फिलिप्पियों 2:13 - गददी

¹³ क्ओकि प्रमात्मां तून्दै अन्दर कम करू करदा ताकि तुसिओ इच्छा अतै सामर्थ दी सका तियां कम्मा जो करनै तांई जैतै प्रमात्मां खुश भोआ।

फिलिप्पियों 2:13 Iomraidhean Croise

लूका 12:32

“हे हल्कै झुण्ड़, मत ड़रा, क्ओकि तून्दै पिता प्रमात्मां री ऐह इच्छा हा, कि तुहै राज्य करन।

लूका 2:14

“स्वर्गा मन्ज प्रमात्मैं री महिमा भोआ, अतै धरती पुर तियां मणु जो शान्ती मूल्ळा, जियां थऊँ सो खुश हा।”

यूहन्‍ना 3:27

यूहन्‍नै जवाव दिता, “जैहणै तक मणु जो स्वर्गा थऊँ ना दितिआ गच्छा सो कुछ भी ना पाई सकदा।

यूहन्‍ना 6:45

भविष्‍यवक्ता रै पवित्रग्रन्था मन्ज ऐह लिखुरा, ‘सो सब प्रमात्मैं री तरफा थऊँ सिखाऊरै भूणै।’ सो हरेक जिनी पिता थऊँ हुणुरा अतै सिखुरा सो मिन्जो बलै इन्दा हा।

यूहन्‍ना 6:65

यीशुऐ बल्लू, “ठेरैतांये मैंई तुसिओ बल्लू कि कोई मिन्जो बलै तैहणै तक ना ईच्ची सकदा, जैहणै तक तैसिओ पितै री तरफ थऊँ वरदान ना भोआ।”

चेलै रै कम 11:21

प्रभु री शक्ति तियां सोगी थी, अतै मतै गैर यहूदी मणु विस्वास करीके प्रभु री कनारी फिरै।

रोमियो 12:3

क्ओकि अऊँ तैस अनुग्रह री वजह थऊँ जैड़ा मिन्जो मुळुरा हा, तूसु मन्ज हरेक सितै बलदा, तैत थऊँ बदिकरी कोई भी अपणै आपा जो ना समझा; पर जिंआं प्रमात्मैं हरेक जो तैस विस्वास रै नाप रै अनुसार जैड़ा तुसिओ दितुरा हा, तियां ही सुबुद्धि सोगी अपणै आपा जो समझा।

रोमियो 9:11

तंयारै पैदा भूणै थऊँ पैहलै, या तियां थऊँ कुछ भला या बुरा कम करनै थऊँ पैहलै ही प्रमात्मैं रिबका सोगी बलुरा थू कि “तसारै मोट्टै दब्बू हल्कै दब्बू री सेवा करनी हा।”

रोमियो 9:16

ता प्रमात्मां ही हा जैड़ा चुणदा कि कस पुर दया करनी हा। अहै ना ता चुणी सकदै हिन अतै ना ही तैतिओ पाणै तांयै कोई कम करी सकदै हिन।

1 कुरिन्थियों 12:6

प्रमात्मां असु मन्ज हरेक मणु जो अलग अलग तरह री सेवा करनै रा कम दिन्दा हा पर अक्क ही प्रमात्मां हा जैडा असु सबी रै द्धारा कम करदा हा।

1 कुरिन्थियों 15:10

पर अऊँ जैडा कुछ भी हा, प्रमात्मैं रै अनुग्रह सितै हा। तसेरा अनुग्रह जैड़ी मिन्जो पुर भुआ सो बेकार ना भुआ, पर मैंई होरी प्रेरिता थऊँ बदिकरी मेहनत भी करीआ, तांभी ऐह मेरी तरफा थऊँ निय्आ पर प्रमात्मैं रै अनुग्रह सितै हा जैड़ा मिन्जो पुर भुआ।

2 कुरिन्थियों 3:5

ऐह निय्आ कि अहै अपणै आपा सितै ऐस लायक हिन कि अपणी तरफा थऊँ कसी गल्ला रा विचार करी सकन, पर इन्दी योग्यता प्रमात्मैं री तरफा थऊँ हा,

इफिसियों 1:11

अहै मसीह सोगी अक्क भूच्ची गै हिन असिओ प्रमात्मैं थऊँ मीरास मुळी हा क्ओकि तिनी असिओ पैहलै थऊँ चुणी लैऊ अतै सो अपणी योजना अनुसार सब कुछ पुरा करदा हा।

इफिसियों 1:5

अतै प्रमात्मैं अपणी ईच्‍छा री सैहमती सितै असु जो अपणै तांई पैहलै थऊँ ही ठहराऊरा, कि यीशु मसीह री व्जहा थऊँ अहै तसेरै गोद लैऊरै पुत्र भून। ऐह ही प्रमात्मां करना चाहन्दा थू जैतै सो खुश भूआ।

इफिसियों 1:9

प्रमात्मैं अबै असु पुर प्रकट करू हा तैस भेद री योजना रै बारै मन्ज जैड़ी मसीह सोगी सम्बन्धित हा ऐसी योजना जैत सितै सो अपणी इच्छा जो पूरी करी सका।

इफिसियों 2:8

प्रमात्मैं पुर विस्‍वासा री व्जहा थऊँ ही अनुग्रह सितै तून्दा उद्धार भछुरा अतै ऐह तून्दै कम्मा सितै ना बल्कि प्रमात्मैं रा दान हा।

2 थिस्सलुनीकियों 1:11

ऐत तांई अहै हमेशा तूसु तांई प्रार्थना भी करदै हिन कि इन्दा प्रमात्मां तूसु जो ऐस बुलाहट रै योग्य समझा। प्रमात्मां तुसिओ सामर्थ देय्आ ताकि तुहै तिन्या सब भलै कम्मा जो करी सकन जैड़ा तून्दा विस्‍वासा करनै तांयै बलदा हा।

2 तीमुथियुस 1:9

प्रमात्मैं इन्दा उद्धार करूरा हा अतै अक्क पवित्र जिन्दगी जिणै तांयै असिओ हैदुरा हा। प्रमात्मैं ऐह ठेरैतांये ना करू कि अहै ठेरै काबल थियै पर ऐह तसेरी संसार रै पैहलै थऊँ ही ऐह योजना थी कि सो असिओ मसीह यीशु रै द्धारा अपणै अनुग्रह जो दसा।

इब्रानियों 13:21

सो तुसिओ सब गल्ला मन्ज सामर्थ देय्आ कि तुहै तसेरी इच्छा जो पुरा करी सकन, सो तून्दै अन्दर यीशु मसीह रै सामर्थ रै द्धारा हर भली गल्ला जो पैदा करा जैत सोगी सो खुश भुन्दा हा, तसेरी महिमा सदा-सदा तांयै भुन्दी रेय्आ। आमीन।

1 पतरस 1:3

इन्दै प्रभु यीशु मसीह रै पिता अतै प्रमात्मैं रा धन्यवाद भोआ। प्रमात्मैं असु पुर बड़ी दया करीके असिओ नोई जिन्दगी दिती क्ओकि प्रमात्मैं यीशु मसीह जो मरूरै थऊँ दोबारा जीयाऊ, तिनी असिओ भरोसै सोगी जिणै री सामर्थ दितुरी हा, अतै अहै उम्मीद रखी सकदै हिन कि असिओ सो सब कुछ मुळना जैड़ा तिनी असिओ दिणै रा वायदा करूरा हा।