2 પિતરનો પત્ર 2:21 - ગામીત નોવો કરાર

²¹ મા મતલબ ઓ હેય, કાહાકા પોરમેહેર ચ્યા લોકહાન વોદારે ગંભીરતાથી ડોંડ દેઅરી, જ્યા ખ્રિસ્તાલ છોડી દેતહા, કેવળ ચ્યાહા, જ્યાહાય ચ્યાલ કોદહી માન્યહોજ નાંય. ચ્યાહાહાટી હારાં ઓઅતા જો ચ્યા કોદહી ઈ જાંએતુજ નાંય કા પોતાના જીવનાલ ન્યાયી રીતેથી ચાલાડના કાય મોતલાબ ઓઅહે. આમી ચ્યા જાંઅતાહા, કા હારાં કાય હેય, બાકી ચ્યાહાય પોરમેહેરા ચ્યે આગનાયેહેલ અસ્વીકાર કોઅય દેન્યોહો જ્યા આમા, પ્રેષિતાહાય ચ્યાહાન હિકાડલ્યો આત્યો.

2 પિતરનો પત્ર 2:21 Iomraidhean Croise

માથ્થી 21:32

આંય તુમહાન એહેકેન યાહાટી આખહુ કાહાકા યોહાન બાપતિસ્મા દેનારાય જોવે તુમહાન આખ્યાં, કેહેકેન હારાં જીવન જીવા જોજે, તોવે તુમાહાય ચ્યાવોય બોરહો નાંય કોઅયો: બાકી જાકાતદારે એને વેશા કામ કોઅનારે પાપ કોઅના બોંદ કોઅઇ દેના એને ચ્યા બોરહો કોઅયો, ઈ બોદા એઇન બી તુમાહાય પાપ કોઅના બોંદ નાંય કોઅયા એને ચ્યા બોરહો નાંય કોઅયો.”

લુક માર્કા લીખલી હારી ખોબાર 12:47

બાકી જો ચાકાર ચ્યા દોણ્યા ઇચ્છા જાંઅતો આતો, એને તિયારી નાંય રિયો, એને ચ્યા ઇચ્છા પરમાણે નાંય ચાલ્યો, ચ્યાલ બોજ માર પોડી.

યોહાન 15:22

જોવે આંય નાંય યેતો એને ચ્યાહાઆરે વાત નાંય કોઅતો, તોવે ચ્યે પાપી નાંય ગોણાતે, બાકી આમી ચ્યાહાન પાપા બારામાય આખના કાયજ બહાનો નાંય હેય.

યોહાન 9:41

ઈસુવે ચ્યાહાન આખ્યાં, “જોવે તુમા આંદળા રોતા તોવે તુમહે પાપ નાંય ગોણાતાં, બાકી આમી આખતાહા કા આમા એઅજેહે, યાહાટી તુમહે પાપ માફ નાંય કોઅલા જાય.”

રોમનોને પત્ર 7:12

તે યા મતલબ ઓ હેય કા મૂસા નિયમ પવિત્ર હેય, એને આગના પવિત્ર, ન્યાયી, એને હારી હેય.

ગલાતીઓને પત્ર 6:2

જોવે તુમહામાઅને કાદાલબી પરેશાની ઓએહે, તોવે યોક બિજા મોદાત કોઅરા જોજે, એને એહેકેન ખ્રિસ્તા નિયમ પાળા.

1 થેસ્સલોનિકીઓને 4:2

કાહાકા તુમા જાંઅતાહા કા તી શિક્ષણ આમહાય તુમહાન દેનલા હેય તી ઈસુ ઓદિકારથી હેય.

1 તિમોથી 6:14

કા જાવ લોગુ આપહે પ્રભુ ઈસુ ખ્રિસ્ત પાછો નાંય યેય તાંવ લોગુ ગલતી કોઅયા વોગર તી બોદી આગનાહા ઈમાનદારીકોય પાલન કોઓ.

હિબ્રૂઓને પત્ર 10:26

આમહાય ચ્યે વસ્તુહુલ કોઅના હેય, કાહાકા જો આમા હાચ્ચાયે જ્ઞાન મેળવ્યા પાછે બી જોવે આમા પાપ કોઅયા કોઅજે, તે કાય બિજા બલિદાન નાંય હેય જીં આમહે પાપહાલ દુર કોઅય હોકે.

યાકૂબનો 4:17

યાહાટી જો કાદો ભલાઈ કોઅના જાંઅહે એને નાંય કોએ, ચ્ચાહાટી ઈ પાપ હેય.

2 પિતરનો પત્ર 3:2

મા ઉદેશ્ય ઓ હેય, તુમા ચ્યા વચનાહાલ યાદ રાખે જ્યા ઘોષણા પેલ્લાર્યા પવિત્ર ભવિષ્યવક્તાહાય કોઅલી આતી, એને ઈ કા તુમા ચ્યા આદેશાહાલબી યાદ રાખા જો આમહે પ્રભુ એને તારણારા પાઅને યેનહા. તુમહાય ચ્યા આગનાયો આમહે થી એટલે પ્રેષિતાહા પાઅને વોનાયાહા, જ્યા તુમહેપાય ખોબાર લેય યેનલા આતા.

યહૂદાનો પત્ર 1:3

ઓ મા પ્રિય વિસ્વાસી બાહા એને બોઅયેહેય, આંય તુમહાન પોરમેહેરા તારણા બારામાય બોજ કાય લોખા માગતો આતો, જ્યામાય આમા બોદા સહભાગી હેજે. આંય દાબાણ મેહસુસ કોઅતાહાંવ, કા તુમહાન ઈંમાત દાંહાટી લોખું, કા જ્યેં હાચ્ચાયેવોય આમા બોરહો કોઅજેહે એને હાચ્ચાં હિકાડનાલ હાંબાળી રાખાંહાટી સામનો કોઆ. પોરમેહેરે પોતાના પવિત્ર લોકહાન ઈ હાચ્ચાઇ યોકુજ વોખાત કાયામહાટી દેય દેનહા, જો કોદહી નાંય બોદલાય.