2 तीमुथियुस 2:7 - गददी

⁷ जिन्या उदाहरण जो मैंई सखाऊ हा तंयारै बारै मन्ज ध्याना सोगी सोचा अतै प्रभु मदद करनी हा कि तुहै इन्या गल्ला जो सही तरीकै समझी सकन।

2 तीमुथियुस 2:7 Iomraidhean Croise

लूका 21:15

क्ओकि तैहणै मुँ तुसिओ ऐसै बोल अतै ज्ञान दिणा कि तून्दै कसी भी विरोधी तून्दा सामना या खण्डन ना करी सकणा।

लूका 24:45

ता यीशुऐ पवित्रग्रन्था जो समझणै तांई तिआंरी अक्ल खोली दिती।

लूका 9:44

पर जैहणै सो सब मणु ईयां कमां जो हेरी करी हैरान भूच्छु करदै थियै ता यीशुऐ अपणै चेलेओ वल्‍लु, “तुहै ईयां गल्ला री कनारी धैन देआ, मणु रै पुत्रा जो मणु ही पकड़ाणै बाळै हिन।”

यूहन्‍ना 14:26

पर साथी मतलब पवित्र आत्मा जैसियो पितै मेरै अधिकारा सितै भैजणा, तैस तुसिओ सब गल्ला सखाणी, अतै जैडा कुछ मैंई तूसु सोगी बल्लू हा, सो सब तुसिओ तैस याद दुआणी हा।

यूहन्‍ना 16:13

पर जैहणै सो, मतलब सच्चाई री आत्मा ईणा, ता तुसिओ सब सच्चाई रा रस्ता दसणा। क्ओकि तैस अपणी तरफा थऊँ ना पर जैडा कुछ प्रमात्मैं री तरफा थऊँ हुणना सो ही दसणा हा, अतै ईणैबाळी गल्ला तुसिओ दसणी।

चेलै रै कम 7:10

प्रमात्मैं यूसुफ रै सब क्‍लेशा जो छुड़ाईकरी मिस्त्र रै राजा फिरौन री नजरा मन्ज खरा ठहराऊ अतै अक्ल दिती, राजा फिरौनै तैसिओ पूरै मिस्त्र देश पर अतै अपणै घरानै रा हाक्म बणाई दिता।

1 कुरिन्थियों 12:8

प्रमात्मैं री आत्मा अक्की मणु जो ऐसा संदेश बलणै रा वरदान दिन्दा जैड़ा बुद्धि सोगी भरूरा भुन्दा, अतै सो ही आत्मा दूये मणु जो ऐह वरदान दिन्दा जैड़ा ज्ञान सोगी भरूरा भुन्दा।

फिलिप्पियों 4:8

आखिर मन्ज, हे भाईओ, जैड़ी-जैड़ी गल्ला सच हिन, जैड़ी-जैड़ी गल्ला आदर-मान जोगी हिन, जैड़ी-जैड़ी गल्ला ठीक हिन, जैड़ी-जैड़ी गल्ला पवित्र हिन, जैड़ी-जैड़ी गल्ला छैळ हिन, जैड़ी-जैड़ी गल्ला मनां जो भान्‍दी हिन, आखरी, जैड़ी-जैड़ी खरै गुणा बाळी अतै प्रशंसा योग्य हिन तियां पुर ही मन लगाऊ करा।

कुलुस्सियों 1:9

ठेरैतांये जैस दिन थऊँ ऐह हुणु ता अहै लगातार तूसु तांयै प्रार्थना अतै बिनती करदै हिन। अहै ऐह प्रार्थना करदै हिन कि प्रमात्मैं री आत्मा तुसिओ अक्ल अतै समझ दी सका ताकि तुहै प्रमात्मैं री ईच्‍छा जो पूरी तरह समझी सकन।

1 तीमुथियुस 4:15

इन्या गल्ला जो सोचदा रैह अतै इआं मन्ज अपणा धैन लगाई रख ताकि सब मणु विस्वास मन्ज तेरी तरक्की हेरी सकन।

2 तीमुथियुस 2:6

जैड़ै किसान मेहनत करदै हिन तंयारा ही पैहला हक्क बणदा हा कि सो अपणी फसल री उपज जो सबी थऊँ पैहलै खान।

2 तीमुथियुस 2:8

यीशु मसीह जो याद करा कि सो कुण हा, सो राजा दाऊद रै वंशा थऊँ थू। प्रमात्मैं तैसिओ मरूरै थऊँ जिलाऊ अतै ऐह ही सो सुसमाचार हा जठेरा अऊँ प्रचार करदा हा।

इब्रानियों 12:3

ऐत तांई यीशु री कनारी ध्यान करा जिनी अपणै विरोधा मन्ज पापी रा तूणा ज्यादा बड़-बड़ात सही लैऊ कि तुसै ऐह हेरी करी निराश भुच्‍ची करी हिम्मत ना छड़ी दीन।

इब्रानियों 13:7

जैड़ै तून्दै अगुवै थियै अतै जिऐ तूसु जो प्रमात्मैं रा बचन हणाऊरा हा तियां जो याद रखा। याद करा कि तिन्यै कस तरीकै री जिन्दगी बिताई थी अतै तियां सांईयै विस्वास मन्ज बढ़णै री कोशिश करा।

इब्रानियों 3:1

ता मेरै विस्वासी भाईओ तुसै जैड़ै कि स्वर्गीय जिन्दगी मन्ज सहभागी भूणै तांयै हैदै गै हिन ता तैस प्रमात्मैं रै संदेश हुनाणै बाळै अतै महायाजक यीशु पर जैस जो अहै अंगीकार करदै हिन ध्यान करा।

इब्रानियों 7:4

अबै ऐत पुर ध्यान देय्आ कि मलिकिसिदक किना महान थू जैस जो इन्दै पूर्वज अब्राहमे खरै थऊँ खरी जीतुरी चिजा रा दसवां हिस्सा दिता।

याकूब 1:5

पर तूसु मन्ज अगर कसी जो अक्ल री घटी भोआ ता प्रमात्मैं थऊँ मगां ता सो बिना कोई फटकार सबी जो खुशी सितै दिन्दा अतै तैसिओ दी गाणीआ।

याकूब 3:15

ऐस तरह रा ज्ञान सो निआं जैडा कि स्वर्गा थऊँ इन्दा बल्कि संसारिक हा अतै शैतानिक हा।

याकूब 3:17

पर जैडा ज्ञान स्वर्गा थऊँ इन्दा पैहलै ता सो पवित्र भुन्दा फिरी मिलनसार, नर्म अतै सबी जो खरा लगणै बाळा, दया सोगी भरूरा, खरै कमा सितै भरूरा अतै बिना भेद-भाव अतै बिना कसी कपटा बाळा भुन्दा।

1 यूहन्‍ना 5:20

अतै ऐह भी जाणदै हिन कि प्रमात्मैं रा पुत्र यीशु मसीह ऐस संसारा मन्ज चली छूरा अतै तिनी असु जो समझ दितुरी हा कि अहै तैस सच्चै प्रमात्मैं जो पछैणन। अहै तैस मन्ज जैडा कि सचा हा मतलब तसेरै पुत्र यीशु मसीह मन्ज बणी रैहन्दै हिन सचा प्रमात्मां अतै अनन्त जिन्दगी ऐह ही हा।