2 तीमुथियुस 4:16 - गददी

¹⁶ पैहली बरी जैहणै मिन्जो जजा बलै खडेरू ता कोई भी मिन्जो सोगी ना थू। सबीये मिन्जो छड़ी दिता अतै अऊँ प्रार्थना करदा कि प्रमात्मां तिन्या जो ऐहा गल्ला तांयै माफ करा।

2 तीमुथियुस 4:16 Iomraidhean Croise

मरकुस 14:50

ऐह सब हेरी करी यीशु रै सब चेलै तैसिओ छड़ी करी नह्ही गै।

लूका 12:11

“जैहणै तुसिओ मणु पकड़ी करी यहूदी रै सभागार अतै राजा अतै अफसरा रै सामणै लेई गाहलै ता चिन्ता मत करदै कि तूसु के बलणा अतै कै जवाव दिणा।

यूहन्‍ना 16:32

हेरा, सो टैमं ईणा लगुरा, बल्कि चली आ कि तूसु सबी तितर-बितर भूच्ची करी अपणै-अपणै रस्तै गाणा, अतै मिन्जो अकेला छड़ी दिणा; तांभी अऊँ अकेला निया, क्ओकि पिता मेरै सोगी हा।

चेलै रै कम 22:1

“हे भाईओ अतै पितरो, मेरा जवाव हुणा, जैडा अबै अऊँ तून्दै सामणै कणैणा चाहन्दा।”

चेलै रै कम 25:16

“पर मैंई तियां जो जवाव दिता कि रोमी री ऐह रीति निय्आ कि कसी मणु जो दण्ड़ तांयें सौंपी दीन, जैहणै तक मुकदमा करनैवाळै अतै मुजरिम जो सामणै खड़ी करी दोषा रै जवाव दिणै रा मौका ना मुळा।

चेलै रै कम 7:60

फिरी घुटनै टेकीकरी जोरा सितै बल्लू, “हे प्रभु, इन्या जो ऐस पापा री सजा मत दिन्दा।” अतै ऐह बली करी सो मरी गो।

1 कुरिन्थियों 13:5

प्रेम दूये री बेईज्ती ना करदा, प्रेम अपणी भलाई ना चाहन्दा, प्रेम झूँझलांदा निय्आ, प्रेम बुरा ना मन्दा।

1 कुरिन्थियों 9:3

जैड़ै मेरै प्रेरित भूणै रै अधिकार पुर सवाल उठान्दै हिन, तियां तांयें ऐह ही मेरा जवाव हा।

2 कुरिन्थियों 7:11

ता हुणा, जैस तरीकै रा शौक जैड़ा प्रमात्मां चाहन्दा कि अहै महसुस करन तूसु मन्ज कैतना उत्साह, अपणी गल्ला जो साफ करनै री इच्छा, अन्याय रै प्रति गुस्सा, संकट रै टैमैं ड़र, मिन्जो सोगी मिलणै री लालसा, सेवा रै प्रति उत्साह अतै बुरा करनै बाळै जो दण्ड दिणै रा विचार ऐह सब गल्ला सावित करदी हिन कि तुहै निर्दोष हिन।

फिलिप्पियों 1:17

अतै जैड़ै जळणी सितै प्रचार करदै हिन सो अपणी स्‍वार्थी इच्छा सितै मसीह रा उदाहरण हुणादै हिन, ऐह समझी करी कि मेरी कैदा मन्ज मिन्जो तांई क्‍लेश पैदा करन।

फिलिप्पियों 1:7

ऐह ठीक हा कि, अऊँ तूसु सबी तांई इन्‍ना विचार करूं क्ओकि अऊँ तूसु सितै बड़ा प्‍यार करदा हा। तुहै सब मेरी कैदा मन्ज अतै सुसमाचार तांई समर्थन अतै सवूत दीणैं तांई मिन्जो सोगी अनुग्रह सितै सहभागी हिन।

2 तीमुथियुस 1:15

तू जाणदा कि आसिया परदेस रै कई विस्वासी मिन्जो छडी दितुरा हा जिआं मन्ज फूगिलुस अतै हिरमुगिनेस भाई भी हिन।

2 तीमुथियुस 4:10

क्ओकि विस्वासी भाई देमास जो ऐस संसारा री चिजा प्यारी लगी अतै सो मिन्जो छड़ी करी थिस्सलुनीके शहर जो चली गछूरा। तिन्या ही विस्वासी भाई क्रैसकैंस भी गलातिआ परदेस जो अतै तीतुस दलमतिआ परदेस जो चली गै हिन।

2 तीमुथियुस 4:15

तू भी तैस थऊँ चौकन्‍ना रैह क्ओकि तिनी इन्दै संदेश रा बड़ा ही विरोध करूरा।

1 पतरस 3:15

पर अपणै दिला मन्ज मसीह तांयै आदर बणाई रखा अतै तैसिओ प्रभु रै रूपा मन्ज आदर देय्आ। हर टैमं तैयार रेय्आ तिन्या जो जवाव दिणै तांयै जैड़ै तुन्दी अन्दर री उम्मीद रै बारै मन्ज पूछदै हिन, पर ऐह सब कोमलता अतै आदर सोगी करा।