2 तीमुथियुस 3:3 - गददी

³ दया रहित, ना माफ करनै बाळा, दोष लगाणै बाळै, असंयमी, कठोर, भलै रै बैरी,

2 तीमुथियुस 3:3 Iomraidhean Croise

मत्ती 10:21

“भाई, भाई जो अतै पितै पुत्रा जो, मारनै तांयें पकड़ाणा, अतै बच्चै बाळै माता पिता रै वरोधा मन्ज खड़ी करी तियां जो मरवाई दिणा।

मत्ती 4:1

फिरी पवित्र आत्मा यीशु जो बियावान मन्ज लेई गो, ताकि शैतान तसेरी परीक्षा करी सका।

लूका 10:16

जैडा तुन्दी हुणदा हा, सो मेरी हुणदा अतै जैडा तुसिओ ठुकरांदा, सो मिन्जो ठुकरांदा अतै जैडा मिन्जो ठुकरांदा, सो मिन्जो ही ना पर मेरै भैजणै बाळै जो ठुकरांदा।

लूका 16:14

फरीसी धना रै लोभी थियै। सो यीशु री गल्ला हुणी करी तैस पुर हासणा लगै।

यूहन्‍ना 6:70

यीशुऐ तियां जो जवाव दिता, “मैंई अप्पू ही तूसु बारह चेलै जो चुणुरा, ता फिरी भी तूसु मन्ज अक्क शैतान रै वशा मन्ज हा।”

रोमियो 1:29

ठेरैतांये सो सब तरह रै अधर्म, दुष्‍टता, लोभ, अतै बैरभाव सितै भरी गै; अतै डाह, हत्या, लड़ाई, छल अतै ईर्ष्या सोगी भरपुर भूच्ची गै, अतै चुगलखोर,

रोमियो 1:31

निर्बुद्धि, विस्वासघाती, मयारहित अतै निर्दयी भूच्ची गै।

1 कुरिन्थियों 7:5

तुहै अक्की दूये थऊँ अलग ना रेय्आ; पर सिर्फ कुछ टैमां तक अप्पू मन्ज समझौते सितै कि प्रार्थना तांयें मौका मुळा, अतै फिरी अक्क सोगी रेय्आ; ऐसा ना भोआ कि तुहै अपणी इच्छा जो काबू ना करी सकन अतै शैतान तुसिओ परखा अतै तुहै व्यभिचार करन।

1 कुरिन्थियों 7:9

पर अगर सो संयम ना रखी सकन, ता बैह करी लैन; क्ओकि बैह करना कामातुर रैहणै थऊँ भला हा।

1 थिस्सलुनीकियों 4:8

ठेरैतांये जैडा ईयां नियमा रै अनुसार जिणै थऊँ इनकार करदा हा सो मणु री शिक्षा जो ना पर प्रमात्मैं रा इनकार करदा हा, जैडा कि अपणा पवित्र आत्मा तूसु जो दिन्दा हा।

1 तीमुथियुस 3:11

इन्‍नी साहबै जनानी जो भी आदर योग्य भूणा चहिन्दा, सो दोष लाणै बाळी ना भून पर संयमी अतै सबी गल्ला मन्ज विस्‍वासा योग्य भून।

तीतुस 1:8

पर घरै छूरै री सेवा करनै बाळा, भलाई करनै बाळा, धीरज रखणै बाळा, न्याय करनै बाळा, पवित्र अतै अपणी इच्छा जो काबू मन्ज रखणै बाळा भोआ।

तीतुस 2:3

इन्‍नी साहबै बजुर्ग जनानी जो सखा कि तंयारा चाल-चलन पवित्र मणु सांईयै भोआ, दोष लाणै बाळी अतै पियक्कड़ ना भून पर खरी गल्ला सखाणै बाळी भून।

याकूब 2:6

पर तुसै तैस कंगाला री बेईज्जती करीआ, कै अमीर मणु तूसु पुर अत्याचार ना करदै हिन? अतै सो ही तूसु जो कचैहरी मन्ज ना रगड़दै हिन?

2 पतरस 2:14

तिआंरी हाख्री मन्ज व्यभिचार बसुरा अतै सो पाप करूरै बिना ना रैई सकदै हिन। सो चंचल मनवाळै जो भकाई लैन्दै हिन, तंयारै मनां जो लोभ लालच करनै रा तर्जबा भूच्ची गछूरा, सो हराप सितै पैदा भच्छुरी औलाद हा।

2 पतरस 2:19

सो होरी जो आजाद भूणै रा वायदा ता करदै हिन पर अप्पू ता पाप अतै भ्रष्‍टता री गुलामी मन्ज हिन, क्ओकि अक्क मणु तठेरा गुलाम हा जठेरै सो वशा मन्ज हा।

2 पतरस 3:3

सबी थऊँ जरूरी गल्ल जैड़ी अऊँ तुसिओ याद दोआणा चाहन्दा कि अन्त काल मन्ज मसीह रै दोबारा ईणै थऊँ पैहलै ऐसै मणु भूणै जिन्या तून्दा मजाक उड़ाणा क्ओकि तुहै मसीह रै दोबारा ईणै रै बारै मन्ज विस्वास करदै हिन पर इन्या बुरी कमा जो करदै रैहणा जैतिओ करनै थऊँ ऐह खुश भुन्दै हिन।

यहूदा 1:16

ऐह अधर्मी मणु सदा कुड़कुड़ करदै रैहन्दै हिन, अतै तिन्या सोगी जैड़ा कुछ भुन्दा सो तैत तांयै प्रमात्मैं जो दोषी ठहरान्दै हिन। सो अपणी इच्छा अनुसार बुरै कमा जो करदै हिन अतै अपणै आपा रा घमण्ड़ करदै हिन। सो दूये री तरीफ करनै रा ढोंग करदै हिन ताकि सो तिन्या थऊँ सो पाई सकन जैड़ा सो चाहन्दै हिन।

यहूदा 1:18

सो तूसु सितै बल्लू करदै थियै कि, “इन्दै प्रभु यीशु मसीह रै दोबारा ईणै थऊँ पैहलै ऐसै मणु भूणै हिन जिन्या प्रभु रा अतै प्रभु रै मणु रा अपमान करना। ऐह ऐसै मणु भूणै जंयारी जिन्दगी तंयारी अभिलाषा रै वशा मन्ज भूणी हा।”

प्रकाशित वाक्य 13:15

तैसिओ तैस पशु री मूर्ति मन्ज प्राण दिणै रा अधिकार दिता गो कि मूर्ति बलणा लगा, अतै जैतणै मणु तैहा मूर्ति री पूजा ना करन, तियां जो मारी देय्आ।

प्रकाशित वाक्य 13:17

ताकि सो ही लेन देन ना करी सकदा जैस पुर मोहर मतलब तैस पशु रा नां या तसेरै नां रा अंक भोआ।

प्रकाशित वाक्य 16:6

क्ओकि तिन्यै पवित्र मणु अतै भविष्‍यवक्ता रा खून बहाऊरा थू, अतै तैंई तियां जो खून पिआऊ हा, सो ऐस ही लायक हिन।”

प्रकाशित वाक्य 17:6

मैंई तैहा जनानी जो पवित्र मणु रा खून अतै यीशु रै गवाह रा खून पीणै सोगी मतवाळी हेरू, तैहा जो हेरी करी अऊँ हैरान भूच्ची गो।