2 થેસ્સલોનિકીઓને 3:4 - ગામીત નોવો કરાર

⁴ એને પ્રભુમાંય આમહાન તુમહાવોય ઓહડી ખાત્રી હેય કા, આમહે આખલા પરમાણે તુમા કોઅતાહા એને કોઅતાબી રાહા.

2 થેસ્સલોનિકીઓને 3:4 Iomraidhean Croise

માથ્થી 28:20

એને ચ્યાહાન બોદ્યો વાતો જ્યો માયે તુમાહાલ આગના દેનહી, ચ્યો માનના હીકાડા: એને યાદ રાખા, આંય દુનિયા છેલ્લે લોગુ તુમહેઆરે હેય.

રોમનોને પત્ર 15:14

ઓ વિસ્વાસી બાહાહાય, માન પોતે તુમહે બારામાય ખાત્રી હેય, કા તુમા હારાં કોઅરાહાટી સદા તિયાર રોતેહેં, તુમા પુરીરીતે જાંઅતેહે કા તુમહાન કાય કોઅરા જોજે, એને તુમા યોકબિજાલ હિકાડી હોકતેહેં.

રોમનોને પત્ર 15:18

ખ્રિસ્તાય માકોય જીં કોઅયા તી આખાહાટી માન ઈંમાત હેય, કા આંય ગેર યહૂદી લોકહાન પોરમેહેરા વાતહે પાલન કોઅરાહાટી સક્ષમ હેતાંવ, જોવે ચ્યા મા શબ્દ વોનાયા એને મા કામહાલ દેખ્યા તોવે ચ્યાહાય ખ્રિસ્તાવોય બોરહો કોઅયો.

રોમનોને પત્ર 2:7

એને જ્યેં હારાં કામહામાય મજબુત બોની રોય એને મહિમા, એને આદર એને અમરતા હોદતેહેં, ચ્યાહાન પોરમેહેર અનંતજીવન દી.

1 કરિંથીઓને 14:37

જીં માઅહું પોતાનાલ ભવિષ્યવક્તો કા પવિત્ર આત્મા વરદાનાહા કોય બોઆલા હોમજે, તે તી ઈ જાંઆય લેય, કા જ્યો વાતો આંય તુમહાન લોખહુ, ચ્યો પ્રભુ આગનાયો હેય.

1 કરિંથીઓને 7:19

કાદા સુન્નત ઓઅલા હેય કા નાંય યાકોય કાય ફેર નાંય પોડે, બાકી પોરમેહેરા આગના પાળના બોજ જરુરી હેય.

2 કરિંથીઓને 2:3

માયે તુમહાન યે વાતેહાટી ઈ પત્ર લોખ્યાં, કા કાય એહેકેન નાંય ઓએ, કા મા યેઅનાથી, જ્યાહાથી માન આનંદ મિળાં જોજે, આંય ચ્યાહાથી દુઃખી ઓઉં. કાહાકા માન તુમા બોદહાવોય યે વાતે ખાત્રી હેય, કા જો મા આનંદ હેય, તોજ તુમહે બોદહાબી હેય.

2 કરિંથીઓને 2:9

માયે તી પત્ર યાહાટીબી લોખલાં આતાં, કાહાકા આંય ઈ પારખા માગતો આતો કા તુમા મા નિયમાહા પાલન કોઅહા કા નાંય.

2 કરિંથીઓને 8:22

એને યા હાતે યોક આજુ વિસ્વાસી બાહાલ દોવાડી રીયહા, જ્યાલ આમહાય બોજદા પારખ્યોહો એને તો હાચ્ચો માલુમ પોડયોહો. બાકી આમી તુમાહાવોય ચ્યા મોઠો બોરહો હેય, યા લીદે તો આજુબી વોદારે આનંદામાય હેય.

ગલાતીઓને પત્ર 5:10

બાકી આંય પોરમેહેરાવોય બોરહો કોઅતાહાંવ કા તુમા બિજા લોકહા જુઠયો વાતો નાંય માનહા બાકી આંય જીં આખહુ તી માનહા, બાકી જ્યેં તુમહાન ભરમાવતેહે ચ્યે કુંબી રોય પોરમેહેર ચ્યાહાન સજા દેઅરી.

ફિલિપ્પીઓને પત્ર 1:6

યે વાતે માન પાક્કી ખાત્રી હેય, કા જ્યા પોરમેહેરાય તુમહેમાય ઈ હારાં કામ ચાલુ કોઅયાહાં, તી ઈસુ ખ્રિસ્ત પાછો યેઅના દિહી લોગુ પુરાં બી કોઅરી.

ફિલિપ્પીઓને પત્ર 2:12

યાહાટી મા પ્રિય વિસ્વાસ્યાહાય, જેહેકેન તુમા કાયામ મા વાત માનતેહેં, તેહેકેન આમીબી મા તુમહેઆરે રોઅનાથી વોદારી મા તુમહેઆરે નાંય રોઉં તેરુંબી તુમા બોદા બિઅતે એને કાપતેહેં એહેકેન ચ્ચા કામહાલ કોઅતા જાં જીં ચ્ચા લોકાહાહાટી ઉપયોગી હેય જ્યાહાન પોરમેહેરાય બોચાવી લેદલા હેય.

1 થેસ્સલોનિકીઓને 4:10

એને તુમા મોકોદુનિયા વિસ્તારમાય રોનારા બોદા વિસ્વાસી લોકહાઆરે એહેકેન પ્રેમ કોઅતાહા, તેરુંબી ઓ બાહાહાય, આમા તુમહાન વિનાંતી કોઅજેહે આજુબી વોદતા જાં.

2 થેસ્સલોનિકીઓને 3:12

ઓહડા લોકહાન ચ્યા ઓદિકારાકોય જો પ્રભુ ઈસુ ખ્રિસ્તાય આમહાન દેનલો હેય, આમા ઈ આગના દેજહે એને હોમજાડજેહે, કા ધ્યાન દેયને શાંતીકોય મેઅનાત કોએ, એને પોતાની કામાણી માઅને ખાયન જીવે.

2 થેસ્સલોનિકીઓને 3:6

ઓ વિસ્વાસી બાહાહાય, ચ્યા ઓદિકારાકોય આમા આગના દેતહા જો પ્રભુ ઈસુ ખ્રિસ્તાય આમહાન દેનલો હેય, ઓહડા કાદાબી વિસ્વાસી બાહા કા બોઅહી આરે આલાગ રા, જો કામ કોઅરા આળહાય કોઅહે એને જો ચ્યો વાતો નાંય માને જ્યો આમહાય હિકાડલ્યો હેય.

ફિલેમોને પત્ર 1:21

આંય ઈ પત્ર તુલ યાહાટી લોખી રિઅલો હેય, કાહાકા માન બોરહો હેય કા તું ઈ કોઅહે જીં કોઅરાહાટી આંય તુલ વિનાંતી કોઅય રિયહો, હાં, માન માલુમ હેય કા તું ચ્યા કોઅતાબી વોદારી કોઅહે, જીં આંય તુલ કોઅરાહાટી વિનાંતી કોઅય રિઅલો હેય.