2 तीमुथियुस 3:12 - गददी

¹² पर जैतूणै भी मणु यीशु मसीह मन्ज भक्ति सितै अपणी जिन्दगी बिताणा चाहन्दै हिन सो सब सताऐ गाणै हिन।

2 तीमुथियुस 3:12 Iomraidhean Croise

मत्ती 16:24

ता यीशुऐ अपणै चेलै सोगी बल्लू, “अगर कोई मेरै पिचो ईणा चाह ता अपणै आपा रा इन्कार करा अतै अपणा क्रूस चुकी करी मेरै पिचो चला।

मत्ती 23:34

ठेरैतांये हेरा, अऊँ तूसु बळै भविष्‍यवक्ता अतै बुद्धिमान अतै शास्त्री जो भैजदा हा; अतै तूसु तियां मन्ज कुछ जो मारी दिणा अतै क्रूस पुर चढ़ाई दिणा, अतै कुछ जो यहूदी रै सभागार मन्ज कोड़ै मरवाणै, अतै अक्की नगर थऊँ दूये नगरा जो नहाणै हिन।

मरकुस 10:30

ता तैस ऐसा ही जिन्दगी मन्ज सौ गुणा पाणा मतलब घर, भाई-बैहणी, माता, बाल-बच्चै या जमीन, अतै या ऐस धरती पुर सताव भी सहुरा भोला ता तैस परलोक मन्ज अनन्त जिन्दगी रै मालक भूणा।

यूहन्‍ना 16:2

तियां तुसिओ यहूदी रै सभागार थऊँ कड़ी दिणा, बल्कि ऐसा टैमं चली आ हा जैस कसी तुसिओ मारना तैस समझणा कि अऊँ प्रमात्मैं री सेवा करू करदा हा।

यूहन्‍ना 16:33

मैंई ऐह गल्ला तूसु सोगी ठेरैतांये करी हिन कि तुसिओ शान्ती मुळा। संसारा मन्ज तुसिओ क्‍लेश भुन्दा हा, पर हिम्मत रखा, मैंई संसारा जो जीती लैऊरा।”

यूहन्‍ना 17:14

मैंई तेरा बचन इन्या जो पुजाई दितुरा; अतै संसारै इन्या सोगी बैर रखू हा, क्ओकि जियां अऊँ संसारा रा निय्आ, तियां ही ऐह भी संसारा रै ना हिन।

चेलै रै कम 14:22

अतै चेलै रै मना जो स्थिर करदै रैह अतै ऐह उपदेश दिन्दै थियै कि विस्‍वासा मन्ज बणी रेय्आ; अतै ऐह बलदै थियै कि, “असिओ बड़ै क्‍लेश भोगी करी प्रमात्मैं रै राज्य मन्ज प्रवेश करना पैणा।”

1 कुरिन्थियों 15:19

अगर अहै सिर्फ ऐसा जिन्दगी तांयै ही मसीह सितै उम्मीद रखदै हिन ता अहै सबी मणु थऊँ अभागै हिन।

2 कुरिन्थियों 1:12

क्ओकि अहै ऐसा गल्ला पुर घमण्ड़ करदै हिन कि इन्दा विवेक साफ हा। संसार मन्ज अतै विशेष करीके तून्दै मन्जै, इन्दा चरित्र प्रमात्मैं योग्य ऐसी पवित्रता अतै सच्चाई सोगी थू, जैडा संसारिक ज्ञान सितै ना पर प्रमात्मैं री कृपा सितै भुआ।

2 कुरिन्थियों 4:9

सताऐ ता गान्दै हिन, पर त्यागै ना गान्दै; गिराए ता गान्दै हिन, पर नष्‍ट ना भुन्दै।

1 तीमुथियुस 2:2

राजा अतै सबी ऊचै औह्दै बाळै तांई प्रार्थना करा ताकि अहै शान्ती री जिन्दगी बताई सकन जिन्या कि अहै प्रभु री आराधना करू करदै हिन।

1 तीमुथियुस 3:16

अतै ऐत मन्ज कोई शक निआं कि जैड़ी शिक्षा प्रमात्मैं प्रकट करूरी हिन सो सच्ची हिन मतलब कि, मसीह मणु रै रूपा मन्ज प्रकट भुआ, पवित्र आत्मा रै द्धारा सावित भुआ कि सो प्रमात्मैं रा पुत्र हा, स्वर्गदूतै तैसिओ हेरू, गैर यहूदी मन्ज तसेरा प्रचार भुआ, संसार रै मणुऐ तैस पुर विस्वास करू अतै प्रमात्मैं तैसिओ स्वर्गा मन्ज ऊपरा जो चुकी लैऊ।

1 तीमुथियुस 6:3

अगर कोई गलत शिक्षा दिन्दा हा अतै तैहा सही शिक्षा सोगी सहमत निय्आ जैड़ी प्रभु यीशु मसीह असिओ दितुरी हा सो सही शिक्षा ही असिओ भक्ति री जिन्दगी बीताणै मन्ज मदद करदा हा।

तीतुस 1:1

ऐह पत्री पौलुस री तरफा थऊँ तीतुस जो हा जैड़ा प्रमात्मैं रा दास अतै यीशु मसीह रा चुणुरा प्रेरित हा। प्रमात्मैं अपणै चुणुरै मणु मन्ज विस्वास रा प्रचार करनै तांयै मिन्जो चुणु अतै भैजु कि अऊँ तिन्या जो सखाऊ अतै सो जाणी सकन कि किन्या धर्मी जिन्दगी जीणा चहिन्दी हा।

तीतुस 2:12

प्रमात्मैं रै अनुग्रह री वजह तिनी असिओ सखाऊ हा कि अहै तिन्या बुरै रस्तै अतै तिन्या बुरी अभिलाषा पुर चलनै थऊँ मना करन अतै ऐस संसार मन्ज ईमानदार अतै खरी जिन्दगी जिणै री कोशिश करन।

1 पतरस 3:14

चाहे तुसिओ सही कम करनै रै द्धारा दुख भी उठाणा पैय्आ तांभी प्रमात्मैं तुसिओ ऐसा गल्ला तांयै इनाम दिणा ठेरैतांये चिन्ता मत करा अतै कसी री भी धमकी थऊँ मत ड़रा।

2 पतरस 3:11

ता जैहणै ऐह सब चिजा ईन्नी साहबै प्रमात्मैं रै द्धारा नाश भूणैबाळी हिन ता ठेरैतांये तुसिओ विस्‍वासा मन्ज भक्ति भरी जिन्दगी जीणा चहिन्दी।

प्रकाशित वाक्य 12:4

तसेरी लिंगणी अम्बरा रै तारै री अक्क तिहाई जो खिंजीकरी धरती पुर पाई दिता। सो अजगर तैहा जनानी सामणै जैड़ी लोकिणै बाळी थी, खड़ी गो, ताकि जैहणै जो बच्चा जमां ता सो तैस बच्चै जो निगळी गच्छा।

प्रकाशित वाक्य 7:14

मैंई तियां सोगी बल्लू, “हे स्वामी, अऊँ ना जाणदा तू ही जाणदा भूणा।” तिनी मिंजो सोगी बल्लू, “ऐह सो मणु हिन, जैड़ै तैस महाक्लेश मन्ज मरी गच्छुरै थियै, इन्यै अपणै अपणै चोळै मेम्नै रै खूना मन्ज धोई करी सफेद करूरै हिन।