1 યોહાન 5:13 - ગામીત નોવો કરાર

¹³ આંય ઈ પત્ર તુમહાન લોખી રિયહો, જ્યેં પોરમેહેરા પોહા નાંવા વોય બોરહો કોઅતેહે, યાહાટી કા તુમા જાંઆય લા કા તુમહેપાય અનંતજીવન હેય.

1 યોહાન 5:13 Iomraidhean Croise

યોહાન 1:12

બાકી જોલા લોકહાય ચ્યા સ્વીકાર કોઅયો, એટલે ચ્યાવોય બોરહો કોઅયો ચ્યાહાન ચ્યે પોરમેહેરા પોહેં બોના ઓદિકાર દેનો.

યોહાન 2:23

જોવે ઈસુ યેરૂસાલેમ શેહેરામાય પાસ્કા સણામાય આતો, તોવે બોજ લોકહાય ચ્યા ચમત્કારાહાલ એઇન ચ્યાવોય બોરહો કોઅયો.

યોહાન 20:31

બાકી યે યાહાટી લોખલે હેય, કા તુમા બોરહો કોએ, કા ઈસુજ પોરમેહેરા પોહો ખ્રિસ્ત હેય, એને ચ્યાવોય બોરહો કોઇન ચ્યા નાવાકોય અનંતજીવન મિળવા.

યોહાન 21:24

ઓ તોજ શિષ્ય હેય, જો યે વાતહેબારામાય સાક્ષી દેહે, એને જ્યાંય યે વાતહેબારામાય લોખલાં હેય, એને આમહાન ખોબાર હેય કા ચ્યા સાક્ષી હાચ્ચી હેય.

યોહાન 3:18

જીં માઅહું પોરમેહેરા પોહાવોય બોરહો કોઅહે, ચ્યાલ ડોંડ નાંય દી, બાકી જીં માઅહું પોરમેહેરા પોહાવોય બોરહો નાંય થોવે, તો ડોંડ બોગવી ચુકલો હેય, કાહાકા ચ્યે પોરમેહેરા યોકને-યોક પોહાવોય બોરહો નાંય કોઅયો.

યોહાન 5:24

આંય તુમહાન હાચ્ચાં-હાચ્ચાં આખતાહાવ, જીં માઅહું મા વચન વોનાયેહે એને માન દોવાડયોહો ચ્યા પોરમેહેરાવોય બોરહો કોઅહે, અનંતજીવન ચ્યાલ મિળી ગીયહા, ચ્યાલ ડોંડ નાંય દી, બાકી અનંતકાળના મોરણા માઅને બોચી ગીયહો એને પેલ્લો અનંતજીવનામાય જાય હોકહયો.”

પ્રેષિતોનાં ક્રત્યો 3:16

ખ્રિસ્ત ઈસુ નાવામાય બોરહો કોઅલા લીદે યા માઅહાલ જ્યાલ તુમા જાંઅતેહે, જ્યાલ તુમા યે સમયે એઅઇ રીયહે, ચ્ચાલ તાકાત દેનલી હેય ઈ માઅહું ઈસુ નાવામાય એને ખ્રિસ્ત ઈસુમાય બોરહો કોઅલા લીદે બિલકુલ હારો હુદરી ગીઅલો હેય, જેહેકેન તુમા પોતે એઇ રીઅલા હેય.”

પ્રેષિતોનાં ક્રત્યો 4:12

ઈસુ સિવાય કાદા બિજા કોય બોચાવ નાંય હેય, કાહાકા હોરગા નિચે માઅહામાય બિજા કાય નાંવ નાંય દેનલા હેય, જ્યાકોય આપા બોચી જાય હોકજે.”

2 કરિંથીઓને 5:1

કાહાકા આમા જાંઅજેહે, કા આમહે શરીર યે દોરત્યેવોય તંબુ હારકા હેય, જ્યામાય આમા રોજહે, જોવે તી નાશ ઓઅય જાઅરી, તે આમહાન પોરમેહેરા પાયને હોરગામાય યોક ઓહડા ગુઉ મિળરી, જ્યાલ ચ્યાય પોતે આથેકોય બાંદલા હેય એને તી અનંતકાળ લોગુ રોઅરી.

ગલાતીઓને પત્ર 4:6

એને આમી આપા ચ્યા પોહેં હેય, કાહાકા પોરમેહેરાય ચ્યા પોહા આત્માલ આપહે રુદયામાય દોવાડલા હેય, જીં આત્મા પોરમેહેરાલ “ઓ અબ્બા, ઓ પિતા” આખીન હાત કોઅહે.

1 પિતરનો પત્ર 5:12

માયે ઈ વાયહાના પત્ર સિલવાનુસા મોદાતકોય લોખ્યાં એને તુમહાન દોવાડયાહા. આંય ચ્યાલ ખ્રિસ્તામાય બોરહાવાળો બાહા રુપામાય માનતાહુ. મા યાલ લોખના મોતલાબ તુમહાન ઈંમાત દેઅના એને ખાત્રી કોઆડના હેય કા જો કાયબી તુમા અનુભવ કોઅય રીયહા, તો આસલીમાય તુમહેહાટી પોરમેહેરા સદા મોયા ભાગ હેય, યે મોયામાય ટિકિ રા.

1 યોહાન 1:4

એને યો વાતો આમા યાહાટી લોખજેહે કા તુમહે આનંદ વોદતો જાય.

1 યોહાન 2:1

મા પ્રિય પાહાહાય, આંય યો વાતો તુમહાન યાહાટી લોખતાહાવ, કા તુમા પાપ નાંય કોએ, એને જો કાદો પાપ કોએહે તે આબહાપાય આપહે યોક મધ્યસ્થ હેય જો પાપ માફ કોઅરાહાટી પોરમેહેરાલ વિનાંતી કોઅહે એટલે ઈસુ ખ્રિસ્ત જો ન્યાયી હેય.

1 યોહાન 2:21

માયે તુમહાન યાહાટી નાંય લોખ્યાં, કા તુમા હાચ્ચાં નાંય જાંએ, બાકી યાહાટી, કા તુમા ચ્યાલ જાંઅતેહે, એને યાહાટી કા કોઅહાજ જુઠા, હાચ્ચાયેથી નાંય હેય.

1 યોહાન 2:25

ખ્રિસ્તે આપહેઆરે જો વાયદો કોઅયો, તો અનંતજીવન હેય.

1 યોહાન 2:26

આંય તુમહાન ચ્યા લોકહા બારામાય ચેતાવણી દેય રિયહો, જ્યા જુઠા હિકાડનાકોય તુમહાન છેતરાહાટી કોશિશ કોઅઇ રીઅલા હેય.

1 યોહાન 3:23

એને ચ્ચા આગના ઈ હેય કા આમા ચ્ચા પોહો ઈસુ ખ્રિસ્તા નાવામાય બોરહો કોઅજે, એને જેહેકોય ચ્યાય આપહાન આગના દેનહી ચ્ચે રીતેકોય આપા યોકબિજાલ પ્રેમ કોઅજે.

1 યોહાન 4:9

જીં પ્રેમ પોરમેહેર આપહેવોય કોઅહે, તી યાકોય માલુમ જાયા કા પોરમેહેરાય ચ્યા યોકનેયોક પાહાલ દુનિયામાય દોવાડયો, યાહાટી કા આમા ચ્ચાકોય અનંતજીવન મેળાવજે.

1 યોહાન 5:10

જીં કાદાં પોરમેહેરા પોહાવોય બોરહો કોઅહે, તી નોક્કીજ જાંઅહે કા પોરમેહેરાય જીં આખ્યાહા તી હાચ્ચાં હેય. જીં કાદાં પોરમેહેરાવોય બોરહો નાંય કોએ, તી પોરમેહેરાલ જુઠા ઠોરવેહે, કાહાકા ચ્યે સાક્ષીવોય બોરહો નાંય કોએત, જીં પોરમેહેરાય પોતાના પાહા બારામાય દેનલી હેય.

1 યોહાન 5:11

સાક્ષી ઈજ હેય કા પોરમેહેરે આપહાન અનંતજીવન દેનહા, એને ઈ અનંતજીવન ચ્યા પોહામાય હેય.

1 યોહાન 5:20

એને આપા ઈ બી જાંઅજેહે, કા ઈસુ ખ્રિસ્ત પોરમેહેરા પોહો યેય ગીઅલો હેય એને ચ્યાય આપહાન હોમાજ દેનહી, કા આપા ચ્ચા હાચ્ચાં પોરમેહેરાલ વોળાખજેહે, એને આપા ચ્યા હાચ્ચાં પોરમેહેરામાય યોકજુટ હેય કાહાકા આપા ચ્ચા પોહો ઈસુ ખ્રિસ્તામાય યોકજુટ હેય હાચ્ચો પોરમેહેર એને અનંતજીવન ઈંજ હેય.