फिलिप्पियों 4:18 - गददी

¹⁸ मिन्जो बल्लै ता सब कुछ हा, बल्‍की उम्मीद थऊँ भी ज्यादा हा, जैड़ी चिजा तुहै भाई इफ्रदीतुस रै हथै भैजुरी थी तियां जो पाई करी अऊँ तृप्त भुच्‍ची गो हा, सो ता खुशबुदार अतै ग्रहण करनै योग्य बलिदान हा जैडा कि प्रमात्मैं जो खरा लगदा हा।

फिलिप्पियों 4:18 Iomraidhean Croise

चेलै रै कम 10:4

तिनी तैसिओ ध्याना सोगी हेरू अतै ड़री करी बल्लू, “हे प्रभु, कै हा?” तिनी तैस सोगी बल्लू, “तेरी प्रार्थना अतै तेरै दान प्रमात्मैं याद करै हिन;

रोमियो 12:1

ठेरैतांये हे विस्वासी भाईओ, अऊँ तुसिओ प्रमात्मैं री दया याद दुआई करी बिनती करदा कि अपणी जिन्दगी जो पवित्र अतै प्रमात्मैं री पसन्द रा बलिदान करीके चढ़ा। ऐह ही सही तरीका हा प्रमात्मैं री सेवा करनै रा।

2 कुरिन्थियों 11:8

मैंई होरी कलीसिया थऊँ दान लैऊ ताकि तुन्दी सेवा मुफ्‍त करी सकू, ऐहा सेवा जो लूट मत समझा।

2 कुरिन्थियों 9:12

क्ओकि ऐस सेवा जो पुरा करनै थऊँ ना सिर्फ यरूशलेम रै विस्वासी मणु री जरूरता पूरी भुन्दी हिन, पर मणु री तरफा थऊँ प्रमात्मैं रा धन्यवाद भुन्दा हा।

इफिसियों 5:2

अप्पू मन्ज प्रेम रखा, जिआं कि मसीह भी तूसु सितै प्रेम करू। तिनी असु सोगी प्रेम करू अतै अपणै आपा जो सुखदायक खुशबु सांईयै प्रमात्मैं अगो बलिदान करी दिता।

फिलिप्पियों 4:12

अगर मिन्जो बल्लै थोड़ी चिजा हिन तांभी या मती हिन तांभी, भूखा रैहणा अतै रजणा दूनी हालात मन्ज अऊँ जीणा जाणदा। हर अक्क गल्ला मन्ज अतै सबी हालात मन्ज तृप्त रैहणा मैंई सिखुरा हा।

2 थिस्सलुनीकियों 1:3

मेरै विस्वासी भाईओ तून्दै बारै मन्ज असु जो हर टैमैं प्रमात्मैं रा धन्यवाद करना चहिन्दा। असु तांयै ऐह ठीक भी हा कि तून्दा विस्वास बड़ा ज्यादा बधी गच्छुरा अतै तूसु सबी रा प्‍यार अप्पू मन्ज बड़ा ही बददा गच्छू करदा।

इब्रानियों 13:16

पर भलाई करा अतै जरूरत मंद मणु सोगी अपणी चिजा जो बड़ा, क्ओकि प्रमात्मां इन्‍नै जिन्‍नै बलिदान थऊँ खुश भुन्दा हा।

1 पतरस 2:5

अतै जियां मणु पत्थरा सितै घर बणांदा, तियां ही प्रमात्मां सब विस्वासियों जोडु करदा कि अक्क ऐसा भवन बणा जैस मन्ज पवित्र आत्मा वास करी सकी। सो ऐसा ठेरैतांये करू करदा हा ताकि तुहै सब तियां याजका सामणै जैडा बलिदान चढांदै थियै, खरै कम्मा जो करी सकन क्ओकि यीशु मसीह असु सबी तांयै अपणी जान दितुरी हा।