2 तीमुथियुस 3:2 - गददी

² कजो कि मणु स्‍वार्थी, लोभी, डींगमार, घमण्‍ड़ी, निन्दा करनै बाळै, माँ पिता री आज्ञा जो टालनै बाळा, जैड़ा धन्यवादी निय्आ, अपवित्र,

2 तीमुथियुस 3:2 Iomraidhean Croise

मत्ती 15:6

ता सो अपणै पिता रा आदर ना करदै, ऐस तरीकै तुहै भी अपणै नियमा मुताबक प्रमात्मैं रा बचन टाळी दिन्दै हिन।”

लूका 12:15

“चौकनै रेआ अतै सबी किस्‍मां रै लोभ-लालच थऊँ अपणै आपाओ बचाई करी रखा, क्ओकि जरूरता थऊँ ज्यादा जायदात भूणै पर जिन्दगी रा मतलब ऐह निआ कि तैतिओ होर कठेरा।”

लूका 16:14

फरीसी धना रै लोभी थियै। सो यीशु री गल्ला हुणी करी तैस पुर हासणा लगै।

लूका 6:35

पर अऊँ बलदा अपणै बैरी सोगी प्रेम करा, भलाई करा, अतै फिरी करी न मुळन री उम्मीद रखी करी उधार देआ; ऐस तरीकै तून्दा इनाम बड़ा भूणा अतै तूसु परमप्रमात्मैं री औलाद ठहरना, क्ओकि सो तियां बुरै मणु पुर भी दयावान हा जैडा कदी भी तसेरा धन्यवाद ना करदै।

चेलै रै कम 5:36

क्ओकि ईयां दिन थऊँ पैहलै थियूदास ऐह दावा करदा थू कि अऊँ भी कुछ हा; अतै कोई चंऊर सो मणु तैस सोगी भूच्ची गै, पर सो मारी दिता अतै जैतणै मणु तैसिओ मन्दै थियै सब तितर-बितर भूच्ची गै।

रोमियो 11:18

ता ऐसा गल्ला रा घमण्ड़ मत करदै कि तुसिओ ऐस रूखा मन्ज कलम करीके लगाया गो अतै पुराणी डाळी त्रोड़ी दिता। याद रखा तुहै सिर्फ अक्क डाळी हिन जड़ ना।

2 कुरिन्थियों 5:15

मसीह ऐस तरीकै सबी मणु तांयें मरू कि जैड़ै जिन्दै हिन सो अबै अपणै तांयें ना जीन पर तैस तांयें जैडा तियां तांयें मरू अतै फिरी जी ऊठु।

फिलिप्पियों 2:21

क्ओकि सब अपणै-अपणै स्वार्थ मन्ज रैहन्दै हिन, सो यीशु मसीह रै कमां री चिन्ता ना करदै।

कुलुस्सियों 3:5

ऐत तांई तियां बुरै कमा जो करना बन्द करा जैड़ा तून्दै पापी स्वभाव सोगी जुडुरै हिन जियां कि अशुद्धता, बुरी सोच, बुरी ईच्‍छा अतै लालच जैडा कि अक्क मूर्तिपूजा सांईयै हा।

2 थिस्सलुनीकियों 2:4

तैस दुष्‍ट मणु प्रमात्मैं रा विरोध करना अतै तिन्या सबी चिजा रा जैतिओ मणु भगवान रै रूपा मन्ज मन्दै हिन अतै तैस ऐह दावा करना कि सो तिन्या सबी थऊँ बड़ा हा, ऐठी तक कि तैस प्रमात्मैं रै मन्दरा मन्ज बैही करी अपणै आपा जो प्रमात्मां प्रकट करना।

1 तीमुथियुस 1:20

मैंई दूँ मणु हुमिनयुस अतै सिकन्दर जो कलीसिया थऊँ बाहर नकाळी दिता अतै तिन्या जो शैतान रै हत्थै सौंपी दिता ताकि सो सिखन कि प्रमात्मैं री निन्दा ना करनी हा।

1 तीमुथियुस 1:9

अहै जाणदै हिन कि व्यवस्था तिन्या मणु तांई निआं जैड़ै सही कम करदै हिन पर अधर्मी, निरकुशों, भक्‍तिहीनां, पापी, अपवित्र जो अशुद्ध, माँ-बुड़ै जो मारनै बाळै, हत्यारै।

1 तीमुथियुस 3:3

पियक्कड़ या मार-कुटाई करनै बाळै ना भोआ बल्कि नर्म दिल अतै झगड़ालू ना भोआ अतै ना ही लोभी भोआ।

1 तीमुथियुस 6:10

क्ओकि पैसै रा लालच सबी किस्‍मां री बुराई री जड़ हा जैतिओ हासल करनै री कोशिश करदै-करदै कतूणैं विस्वासी अपणै रस्तै थऊँ भटकी करी अपणै आपा जो कैईआ किस्‍मां रै दुखा सितै नूकसान पजाऊरा हा।

1 तीमुथियुस 6:4

ता सो मणु घमण्‍ड़ी भुच्‍ची गच्छुरै अतै कुछ ना जाणदै। तिन्या जो वाद-विवाद अतै शब्दा पुर तर्क करनै रा रोग लगी गछूरा हा जैत थऊँ डींग, झगड़ै, निन्दा री गल्ला अतै बुरै-बुरै सन्‍देह,

2 तीमुथियुस 3:4

विस्वासघाती, ढीठ, घमण्‍ड़ी अतै प्रमात्मैं जो चाहणैं बाळै ना पर सुख विलास जो चाहणैं बाळै भूणै।

याकूब 2:8

फिरी भी जे तुसै पवित्रग्रन्था रै बचना रै मुताबक कि तू अपणै पड़ेही सोगी अप्पू सांईं प्‍यार रख, ता सचमुच तैसा राज्य व्यवस्था जो पूरी करदै हिन, ता खरा ही करदै हिन।

याकूब 4:16

पर अबै तुसै अपणी डीगां पुर घमण्ड़ करदै हिन, ईना जिन्‍ना सब घमण्ड़ बुरा भुन्दा।

याकूब 4:6

प्रमात्मां ता होर भी अनुग्रह दिन्दा, ऐत तांई पवित्रग्रन्था मन्ज ऐह लिखुरा कि : “प्रमात्मां अभिमानी रा वरोध करदा, पर दीन मणु पुर कृपा करदा।”

1 पतरस 5:5

ऐस तरीकै हे नौजवानों तुहै भी स्याणै रै अधीन रेय्आ, बल्कि तुहै सबी रै सब अक्की दूये री दीनता सोगी सेवा करा क्ओकि “प्रमात्मां अभिमानी रा वरोध करदा हा, पर दीना पुर अनुग्रह करदा हा।”

2 पतरस 2:10

प्रभु तिन्या मणु सोगी कठोर व्यवहार करना जैड़ै आज्ञा ना मन्दै अतै सदा अपणी बुरी अभिलाषा रै बारै मन्ज ही सोचदै हिन। ऐह ढीठ अतै हठी मणु हिन सो प्रमात्मैं रै शक्तिशाली स्वर्गदूता जो बुरा-भला बलणै थऊँ भी ना डरदै हिन।

2 पतरस 2:12

ऐह झूठै शिक्षक निर्बुद्धि गोरू सांईयै हिन जैड़ै कि पकड़नै तांई अतै नाश भूणै तांई पैदा भछूरै हिन। सो तिन्या गल्ला रै बारै मन्ज बुरा-भला बलदै हिन जिन्या जो सो जाणदै ही ना हिन सो अपणी हड़ैनी मन्ज अप्पू ही हडदै रहन्दै हिन।

2 पतरस 2:18

सो बेकार मन्ज घमण्ड़ री गल्ला बल्ली करी लुचपन रै कम्मा री व्जहा थऊँ तियां मणु जो शरीरिक अभिलाषा मन्ज फसाई लैन्दै हिन जैड़ै कि हल्ली तिकर गलत जिन्दगी थऊँ निकळै हिन।

2 पतरस 2:3

ऐह झूठै शिक्षक बड़ै लालची भूणै अतै इन्या तुसिओ झूठी कहाणी बली करी धोखा दिणा ताकि तूसु थऊँ पैसा लेई सकन। प्रमात्मैं पैहलै थऊँ ही फैसला करूरा थू कि तिन्या जो सजा दिणी हा अतै सो तैयार हा तिन्या जो नाश करनै तांयै।

यहूदा 1:16

ऐह अधर्मी मणु सदा कुड़कुड़ करदै रैहन्दै हिन, अतै तिन्या सोगी जैड़ा कुछ भुन्दा सो तैत तांयै प्रमात्मैं जो दोषी ठहरान्दै हिन। सो अपणी इच्छा अनुसार बुरै कमा जो करदै हिन अतै अपणै आपा रा घमण्ड़ करदै हिन। सो दूये री तरीफ करनै रा ढोंग करदै हिन ताकि सो तिन्या थऊँ सो पाई सकन जैड़ा सो चाहन्दै हिन।

प्रकाशित वाक्य 13:1

ता मैंई अक्क डरावनै पशु जो समुंद्र थऊँ निकळदै हेरू, जसेरै दस हिंग अतै सत सिर थियै। तसेरै हिंगा पुर दस राजमुकट अतै तसेरै हरेक सिरा पुर ऐसा नां थू जैड़ा प्रमात्मैं री निन्दा करदा थू।

प्रकाशित वाक्य 16:11

ता अपणी पीड़ा अतै फौड़ै री वजह थऊँ स्वर्गा रै प्रमात्मैं री बुराई करी पर अपणै अपणै बुरै कम्मा थऊँ मन ना फिराऊ।

प्रकाशित वाक्य 16:21

अम्बरा थऊँ मणु पुर लगभग दोई मण भर रै औळै पै, अतै ठेरैतांये कि ऐह मुसीबत बड़ी ही भारी थी, मणुऐ औळै री मुसिवता तांयें प्रमात्मैं री बुराई करी।

प्रकाशित वाक्य 16:9

मणु बड़ै सेका सोगी झुलसी गै, अतै प्रमात्मैं रै नां री जैसिओ इन्या विपत्ति पुर अधिकार हा, निन्दा करी पर तसेरी महिमा करनै तांयें मन ना फिराऊ।