો મહાન ગોત્યેવાળો હેય: આંય તે ચ્યા ચાકાર બોનીન ચ્યા ખાઅડા હુતળી છોડાબી લાયક્યે નાંય હેય, એને તો તે તુમહાન પવિત્ર આત્મા એને આગડાકોય બાપતિસ્મા દી.

માથ્થી 3:6

જેહેકોય ચ્યાહાય પાપહાલ માની લેદા તોવે યોહાને લોકહાન યારદેન નોયેમાય બાપતિસ્મા દેના.

માર્ક 1:8

માયેતે તુમહાન પાઅયા કોઇન બાપતિસ્મા દેનહા બાકી તો તુમહાન પવિત્ર આત્મા કોઅઇ બાપતિસ્મા દેઅરી.”

લુક માર્કા લીખલી હારી ખોબાર 24:8

તોવે ચ્યા વાતો ચ્યેહેલ યાદ યેન્યો.

લુક માર્કા લીખલી હારી ખોબાર 3:16

તોવે યોહાને ચ્યા બોદહાન જાવાબ દેનો કા “આંય તે પાઆયાકોય તુમહાન બાપતિસ્મા દેતહાવ, બાકી જો યેનારો હેય, તો મા કોઅતો મહાન હેય, આંય તે ચ્યા ચાકાર બોનીન ચ્યા ખાઅડા હુતળી છોડાબી લાયક્યે નાંય હેય, એને તો તુમહાન પવિત્ર આત્મા એને આગડાકોય બાપતિસ્મા દેઅરી.

યોહાન 1:26

યોહાને ચ્યાહાન જાવાબ દેનો, “આંય તે પાઆયાકોય તુમહાન પાપ કોઅના બંદ કોઅરાહાટી બાપતિસ્મા દેતહાવ, બાકી તુમા જ્યાલ વોળખેત નાંય ઓહડો યોક માઅહું તુમહે વોચમાય ઉબલો હેય.

યોહાન 1:33

આંય ચ્યાલ નાંય વોળાખતો આતો કા તો ખ્રિસ્ત હેય, બાકી જ્યાંય માન પાઅયા કોઇન બાપતિસ્મા દાંહાટી દોવાડયો, ચ્યે માન આખ્યેલ કા, ‘તું પવિત્ર આત્માલ જ્યાવોય ઉતતો એને થોબતો એઅહે, તોજ પવિત્ર આત્માકોય બાપતિસ્મા દેનારો હેય.’

યોહાન 14:26

બાકી મોદાત્યો એટલે પવિત્ર આત્મા જ્યાલ આબહે મા ઓદિકાર હાતે દોવાડી, પવિત્ર આત્મા તુમહાન બોદા હિકાડી, એને જીં કાય માયે આખલા હેય, પવિત્ર આત્મા તુમહાન યાદ કોઆડી.”

યોહાન 16:4

બાકી યો વાતો માયે યાહાટી તુમહાન આખી દેન્યો, કા જોવે તો સમય યેય, તોવે તુમહાન યાદ યેય, કા માયે તુમહાન પેલ્લા આખી દેનલા આતા. જોવે તુમા શુરવાતમાય મા શિષ્ય બોન્યા, તોવે તુમહાન યાહાટી નાંય આખ્યાં કાહાકા આંય તુમહેઆરે આતો.”

પ્રેષિતોનાં ક્રત્યો 1:5

કાહાકા યોહાનાય તે પાઆયાકોય બાપતિસ્મા દેનલા હેય, બાકી કોલહાક દિહયા પાછે પોરમેહેર તુમહેઆરે રાંહાટી પવિત્ર આત્મા દોવાડી.”

પ્રેષિતોનાં ક્રત્યો 20:35

માયે તુમહાન બોદાંજ કોઅય દેખાડયાં, કા યે રીતે મેહનાત કોઅના નોબળાહાન સાંબાળના, એને પ્રભુ ઈસુ વચનાહાલ યાદ રાખના જરુરી હેય, કા ચ્ચેય પોતેજ આખલા હેય, ‘લેયના કોઅતા દેયના ધન્ય હેય’.”

1 કરિંથીઓને 12:13

કાહાકા આપાબી કું યહૂદી, કું ગેર યહૂદી, કું ગુલામ, કું સુટા આપા બોદે યોકુજ આત્માકોય બાપતિસ્મા લેઈને યોકુજ શરીર બોની ગીયે, આપા બોદહાય યોકુજ આત્મા પામલા હેય.

2 પિતરનો પત્ર 3:1

ઓ મા પ્રિય વિસ્વાસી બાહા એને બોઅયેહેય, આમી આંય તુમહાન ઈ બિજા પત્ર લોખતાહાવ, માયે તુમહાન યે બેની પત્રે યાહાટી લોખ્યેહેં, એટલે જ્યો વાતો તુમા પેલ્લેથી જાંઅતાહા, ચ્યાહા બારામાય તુમહાન યાદ દેવાડવાથી આંય તુમહે મોનામાય શુદ્ધ વિચાર પેઅદાહા કોઅઇ હોકુ.