फिलिप्पियों 2:3 - गददी

³ स्वार्थ अतै झूठी प्रशंसा तांई कुछ मत करा पर दीन मनां सितै अक्की दुऐ जो अप्पू थऊँ खरा समझा।

फिलिप्पियों 2:3 Iomraidhean Croise

लूका 18:14

“अऊँ तूसु सोगी सच बलदा कि सो फरीसी मणु ना पर ऐह चुंगी लैणैवाळा मणु धर्मी बणु अतै अपणै घरा जो गो; क्ओकि जैस कसी अपणै आपा जो बड़ा समझदा सो हल्का भूणा; अतै जैडा अपणै आपा जो हल्का समझदा सो बड़ा करी दिणा।”

रोमियो 12:10

अक्की दूये सोगी इन्या प्रेम रखा जियां कि तुहै अक्की ही परिवार रै भून, परस्पर आदर करनै मन्ज अक्की दूये थऊँ बदी चला।

रोमियो 13:13

अहै ऐसै मणु सांईयै जीन जैड़ै अन्धकार मन्ज ना पर उजालै मन्ज जिन्दगी वितांदै हिन, जैड़ै मणु सिधी चाल चलदै, अतै लाल-क्रिडा, पी करी, व्यभिचार करीके, लुचपन मन्ज अतै ना झगड़ै अतै डाह मन्ज रैहन्दै हिन।

रोमियो 2:8

पर जैड़ै स्‍वार्थी हिन अतै सच्चाई जो ना मन्दै, बल्कि अधर्म रै कम करदै हिन, प्रमात्मैं रा क्रोध अतै कोप तियां पुर पैणा।

1 कुरिन्थियों 15:9

क्ओकि अऊँ प्रेरिता मन्ज सबी थऊँ हल्का हा, बल्कि प्रेरित कहलाणै रै योग्य भी निय्आ, क्ओकि मैंई प्रमात्मैं री कलीसिया रै विस्वासी जो सताऊरा थू।

1 कुरिन्थियों 3:3

क्ओकि तुहै हालि तक पापी स्वभाव द्धारा ही जिन्दगी जिन्दै हिन। ठेरैतांये कि जैहणै तूसु मन्ज डाह अतै झगड़ा भोआ, ता कै तुहै पापी स्वभाव रै ना हिन? अतै कै तुहै संसारिक मणु सांईयै जिन्दगी ना वितांदै?

2 कुरिन्थियों 12:20

क्ओकि मिन्जो ड़र हा, करखी ऐसा ना भोआ कि अऊँ ईच्ची करी जियां चाहन्दा हा, तियां ही तुसिओ ना पाऊ; अतै मिन्जो भी जियां तुहै ना चाहन्दै तियां ही पान। मिन्जो ड़र हा जैहणै मुँ ईणा ता करखी ऐसा ना भोआ कि तूसु मन्ज लड़ाई, डाह, क्रोध, विरोध, ईर्ष्या, चुगली, अभिमान अतै बखेड़ै भून।

गलातियों 5:15

पर अगर तुहै जंगली जानवरा सांईयै अक्की दूये जो कटदै अतै नूकसान पुजादैं हिन ता चौकनै रेय्आ ना ता तूसु अक्की दूये रा सत्यनाश करी दिणा।

गलातियों 5:26

अहै घमण्‍ड़ी भूच्ची करी अक्की दूये जो ना छेड़ण, अतै ना अक्की दूये सोगी जलन रखन।

इफिसियों 4:2

सदा नम्र अतै दीन रेय्आ। अक्की दूये सोगी धीरज सोगी व्यवहार करा अतै प्रेम री वजह थऊँ अक्की दूये री गलती जो माफ करी देय्आ।

इफिसियों 5:21

अतै मसीह रै प्रति आदर री वजह थऊँ अक्की दुऐ रै अधीन मन्ज रैऊ करा।

फिलिप्पियों 2:14

सब कम बिना कुड़कुड़ अतै बिना विवाद करदै करू करा।

कुलुस्सियों 3:12

प्रमात्मैं तूसु मणुओ पवित्र करीके चुणुरा हा अतै सो तूसु सोगी प्‍यार करदा हा ठेरैतांये बड़ी ज्यादा करूणा अतै भलाई अतै दीनता अतै नम्रता अतै सहनशीलता अपनाई लेय्आ।

कुलुस्सियों 3:8

पर अबै तुहै इआं सबी बुरी गल्ला जो मतलब कि गुस्सा, रोष, बैरभाव, निन्दा अतै गाळी बकणा छड़ी देय्आ।

1 तीमुथियुस 6:4

ता सो मणु घमण्‍ड़ी भुच्‍ची गच्छुरै अतै कुछ ना जाणदै। तिन्या जो वाद-विवाद अतै शब्दा पुर तर्क करनै रा रोग लगी गछूरा हा जैत थऊँ डींग, झगड़ै, निन्दा री गल्ला अतै बुरै-बुरै सन्‍देह,

1 पतरस 3:8

ता आखिर मन्ज अऊँ बलणा चाहन्दा कि तुहै सब अक्क मन भूच्ची करी दया सोगी भाईचारै सोगी प्रीति रखणैवाळै, अतै करूणामय, अतै नम्र बणा।

1 पतरस 5:5

ऐस तरीकै हे नौजवानों तुहै भी स्याणै रै अधीन रेय्आ, बल्कि तुहै सबी रै सब अक्की दूये री दीनता सोगी सेवा करा क्ओकि “प्रमात्मां अभिमानी रा वरोध करदा हा, पर दीना पुर अनुग्रह करदा हा।”