फिलिप्पियों 2:17 - गददी

¹⁷ अगर मिन्जो तून्दै विस्वास री सेवा तांई अपणा खून भी बहाणा पैय्आ ता भी अऊँ खुश हा अतै तूसु सबी सोगी खुशी मन्दा।

फिलिप्पियों 2:17 Iomraidhean Croise

चेलै रै कम 20:24

पर अऊँ अपणै प्राणा जो कुछ ना समझदा कि तियां जो प्यारा जाणु, बल्कि ऐह कि अऊँ अपणी दौड़ जो अतै सेवा जो पुरा करू, जैडा मैंई प्रमात्मैं रा अनुग्रह रै सुसमाचार पुर गवाही दिणै तांयें प्रभु यीशु थऊँ पाई हा।”

चेलै रै कम 21:13

पर पौलुसै जवाव दिता, “तुहै कै करदै हिन कि रोई-रोई करी मेरा दिल त्रोडु करदै हिन? अऊँ ता प्रभु यीशु रै नां तांयें ना सिर्फ कैदी बणनै तांयें ही ना बल्कि मरनै तांयें भी तैयार हा।”

रोमियो 12:1

ठेरैतांये हे विस्वासी भाईओ, अऊँ तुसिओ प्रमात्मैं री दया याद दुआई करी बिनती करदा कि अपणी जिन्दगी जो पवित्र अतै प्रमात्मैं री पसन्द रा बलिदान करीके चढ़ा। ऐह ही सही तरीका हा प्रमात्मैं री सेवा करनै रा।

रोमियो 15:16

अऊँ गैर यहूदी तांयें मसीह यीशु रा अक्क खास सेवक हा, अऊँ तूसु बलै याजक सांईयै सुसमाचार लेई करी आ कि अऊँ तुसिओ प्रमात्मैं तांयै ग्रहण योग्य बलिदान सांईयै बणाई सकू जैतिओ पवित्र आत्मा पवित्र करूरा।

2 कुरिन्थियों 12:15

मुँ तूसु तांयें बड़ी खुशी सोगी अपणा सब खर्च करना, बल्कि अपणा जीवन भी तूसु तांई समर्पित करनै जो तैयार हा। अऊँ तूसु सोगी बड़ा ज्यादा प्‍यार करदा हा पर तुहै इन्या लगदा कि तुहै मिन्जो सोगी बड़ा घट प्रेम रखदै हिन।

2 कुरिन्थियों 4:12

ऐस तरीकै अहै सदा मौत रा ता सामना करदै हिन ताकि तुहै अनन्त जिन्दगी पान।

2 कुरिन्थियों 6:10

अहै मतै सारै दुख उठायै हिन पर सदा खुशी मंनादै हिन, अहै अप्पू ता कंगाल हिन, पर मतै जो आत्मिक धनवान बणाई दिन्दै हिन; अहै ऐसै हिन जियां बलै कुछ निय्आ तांभी सब कुछ रखदै हिन।

2 कुरिन्थियों 7:4

अऊँ तूसु सोगी बड़ी हिम्मत सोगी बल्लू करदा, मिन्जो तूसु पुर बड़ा घमण्ड़ हा; अऊँ शान्ती सोगी भरी गच्छुरा हा। अऊँ अपणै सब क्‍लेशा मन्ज खुशी सितै अति भरपुर रैहन्दा।

फिलिप्पियों 1:20

अऊँ ता दिला थऊँ ऐह ही लालसा अतै उम्मीद रखदा हा, कि अऊँ कसी गल्ला मन्ज शर्मिन्दा ना भूच्छुं। जिआं मेरै जोशीलै हौंसलै सितै मसीह री बड़ाई मेरी जिन्दगी थऊँ हमेशा भुन्दी रैई हा, चाऐं अऊँ जिन्दा रैऊ या मरी गच्छूं।

फिलिप्पियों 2:18

तियां ही तुहै भी खुश भून अतै मिन्जो सोगी खुशी मना।

फिलिप्पियों 2:30

क्ओकि सो भी यीशु मसीह रै सुसमाचार तांयै अपणै प्राणा जो मुसकल मन्ज फसाई करी मौती रै नेड़ै पुज्‍जी गछूरा थू, ताकि जैड़ी जैड़ी मदद तूसु थऊँ मेरी सेवा मन्ज दूर रैहणै थऊँ ना भच्छुरी हा, तैसा जो पूरी करा।

फिलिप्पियों 4:18

मिन्जो बल्लै ता सब कुछ हा, बल्‍की उम्मीद थऊँ भी ज्यादा हा, जैड़ी चिजा तुहै भाई इफ्रदीतुस रै हथै भैजुरी थी तियां जो पाई करी अऊँ तृप्त भुच्‍ची गो हा, सो ता खुशबुदार अतै ग्रहण करनै योग्य बलिदान हा जैडा कि प्रमात्मैं जो खरा लगदा हा।

कुलुस्सियों 1:24

अबै अऊँ तियां दुखा री वजह थऊँ खुशी मन्दा जैड़ी कि तूसु तांई झेलदा अतै अऊँ मसीह रै तैस क्‍लेश रा सहभागी बणु जैड़ा तसेरै शरीर यानी कि तसेरी कलीसिया जो लगातार मुळु करदा।

1 थिस्सलुनीकियों 2:8

अतै तियां ही अहै तुन्दी लालसा करदै, ना सिर्फ प्रमात्मैं रा सुसमाचार बल्‍की अपणै-अपणै प्राण भी तूसु तांई दिणै जो तैयार थियै, ठेरैतांये कि तुसै इन्दै भी प्यारे भुच्‍ची गच्छुरै हिन।

2 तीमुथियुस 4:6

मेरी जिन्दगी अतै प्रमात्मैं तांयै मेरी सेवा अबै खत्म भूणैबाळी हा क्ओकि अऊँ जाणदा हा कि अबै मेरा मरनै रा टैमं चली आ।

1 पतरस 2:5

अतै जियां मणु पत्थरा सितै घर बणांदा, तियां ही प्रमात्मां सब विस्वासियों जोडु करदा कि अक्क ऐसा भवन बणा जैस मन्ज पवित्र आत्मा वास करी सकी। सो ऐसा ठेरैतांये करू करदा हा ताकि तुहै सब तियां याजका सामणै जैडा बलिदान चढांदै थियै, खरै कम्मा जो करी सकन क्ओकि यीशु मसीह असु सबी तांयै अपणी जान दितुरी हा।

1 यूहन्‍ना 3:16

अहै प्‍यार ऐसा गल्ला थऊँ ही जाणु हा कि यीशु मसीह असु तांई अपणै प्राण दी दितै ठेरैतांये असु जो भी विस्वासी भाई तांई प्राण दिणा चहिन्‍दै।