1 યોહાન 3:9 - ગામીત નોવો કરાર

⁹ જ્યેં પોરમેહેરા પોહેં હેય ચ્યે પાપ કોઅયા નાંય કોએત, કાહાકા પોરમેહેરા વચન ચ્યાહામાય બોની રોહે, ચ્યે પાપ કોયજ નાંય હોકે, કાહાકા ચ્યે પોરમેહેરા પોહેં હેય.

1 યોહાન 3:9 Iomraidhean Croise

માથ્થી 7:18

હારાં જાડાલ ખારાબ ફળ નાંય લાગે, એને નોકામા જાડાલ હારાં ફળ નાંય લાગે.

યોહાન 1:13

ચ્યાહા જન્મો આયહે આબહા ઇચ્છાકોય નાંય, કા યોકા માઅહા પોહા પૈદા કોઅના મોરજયેકોય નાંય, કા માઅહા ઇચ્છાકોય નાંય જાયો, બાકી પોરમેહેરા પાયને જન્મો જાયો.

યોહાન 3:3

ઈસુવે ચ્યાલ જાવાબ દેનો, “આંય તુલ હાચ્ચાં-હાચ્ચાં આખતાહાવ, જોવે માઅહું પાછો જન્મો નાંય લેય તે પોરમેહેરા રાજ્ય નાંય એઇ હોકે.”

પ્રેષિતોનાં ક્રત્યો 4:20

કાહાકા ઈ તે આમહે કોય નાંય ઓઈ હોકે, કા જીં આમહાય દેખ્યા એને વોનાલા હેય, તી નાંય આખજે.”

રોમનોને પત્ર 6:2

નાંય, કોવેજ નાંય, આપા જોવે પાપાહાટી મોઅઇ ગીયે તે આપહાન પાપ કોઅરા નાંય જોજે.

ગલાતીઓને પત્ર 5:17

કાહાકા આપહે પાપી સ્વભાવ પવિત્ર આત્મા વિરોદ માય હેય, એને પવિત્ર આત્મા આપહે પાપી સ્વભાવા વિરુદમાય હેય, કાહાકા યે બેની દુશ્માન હેય, યાહાટી આપા ચ્યે હારેં કામે નાંય કોઅય હોકજે જ્યે આપા કોઅરા માગજેહે.

તિતસનં પત્ર 1:2

તોવે ચ્યે પોરમેહેરાઆરે સાદા રાંહાટી આશા કોઅતેહે, કાહાકા પોરમેહેરાય, જો કોદહી જુઠા નાંય બોલે, ચ્યાય ઈ દુનિયા બોનાવા પેલ્લા વાયદો કોઅયો કા ચ્યા લોક અનંતજીવન જીવતા રોય.

1 પિતરનો પત્ર 1:23

કાહાકા તુમહાન પોરમેહેરાપાઅને યોક નોવા જીવન મિળ્યહા, તુમહાન ઈ જીવન કાદ્યે ઓહડયે વસ્તુ થી નાંય મિળ્યાં, જીં નાશ ઓઅય જાઅરી, બાકી કાય ઓહડયે થી મિળ્યાં જીં કાયામ રોઅરી, એટલે, પોરમેહેરા જીવતા એને અનંત વચન થી મિળ્યહા.

1 યોહાન 2:29

જો તુમા જાંઅતેહે, કા ખ્રિસ્ત ન્યાયી હેય, તો ઈ બી જાંઅતેહે, કા જો કાદો ન્યાયપણા કામ કોઅહે, તો પોરમેહેરા પોહો હેય.

1 યોહાન 3:6

જો કાદો ચ્ચાઆરે એકતામાય રોહે, તો પાપ નાંય કોએ, બાકી જો કાદો પાપ કોઅહે, તો ઈ નાંય હોમજે કા ખ્રિસ્ત કું હેય, એને નાંય તો ખ્રિસ્તાલ જાંઅહે.

1 યોહાન 4:7

ઓ પ્રિયાહાય, આપહાય યોક બિજાવોય પ્રેમ કોઆ, કાહાકા પ્રેમ પોરમેહેરાપાઅને હેય, એને જ્યેં બીજહાવોય પ્રેમ કોઅતેહે, ચ્યે પોરમેહેરા પોહેં હેય, એને પોરમેહેરાલ જાંઅતેહે.

1 યોહાન 5:1

જ્યા કાદા ઓ બોરહો હેય કા ઈસુજ ખ્રિસ્ત હેય, ચ્યે પોરમેહેરા પોહેં હેય, એને જ્યેં કાદે પોરમેહેર આબહાવોય પ્રેમ કોઅહે, જ્યેં ચ્યા પોહેં હેય.

1 યોહાન 5:18

આપા જાંઅજેહે, કા જીં કાદા પોરમેહેરા પોહો હેય, તો પાપ કોઅયાજ નાંય કોએ, કાહાકા પોરમેહેરા પોહો ઈસુ ચ્યાલ બોચાવી રાખહે, એને સૈતાન ચ્યાલ આથ નાંય લાવી હોકે.

1 યોહાન 5:4

કાહાકા જ્યેં પોરમેહેરા પોહેં હેય, ચ્યે દુનિયાવોય જીત મેળાવતેહે, તી જીત, જીં દુનિયાલ આરવી દેહે આપહે બોરહો હેય.

3 યોહાન 1:11

ઓ પ્રિય ગયુસ, ખારાબ કામ કોઅનારા લોકહા હારકો મા બોનહે, બાકી હારેં કામે કોઅનારા લોકહા હારકો બોન. જો કાદો હારેં કામે કોઅહે તો પોરમેહેરાપાઅને હેય, એને જો કાદો ખારાબ કામ કોઅહે તો પોરમેહેરાપાઅને નાંય હેય.