2 तीमुथियुस 4:5 - गददी

⁵ पर तू सबी गल्ला मन्ज चौकन्‍ना रैह, दुख झेल, सुसमाचार प्रचार रा कम कर अतै अपणी सेवा जो पुरा कर।

2 तीमुथियुस 4:5 Iomraidhean Croise

मत्ती 25:16

ता, जैसिओ पँज तोड़ै मुळै थियै, तिनी झट गिच्ची करी तैत सोगी लेन-देन करू, अतै पँज तोड़ै होर कमाये।

मरकुस 13:34

ऐह तैस टैमां साईयें भूणा, जिंआं परदेसा जो गान्दै टैमैं मालक अपणै घरा जो छड़ी करी अपणै नौकरा जो हूक्म दि गच्छा अतै हरेक जो तसेरा कम दस्सी गच्छा, अतै द्धारपाला जो जागदा रैहणै री आज्ञा दी गान्दा।”

मरकुस 13:37

जैडा अऊँ तूसु सोगी बलदा, सो ही सबी सोगी बलदा जागदै रेय्आ!”

लूका 12:37

धन्य हा सो नौकर जैस जो तसेरा मालक ईच्ची करी जागदा हेरदा। अऊँ तूसु सितै सच बलदा कि, तैस नौकरा तसेरी सेवा तांई कमर कसी करी तैयार रैहणा अतै तैस जो खाणा खोआणा।

चेलै रै कम 21:8

दूये दिन चली करी अहै कैसरिया शहर मन्ज आये, अतै फिलिप्पुस सुसमाचार प्रचारक रै घरै मन्ज रैह, जैडा तियां सता चेलै मन्ज अक्क थू जियां जो यरूशलेम मन्ज सेवा के तांयै चुणुरा थू।

रोमियो 15:19

सो चमत्कार अतै अदभुत कम्मा री सामर्थ जो हेरी करी जैड़ै पवित्र आत्मा री सामर्थ सितै मेरै ही द्धारा करै; तैतिओ सो मनी गै। ऐस तरीकै मैंई मसीह रा सुसमाचार यरूशलेम थऊँ लेई करी इल्लुरिकुम तक रा पुरा-पुरा प्रचार करू।

इफिसियों 4:11

अतै ऐह कई वरदान हिन जैड़ै मसीह कलीसिया जो दितै, जिन्या प्रेरित, भविष्‍यवक्ता, सुसमाचार हुनाणै बाळै, पासवान अतै शिक्षक।

इफिसियों 4:12

इन्यारी जिम्मेवारी हा कि सो पवित्र मणु जो तैयार करन ताकि सो प्रमात्मैं रा कम करी सकन अतै कलीसिया री उन्‍नति करी सकन जैड़ी मसीह री देह हा।

कुलुस्सियों 1:25

प्रमात्मैं मिन्जो मसीह रा सेवक बणाऊरा हा अतै खास कम करनै जो दिता कि अऊँ प्रमात्मैं रा पुरा बचन गैर यहूदी जो हुणाऊ।

कुलुस्सियों 4:17

फिरी अर्खिप्पुस सितै बल्लै कि जैड़ी सेवा प्रभु मन्ज तिजो दितुरी हा तैसा जो धैना सितै पूरी करै।

1 थिस्सलुनीकियों 5:6

ठेरैतांये अहै अविस्वासी सांईयै सुन्दै ना रैहन, पर जागदै अतै चौकनै रैहन।

1 तीमुथियुस 4:12

तेरा व्यवहार ऐस तरीकै रा भोआ कि कोई तेरा निरादर ना करना पा क्ओकि तू जवान हा। तिजो अपणै बचना रै द्धारा, चाल चलन रै द्धारा, प्रेम रै द्धारा, विस्वास रै द्धारा अतै पवित्रता रै द्धारा विस्वासी तांयै अक्क आदर्श बनणा हा कि सो तिजो सांईयै चाल चलन रखन।

1 तीमुथियुस 4:15

इन्या गल्ला जो सोचदा रैह अतै इआं मन्ज अपणा धैन लगाई रख ताकि सब मणु विस्वास मन्ज तेरी तरक्की हेरी सकन।

2 तीमुथियुस 1:8

इन्दै प्रभु री गवाई दिणै थऊँ लज्जित मत भुन्दै अतै मेरै बारै मन्ज भी लज्जित मत भुन्दै क्ओकि अऊँ सेवा करनै री वजह थऊँ कैद मन्ज हा। तैस सामर्थ रा इस्तेमाल करा जैड़ा प्रमात्मैं थऊँ इन्दा हा अतै सुसमाचार जो हुणादै टैमैं दुखा जो झेलनै तांयै मिन्जो सोगी सहभागी भोआ।

2 तीमुथियुस 2:10

ठेरैतांये अऊँ चुणुरै मणु तांई सब कुछ सहन करदा ताकि सो भी मसीह यीशु पुर विस्वास करीके उद्धार पान अतै सो तैहा अनन्त महिमा जो पाई सकन जैड़ी सदा काल तक हा।

2 तीमुथियुस 2:3

मसीह यीशु रै खरै योद्धा सांईं मिन्जो सोगी दुख झेल।

2 तीमुथियुस 4:17

पर प्रभु मेरा साथी रैऊ अतै मिन्जो सामर्थ दिती ताकि अऊँ सुसमाचार जो सही तरीकै प्रचार करी सकू अतै तैहा कचैहरी मन्ज सब गैर यहूदी तैतिओ हुणी सकन। तिनी मिन्जो मौत थऊँ भी बचाऊ जिन्या कोई भूखै शेरा थऊँ बचान्‍दा हा।

इब्रानियों 13:17

अपणै अगुवै री मन्ना अतै तंयारै अधीन रेय्आ क्ओकि सो तून्दा ध्यान रखदै हिन कि तुहै भटकी ना गाहन। तियां जो अपणी सेवा रा प्रमात्मैं जो हिसाब दिणा पैणा, कि सो ऐस कमां जो खुशी सितै करन, ना कि दुखी भूची करी ना ता तुसिओ कोई फाईदा ना भूणा।

1 पतरस 1:13

ठेरैतांये अपणै मना जो प्रमात्मैं री आज्ञा मनणै जो तैयार करा, ठेरा अर्थ ऐह हा कि अपणै मना जो अनुशाशित करा अतै ऐह उम्मीद रखा कि जैहणै यीशु मसीह स्वर्गा थऊँ ईणा, ता तूसु भली चिजा पाणी जैडा प्रमात्मैं तूसु तांयै करी दितुरा।

प्रकाशित वाक्य 3:2

ठेरैतांये जागदै रेय्आ, अतै मिन्जो पुर अपणै विस्वास जो मजबुत करा ताकि ऐसा ना भोआ कि तून्दा जैड़ा विस्वास थोड़ा हा सो भी खत्म ना भूच्ची गच्छा। अऊँ जाणदा हा कि तेरी जैड़ी कमी हा सो ज्यादा हा क्ओकि प्रमात्मां तेरै कमा थऊँ खुश निय्आ।