1 પિતરનો પત્ર 2:16 - ગામીત નોવો કરાર

¹⁶ તુમા લોક પોતે પોતાલ છુટકારો મિળલો જાંઅયા કાહાકા આમહે પ્રભુ ઈસુ ખ્રિસ્તાય પેલ્લેથીજ તુમહે છુટકો કોઅયહો, બાકી યા છુટકા પાહલા ખારાબ કામે મા કોઅહા, બાકી તુમા પોરમેહેરા સેવાકાહા હારકો વેવહાર કોઆ.

1 પિતરનો પત્ર 2:16 Iomraidhean Croise

માથ્થી 23:13

ઓ ડોંગ્યાહાય મૂસા નિયમ હિકાડનારા ગુરુ એને પોરૂષી લોકહાય તુમહાવોય હાય, તુમા મુશીબાતમાય હેય, તુમા માઅહા વિરુદ હોરગા રાજ્યા બાઅણે બંદ કોઅઇ દેતહા, તુમા પોતે ચ્યામાય નાંય જાત, એને ચ્યામાય જાનારાહાલ બી નાંય જાં દેત.

યોહાન 15:22

જોવે આંય નાંય યેતો એને ચ્યાહાઆરે વાત નાંય કોઅતો, તોવે ચ્યે પાપી નાંય ગોણાતે, બાકી આમી ચ્યાહાન પાપા બારામાય આખના કાયજ બહાનો નાંય હેય.

રોમનોને પત્ર 6:18

પોરમેહેરાય તુમહાન પાપા ગુલામીમાઅને છોડાવીન ચ્યા ચાકાર બોનાડ્યા, જેથી તુમા જીં હારાં કામ હેય તી કોઆ.

રોમનોને પત્ર 6:22

બાકી આમી તુમા પાપા ગુલામીમાઅને છુટીન પોરમેહેરા ચાકાર બોનીન ચ્યા કામહાલ કોઅતેહે જ્યેં પવિત્રતા એછે લેય જાતહેં, જ્યા પ્રતિફળ અનંતજીવન હેય.

1 કરિંથીઓને 7:22

કાહાકા જીં કાદાં ગુલામા રુપામાય પોરમેહેરાય નિવડયાહા એને હાદ્યાહા, તે તો યોક સ્વતંત્ર માઅહા હારકો હેય કાહાકા પ્રભુ ઈસુય ચ્યાલ ચ્યા પાપહા માઅને સુટકો કોઅલા હેય, એને તેહેકેનુજ જો સ્વતંત્ર રુપામાય હાદલો ગીઅલો હેય, ચ્યે આમી ખ્રિસ્તા ગુલામ બોની ગીઅલે હેય.

ગલાતીઓને પત્ર 5:1

ખ્રિસ્તાય આપહાન સુટા કોઅયા, જેથી કા આપા મૂસા નિયમાહા ગુલામીમાય નાંય રોય હોકજે, યાહાટી તુમા જાંઆય લા કા તુમા સુટે હેય, યાહાટી તુમા પાછા ચ્યાહા ગુલામ મા બોનહા.

ગલાતીઓને પત્ર 5:13

ઓ વિસ્વાસી બાહાહાય, પોરમેહેરાય તુમહે સુટકો કોઅલો હેય તે તુમહાન આમી મૂસા નિયમ પાળીન ચ્યાહા ગુલામ બોનના ગોરાજ નાંય હેય, બાકી યા સુટકાકોય શરીરા ઇચ્છા પુરી કોઅરાહાટી હારો મોકો મા દાહા, બાકી તુમહે સુટકા ઉપયોગ પ્રેમાકોય યોકબીજા સેવા કોઅરાહાટી કોઅયા.

એફેસીઓને પત્ર 6:6

તુમા માઅહાન ખુશ કોઅરાહાટી દેખાડાં પૂરતાજ નાંય કામ કોઅતા, બાકી ખ્રિસ્તા સેવાકાહા હારકા સેવા કોઆ, જો ચ્યા પુરાં મોનાકોય તીંજ કોઅહે જીં પોરમેહેરા ઇચ્છા હેય કા ચ્ચે કોએ.

કલોસ્સીઓને પત્ર 3:24

કાહાકા તુમા જાંઅતાહા કા પ્રભુ તુમહાન વારસાયે બોદલો દેઅરી, તુમા તે પ્રભુ ખ્રિસ્તા સેવા કોઅતાહા.

1 થેસ્સલોનિકીઓને 2:5

તુમહાન ખોબાર હેય, કા આમહાય કાદે દિહી તુમહાન ફુલાવીન વાત નાંય આખ્યેલ, આમહાય તુમહાપાયને લોબ રાખીન પોયહા મેળવાહાટી નાંય કોઅયા, પોરમેહેર સાક્ષી દેહે કા આમા એહેકેન નાંય કોઅજે.

યાકૂબનો 1:25

બાકી તી માઅહું જીં પોરમેહેરા પુરાં નિયમાલ દિયાનથી મનન કોઅહે, જો લોકહાન પાપથી છોડાવેહે, તી માઅહું વોનાઈન વિહીરાનારા નાંય બાકી પાલન કોઅહે, ઓહડા માઅહાન પોરમેહેરા ચ્ચા હર-યોક કામહામાય બોરકાત દેઅરી.

યાકૂબનો 2:12

યાહાટી તુમા ચ્ચા લોકહા હારકા બોલા એને દયાકોય કામબી કોઆ, જ્યાહા ન્યાય નિયમાનુસાર કોઅલા જાય જીં આમહાન છોડાવેહે.

2 પિતરનો પત્ર 2:19

જુઠા માસ્તાર લોકહાન દેખાડતાહા, કા ચ્યા જી બી કાય કોઅરા માગતાહા, ચ્યાલ કોઅરાહાટી સુટ હેય, બાકી ચ્યા પોતે ગુલામ હેય, કાહાકા ચ્યાહા પોતાનો પાપમય સ્વભાવ ચ્યાહાન પાપહાથી બોઆલા કામ કોઅરાહાટી મજબુર કોઅહે. કાહાકા જીં કાયબી તુમહાન કોબજો કોઅહે, તુમા ચ્યા ચાકાર બોની જાતહા.

યહૂદાનો પત્ર 1:4

આંય તુમહાન લોખી રિયહો, કાહાકા કોલહાક લોક જ્યા ઈસુ ખ્રિસ્તાવોય બોરહો કોઅના ડોંગ કોઅતાહા, ચ્યા તુમહે ખ્રિસ્તી મંડળ્યેમાય દોબીન તુમહેમાય યેય ગીયહા, ચ્યા પોરમેહેરા આદર નાંય કોએ, એને ચ્યા ઈ ગલત હિકાડતાહા, કા પોરમેહેર પોતાના સદા મોયાથી આમહે પાપહાન માફ કોઅય દેહે, યાહાટી આમા ખારાબ કામ કોઅઈન જીવી હોકતાહા. ચ્યા ઈસુ ખ્રિસ્તા નકાર કોઅતાહા, યોકુજ માલિક એને આમહે પ્રભુ હેય. બોજ સમયા પેલ્લા, પવિત્રશાસ્ત્ર આખહે, કા પોરમેહેર ઓહડા લોકહાન સજા દેઅરી.