फिलिप्पियों 2:6 - गददी

⁶ यीशुऐ प्रमात्मैं रै बराबर भूणै रै बावजूद भी प्रमात्मैं रै बराबर भूणै जो अपणै वशा मन्ज रखणै री चिज ना समझू।

फिलिप्पियों 2:6 Iomraidhean Croise

मत्ती 1:23

“अक्क कुँवारी गर्भवती भुणीआ अतै अक्क पुत्र पैदा करना, तसेरा नां इम्मानुएल रखणा,” जठेरा मतलब हा “प्रमात्मां असु सोगी हा।”

यूहन्‍ना 1:18

प्रमात्मैं जो कुणिए भी कदी भी ना हेरूरा, इकलौता पुत्र जैडा पिता री गोदी मन्ज हा, तिनी ही तैसिओ प्रकट करू हा।

यूहन्‍ना 10:30

अऊँ अतै पिता अक्क ही हिन।”

यूहन्‍ना 10:33

यहूदिये तैसिओ जवाव दिता, “भलै कम्मा तांयें अहै तिजो पत्थर ना मारना लगुरै पर प्रमात्मैं री बुराई करनै तांयें; अतै ठेरैतांये कि तू मणु भूच्ची करी अपणै आपा जो प्रमात्मां भूणै रा दावा करदा।”

यूहन्‍ना 10:38

पर अगर अऊँ करदा हा, ता चाहे मेरा विस्वास करा भी मत, पर तियां कम्मा रा ता विस्वास करा। ताकि तुहै जाणन अतै समझन कि पिता मिन्जो मन्ज हा अतै अऊँ पिता मन्ज।”

यूहन्‍ना 14:28

“तुहै हुणु कि मैंई तूसु सोगी बल्लू, ‘अऊँ चलू हा, अतै तूसु बलै फिरी ना ईणा।’ अगर तुहै मिन्जो सोगी प्‍यार रखदै, ता ऐसा गल्ला थऊँ खुश भुन्दै कि अऊँ पितै बलै चलूरा, क्ओकि पिता मिन्जो थऊँ बडा हा

यूहन्‍ना 14:9

यीशुऐ तैस सोगी बल्लू, “हे फिलिप्पुस, अऊँ ऐतनै दिन थऊँ तूसु सोगी हा, अतै कै तू मिन्जो ना जाणदा? जिनी मिन्जो हेरूरा तिनी पिता जो हेरूरा। तू कजो बलदा कि पिता जो असिओ दस्स?

यूहन्‍ना 17:5

अबै हे पिता, तू अपणी महिमा तैसा महिमा सोगी कर जैड़ी संसार री रचना थऊँ पैहलै मेरी तेरै सोगी थी।

यूहन्‍ना 20:28

ऐह हुणी करी थोमे जवाव दिता, “हे मेरै प्रभु, हे मेरै प्रमात्मां!”

यूहन्‍ना 5:18

ठेरैतांये यहूदी अगुवै यीशु जो मारनै री होर भी ज्यादा कोशिश करना लगै, क्ओकि सो ना सिर्फ विश्रामदिन रै नियम जो तोडदा थू पर प्रमात्मैं जो अपणा पिता बली करी अपणै आपा जो प्रमात्मैं रै बराबर बणान्दा थू।

यूहन्‍ना 5:23

ठेरैतांये कि सब मणु पुत्रा रा तियां ही आदर करन जियां पिता रा करदै हिन, जैडा पुत्रा रा आदर ना करदा, सो पितै रा भी आदर ना करदा जिनी तैसिओ भैजुरा।”

रोमियो 9:5

अब्राहम, इसहाक अतै याकूब तंयारै पूर्वज हिन, अतै शरीरा रै भाव सितै मसीह भी इस्त्राएली थू। सो प्रमात्मां हा जैड़ा सबी रै ऊपर राज्य करदा, सो युगायुग स्तुति रै योग्य हा। आमीन।

2 कुरिन्थियों 4:4

अतै तियां अविस्वासी तांयें, जंयारी बुद्धि शैतानै जैड़ा ऐस संसारा रा भगवान हा अंधी करी दितुरी हा, ताकि मसीह जैडा प्रमात्मैं रा प्रतिरूप हा, तसेरै तेजोमय सुसमाचार रा प्रकाश तियां पुर ना चमका।

2 कुरिन्थियों 8:9

तुहै इन्दै प्रभु यीशु मसीह रै अनुग्रह जो जाणदै हिन कि सो अमीर भूच्ची करी भी तूसु तांयें कंगाल बणी गो, ताकि तसेरै कंगाल भूच्ची गाणै थऊँ तुहै आत्मिक अमीर भूच्ची गान।

1 तीमुथियुस 1:17

अबै सदा काल रा राजा मतलब कि अविनाशी अणहेरा एकमात्र प्रमात्मैं रा आदर अतै महिमा युगा-युग तिकर भुन्दी रेय्आ। आमीन।

1 तीमुथियुस 3:16

अतै ऐत मन्ज कोई शक निआं कि जैड़ी शिक्षा प्रमात्मैं प्रकट करूरी हिन सो सच्ची हिन मतलब कि, मसीह मणु रै रूपा मन्ज प्रकट भुआ, पवित्र आत्मा रै द्धारा सावित भुआ कि सो प्रमात्मैं रा पुत्र हा, स्वर्गदूतै तैसिओ हेरू, गैर यहूदी मन्ज तसेरा प्रचार भुआ, संसार रै मणुऐ तैस पुर विस्वास करू अतै प्रमात्मैं तैसिओ स्वर्गा मन्ज ऊपरा जो चुकी लैऊ।

तीतुस 2:13

अतै तैसा धन्य उम्मीद री मतलब अपणै महान प्रमात्मैं अतै उद्धारकर्ता यीशु मसीह री महिमा सोगी प्रकट भूणै री भाळ करदै रैहन।

इब्रानियों 1:3

पुत्र प्रमात्मैं री महिमा सोगी चंमकू करदा हा अतै सो हर तरह सितै प्रमात्मैं सांईयै हा। सो अपणै सामर्थी बचना सितै पूरै संसार जो सम्भालदा हा। तिनी मणु जो तंयारै पापा थऊँ शुद्ध करू अतै स्वर्गा मन्ज पितै रै सिंहासना पुर सज्जै हत्थै गिची बैहुरा।

इब्रानियों 1:6

अतै प्रमात्मां अपणै आदर योग्य पुत्रा जो ऐस संसारा मन्ज भैजणै थऊँ पैहलै बलदा कि; “प्रमात्मैं रै सब स्वर्गदूत तसेरी पूजा करन।”

इब्रानियों 1:8

पर पिता प्रमात्मां पुत्रा रै बारै मन्ज पवित्रग्रन्था मन्ज बलदा कि; “हे प्रमात्मां, तेरा सिंहासन युगा-युग तिकर रैहणा, तुद अपणै मणु पुर न्याय सोगी राज करना हा।

इब्रानियों 13:8

यीशु मसीह कदी ना बदलिन्दा सो कल अज अतै युगा-युग अक्क जिन्‍ना हा।

प्रकाशित वाक्य 21:6

फिरी तिनी मिन्जो सोगी बल्लू, “ऐह सब गल्ला पूरी भूच्ची गई। अऊँ अल्फा अतै ओमेगा, शुरू अतै अन्त हा। अऊँ प्यासै जो जिन्दगी रै झरनै थऊँ मुफ्‍त पियाणा।