फिलिप्पियों 2:12 - गददी

¹² हे मेरै प्यारे मित्रो जिआं कि तुसै हमेशा प्रमात्मैं रै हूक्मा जो मन्दै आये हिन जैहणै अऊँ तूसु सोगी थू। अबै अऊँ दूर हा ता तियां कम्मा जो डरदै अतै कम्मदै करदै रेय्आ, जैड़ै प्रमात्मैं रा उद्धार पाऊरै मणु तांई सही हिन।

फिलिप्पियों 2:12 Iomraidhean Croise

मत्ती 11:12

यूहन्‍ना बपतिस्मा दिणैबाळै रै दिना थऊँ अज तक प्रमात्मां रा राज्य तेजी सोगी अगो फैलु करदा, अतै बेरहम मणु तैस पुर कब्जा करनै री कोशिश करदै रैहन्दै हिन।

मत्ती 11:29

मेरा जुंगळा अपणै ऊपर चुकी लेय्आ; अतै मिन्जो थऊँ सिखा; क्ओकि अऊँ नम्र अतै मना रा दीन हा; अतै तूसु अपणै मना मन्ज आराम पाणा।

चेलै रै कम 16:29

ता सो अक्क दिय्आ मँगाईकरी अंदरा जो गो, अतै कम्मदा कम्मदा पौलुस अतै सीलास रै पैरै पैऊ;

चेलै रै कम 9:6

पर अबै उूठी करी नगर मन्ज गा, अतै जैडा तिजो करना सो तिजो दस्सी दिणा।”

रोमियो 2:7

प्रमात्मैं तियां जो अनन्त जिन्दगी दिणिआ जैड़ै सुकर्म मन्ज स्थिर रैई करी महिमा, आदर अतै अमरता री खोज करदै हिन।

1 कुरिन्थियों 15:58

ठेरैतांये हे मेरै प्यारे विस्वासी भाईओ, दृढ़ अतै अटल रेय्आ, अतै प्रभु रै कम्मा मन्ज सदा बढ़दै गच्छा, क्ओकि तुहै ऐह जाणदै हिन कि तुन्दी मेहनत प्रभु मन्ज बेकार निय्आ।

1 कुरिन्थियों 2:3

अऊँ कमजोरी अतै डरा सोगी, अतै बड़ा कम्मदा अतै थरथरान्दा तूसु सोगी रैऊ।

1 कुरिन्थियों 4:14

अऊँ तुसिओ ऐह गल्ला लज्जित करनै तांयें ना लिखदा, पर अपणै प्रेमी बच्चै जाणी करी तुसिओ चेतावनी दिन्दा।

2 कुरिन्थियों 7:15

जैहणै तैसिओ तूसु सबी रा आज्ञाकारी भूणै री याद इन्दीआ कि कियां तुहै डरदै अतै कम्मदै तैस सोगी मुलाकात करी; ता तसेरा प्रेम तुन्दी कनारी होर बददा गान्दा।

इफिसियों 6:5

हे दासो, जैड़ै मणु संसारा मन्ज तून्दै मालक हिन तंयारी आज्ञा रा पालन करा। तिन्या सोगी आदर सोगी रेय्आ अतै जिन्या मसीह सोगी बफादार हिन तियां ही तिन्या सोगी भी बफादार रेय्आ।

फिलिप्पियों 1:27

तूणा करा कि तून्दा चाल चलन मसीह यीशु रै सुसमाचारा रै मुताबक भोआ। अऊँ ईच्ची करी हेरू चाहे ना हेरू तून्दै बारै मन्ज बस ऐह हुणु कि तुसै अक्की ही मकसद मन्ज टिकुरै हिन अतै अक्क मन भूच्ची करी सुसमाचार तांई मेहनत करदै हिन।

फिलिप्पियों 1:29

मसीह री व्जहा थऊँ तूसु पुर ऐसा अनुग्रह भूआ कि ना सिर्फ तैस पुर विस्वास करा, बल्कि तैस तांई दुख भी झेला।

फिलिप्पियों 1:5

जैहणै भी तूसु सबी तांई बिनती करदा ता सदा खुशी सितै बिनती करदा।

फिलिप्पियों 1:6

अतै मिन्जो ऐसा गल्ला रा भरोसा हा कि प्रमात्मैं तूसु मन्ज खरा कम शुरू करूरा हा। प्रमात्मैं ही ऐस कमां जो यीशु मसीह रै दोबारा फिरी करी ईणै रै दिन तक पुरा करना।

फिलिप्पियों 2:19

मिन्जो यीशु मसीह पुर उम्मीद हा, कि मुँ तीमुथियुस जो तूसु बल्लै जरूर भैजणा, ताकि तून्दा हाल चाल हुणी करी मिन्जो शान्ती मुळा।

फिलिप्पियों 4:1

ऐत तांई मेरै विस्वासी भाईओ, तूसु सोगी अऊँ बड़ा प्‍यार करदा। तूसु सोगी मिलणै री मेरी बड़ी इच्छा हा जैड़ा मेरी खुशी अतै घमण्ड़ रा कारण हा। प्यारे भाईओ प्रभु पुर ईयां ही विस्वास मन्ज मजबुत अतै आज्ञाकारी रेय्आ।

फिलिप्पियों 4:15

अतै हे फिलिप्पी शहर मन्ज रैहणै बाळैओ तुसै अप्पू ही जाणदै हिन, कि सुसमाचार प्रचार रै शुरूआत मन्ज जैहणै अऊँ तून्दै मकिदुनिया परदेस थऊँ चली गो ता तुसिओ छड़ी करी होरी कसी भी कलीसिया मेरी आर्थिक रूप सोगी मदद ना करी।

1 थिस्सलुनीकियों 1:3

अतै अपणै पिता प्रमात्मैं रै सामणै तून्दै विस्‍वासा रै कम अतै प्यारा री मेहनत अतै इन्दै प्रभु यीशु मसीह मन्ज उम्मीद रै धीरजा जो हमेशा याद करदै हिन।

2 तीमुथियुस 2:10

ठेरैतांये अऊँ चुणुरै मणु तांई सब कुछ सहन करदा ताकि सो भी मसीह यीशु पुर विस्वास करीके उद्धार पान अतै सो तैहा अनन्त महिमा जो पाई सकन जैड़ी सदा काल तक हा।

इब्रानियों 12:1

अहै जाणदै हिन कि इन्या सांईयै मतै मणु प्रमाणित करी चुकुरै कि ऐह मणु प्रमात्मैं पुर भरोसा रखदै हिन। ता अईआ हर अक्क रोकणै बाळी चिजा अतै उलझाणै बाळा जैड़ा पाप हा तैतिओ दूर करीके सो दौड़ जैत मन्ज असु जो दौड़ना हा धीरजा सितै दौड़न।

इब्रानियों 4:1

ठेरैतांये तैस आराम बाळी धरती मन्ज प्रवेश करनै रा वायदा हालि भी हा अतै असिओ ध्यान रखणा चहिन्दा कि असु थऊँ कोई भी तैत थऊँ वंचित ना रैई गच्छा।

इब्रानियों 4:11

ता अहै भी तैस आरामा बाळी धरती मन्ज दाखल भूणै री पूरी कोशिश करन। अगर अहै इस्त्राएली मणु सांईयै प्रमात्मैं री आज्ञा रा पालन ना करू ता असु भी तैसा जगह मन्ज प्रवेश ना करी सकणा।

इब्रानियों 5:9

जैड़ा प्रमात्मां तैस थऊँ चाहन्दा थू सो तिनी सब कुछ पुरा करू ठेरैतांये अबै सो पूरी तरह थऊँ योग्य हा तियां सबी जो अनन्त काल तक उद्धार दिणै तांयै जैड़ा तसेरी आज्ञा रा पालन करदै हिन।

1 पतरस 2:11

हे प्यारेओ अऊँ तुसिओ चेतावनी दिन्दा कि तुहै अपणै आपा जो परदेसी अतै यात्री समझी करी तियां संसारिक अभिलाषा थऊँ जैड़ी आत्मा सोगी युद्ध करदी हिन, बची रेय्आ।

2 पतरस 3:18

तुहै ऐस तरीकै जिन्दगी जिय्आ ताकि तुहै इन्दै उद्धारकर्ता यीशु मसीह अतै तसेरै अनुग्रह जो होर भी ज्यादा जाणदै रेय्आ। तसेरी ही महिमा अज भी अतै युगा-युग भुन्दी रेय्आ। आमीन।