फिलिप्पियों 2:11 - गददी

¹¹ अतै प्रमात्मैं री महिमा तांई हर अक्क मणु अंगीकार करा कि यीशु मसीह ही प्रभु हा।

फिलिप्पियों 2:11 Iomraidhean Croise

मत्ती 10:32

“जैस कसी मणु सामणै मिन्जो मनी लैणा, सो मुँ भी स्वर्गा मन्ज बैहुरै अपणै पितै रै सामणै मनी लैणा

लूका 2:11

अज राजा दाऊद रै बैतलहम शहर मन्ज तूसु तांई अक्क उद्धारकर्ता पैदा भुआ अतै यही मसीहा प्रभु हा।

यूहन्‍ना 12:42

तांभी हाकमा मन्ज भी मतै तैस पुर विस्वास करू, पर फरीसी री वजह थऊँ सामणै ना मन्दै थियै, क्ओकि सो सोचदै थियै कि ऐसा ना भोआ कि तियां जो यहूदी रै सभागार थऊँ कड्ड़ी दीन।

यूहन्‍ना 13:13

तुहै मिन्जो गुरू अतै प्रभु बलदै हिन, अतै ठीक भी बलदै हिन, क्ओकि अऊँ सो ही हा।

यूहन्‍ना 13:14

अगर मैंई प्रभु अतै गुरू भूच्ची करी तून्दै पैर धोऐ, ता तुसिओ भी अक्की दूये रै पैर धूणा चहिन्‍दै।

यूहन्‍ना 14:13

जैडा कुछ तुहै मेरै नां सितै मंगलै, सो ही मुँ करना कि पुत्रा री वजह थऊँ पिता री महिमा भोआ।

यूहन्‍ना 14:23

यीशुऐ तैसिओ जवाव दिता, “अगर कोई मिन्जो सोगी प्‍यार रखला ता सो मेरै बचना जो मनला, अतै मेरै पितै तैस सोगी प्‍यार रखणा, अतै असु तैस बलै ईणा अतै तैस सोगी रैहणा।

यूहन्‍ना 17:1

यीशुऐ ऐह गल्ला करी अतै अपणी हाख्री चुकी करी अम्बरा री कनारी हेरी के बल्लू, “हे पिता, सो टैमं ईच्ची रैऊ हा; अपणै पुत्रा री महिमा कर कि पुत्र भी तेरी जय जयकार करा,

यूहन्‍ना 20:28

ऐह हुणी करी थोमे जवाव दिता, “हे मेरै प्रभु, हे मेरै प्रमात्मां!”

यूहन्‍ना 5:23

ठेरैतांये कि सब मणु पुत्रा रा तियां ही आदर करन जियां पिता रा करदै हिन, जैडा पुत्रा रा आदर ना करदा, सो पितै रा भी आदर ना करदा जिनी तैसिओ भैजुरा।”

यूहन्‍ना 9:22

ऐह गल्ला तसेरै माता-पिता ठेरैतांये कणैई क्ओकि सो यहूदी अगुवै थऊँ डरदै थियै, क्ओकि यहूदी सब मिली गच्छुरै थियै कि अगर कोई बलदा कि सो मसीहा थू ता, सो मणु यहूदी रै सभागार थऊँ कड्ड़ी दिणा थू।

चेलै रै कम 10:36

जैडा बचन तिनी इस्त्राएलिओ भैजुरा, जैहणै तिनी यीशु मसीह रै द्धारा (जैडा सबी रा प्रभु हा) शान्ती रा सुसमाचार हुणाऊ,

चेलै रै कम 2:36

“ता सब इस्त्राएली मणु पक्कै तरीकै ऐह जाणी लेय्आ कि प्रमात्मैं तैस ही यीशु जो जैसिओ तुहै क्रूस पुर चढाऊरा, प्रभु भी ठहराऊरा अतै मसीह भी।”

रोमियो 14:11

क्ओकि पवित्रग्रन्था मन्ज लिखुरा हा; “प्रभु बलदा, मेरी जिन्दगी री सौगन्द हा कि हरेक मणु मेरै सामणै झुकणा, अतै हरेक मणु प्रमात्मैं रा अंगीकार करना।”

रोमियो 14:9

क्ओकि मसीह ठेरैतांये मरू अतै जी भी भुआ कि सो मरूरै अतै जिन्दै दूनी रा प्रभु हा।

रोमियो 15:9

अतै गैर यहूदी भी दया री वजह थऊँ प्रमात्मैं री स्तुति करन; जिंआं पवित्रग्रन्था मन्ज लिखुरा हा, “ठेरैतांये मुँ गैर यहूदी मन्ज तेरी स्तुति करनी हा, अतै तेरै नां रै भजन गाणै।”

1 कुरिन्थियों 12:3

ठेरैतांये अऊँ तुसिओ समझांदा कि जैडा कोई प्रमात्मैं री पवित्र आत्मा री अगुवाई सितै चलदा हा ता सो ऐह ना बली सकदा कि यीशु हरापित हा, अतै सो पवित्र आत्मा रै द्धारा ही बली सकदा कि यीशु ही प्रभु हा।

1 कुरिन्थियों 15:47

पैहला मणु अर्थात आदम धरती री चिक्का सितै बणाया गो पर दुआ मणु अर्थात मसीह स्वर्गा थऊँ आ।

1 कुरिन्थियों 8:6

तांभी असु तांयें ता अक्क ही प्रमात्मां हा; अर्थात इन्दा पिता जसेरी तरफा थऊँ सब चिजा हिन, अतै अहै तैस तांयें ही हिन। अक्क ही प्रभु हा, अर्थात यीशु मसीह जसेरै द्धारा सब चिजा भूई, अतै असिओ भी तसेरै द्धारा हि जिन्दगी मुळुरी हा।

1 पतरस 1:21

सो ठेरैतांये प्रकट भुआ कि तुसिओ प्रमात्मैं पुर विस्वास करनै मन्ज अगुवाई करा जिनी मसीह जो मुरदै थऊँ जीयाऊ अतै तैसिओ महिमा दिती। ठेरैतांये तुहै प्रमात्मैं पुर अपणा विस्वास अतै उम्मीद रखदै हिन।

1 यूहन्‍ना 4:15

जैडा कोई ऐह मनी लैन्दा कि यीशु प्रमात्मैं रा पुत्र हा ता प्रमात्मां मसीह मन्ज बणी रहन्‍दा अतै सो प्रमात्मैं मन्ज।

1 यूहन्‍ना 4:2

प्रमात्मां री आत्मा जो तुसै इन्‍नी साहबै पछैणी सकदै हिन, कि जैड़ी कोई आत्मा मन्‍नी लैन्दी हा कि यीशु मसीह शरीर लेई करी आ ता सो प्रमात्मां री कनारी थऊँ हा।

2 यूहन्‍ना 1:7

अऊँ ऐह ठेरैतांये बलदा हा क्ओकि कई धोखा दिणैबाळै मणु ऐस संसारा मन्ज चली छुरै हिन, ऐह ऐसै मणु हिन जैड़ै ऐह ना मन्दै कि यीशु मसीह मणु रै रूपा मन्ज धरती पुर आ। ऐसै मणु धोखा दिणैबाळै अतै मसीह रै विरोधी हिन।

प्रकाशित वाक्य 3:5

जैडा जय पान तैसिओ तियां ही चिट्टै ओढण पहनाणै हिन, अतै मुँ तसेरा ना जिन्दगी री कताबा थऊँ कसी भी रीति सितै ना कटणा, पर तसेरा नां अपणै पितै अतै स्वर्गदूता रै सामणै मनी लैणा।