4 तिन्या सच्चाई जो ना हुणना पर झूठी कथा-कहाणी हुणनी हिन।
“क्ओकि ईयां मणु रा मन मोटा भूच्ची गच्छुरा, अतै ऐह कना रा उच्चा हुणदै अतै इन्यै अपणी हाख्री बन्द करी लैऊरी।” “करखी ऐसा ना भोआ कि ऐह हाख्री सितै हेरन, कना सितै हुणन, अतै मना मन्ज समझन, अतै मना फेरन अतै अऊँ ईयां जो ठीक करूं।”
ता तिन्यै जोरा सितै बक्की करी अपणै कन बन्द करी लै कि तसेरी ना हुणन, अतै अक्क सोगी तैस पुर झपटी पै;
अतै इन्नी साहबै प्रमात्मैं तियां मन्ज अक्क भटकाई दीणैं बाळी शक्ति जो भैजणा ताकि सो झूठ पुर विस्वास करन जैड़ा सो दुष्ट मणु बलदा हा।
तुसिओ तिन्या जो चेतावनी दिणा हा कि सो झूठी कहाणी अतै लम्बी वंशावली पर अपणै टैमां जो बर्बाद ना करन। ऐसी गल्ला थऊँ सिर्फ विवाद भुन्दा हा अतै ऐत थऊँ प्रमात्मैं रै कम करनै मन्ज कसी जो कोई मदद ना मिलदी जैड़ा सिर्फ विस्वास रै द्धारा ही भूच्ची सकदा हा।
टैमां जो बर्बाद मत करा इन्या बेकार विचार अतै बर्जुगा री कहाणी पुर विवाद करीके; पर अपणै आपा जो भक्ति साधना तांयै तैयार करा।
हे तीमुथियुस तैहा सच्चाई री रखबाळी कर जैड़ी प्रमात्मैं तिजो दितुरी हा। तू तिन्या थऊँ दूर रैह जैड़ै अपणै झूठै ज्ञान, अभक्ति, मूर्खता अतै बाद-विवाद सितै तून्दा विरोध करदै हिन।
तू जाणदा कि आसिया परदेस रै कई विस्वासी मिन्जो छडी दितुरा हा जिआं मन्ज फूगिलुस अतै हिरमुगिनेस भाई भी हिन।
तिन्या यहूदी री उदाहरण-कहाणी अतै तियां मणु री आज्ञा पुर मन मत ला क्ओकि सो सच्चाई थऊँ भटकी गच्छुरै हिन।
तूसु सबी पुर प्रमात्मैं रा अनुग्रह भुन्दा रेय्आ। आमीन।
जैहणै अहै प्रेरितै तुसिओ प्रभु यीशु मसीह रै दोबारा ईणै रै अतै तसेरी सामर्थ रै बारै मन्ज समाचार दस्सु थू, ता अहै तुसिओ चतुराई सोगी बणाऊरी कहाणी ना हुणाई, बल्कि अहै अप्पू ही यीशु मसीह री महिमा जो हेरूरा थू।
