2 तीमुथियुस 2:5 - गददी

⁵ अगर कोई मणु कसी भी खेल मन्ज भाग लैन्दा हा सो तैहणै तक इनाम ना जीती सकदा जैहणै तक सो नियम रा सही पालन ना करदा।

2 तीमुथियुस 2:5 Iomraidhean Croise

लूका 13:24

यीशुऐ उतर दिता, “स्वर्गा रै भिड़ै रस्तै मितै अन्दरा जो प्रवेश करा, क्ओकि कई मणु हिन जैड़ै कि ऐस रस्तै अन्दरा जो गाहणै री हिम्मत करना चाहन्दै हिन पर ना गिची सकदै।

फिलिप्पियों 1:15

कुछ मणु ता जळणी अतै झगड़ालू भूणै री व्जहा थऊँ मसीह रा प्रचार करदै हिन, पर कुछ मणु मिन्जो सोगी भली मनसा सितै प्रचार करदै।

कुलुस्सियों 1:29

ठेरैतांये ही अऊँ मसीह री तैसा शक्ति रै अनुसार जैड़ा कि मिन्जो सामर्थ दिन्दी हा असर सोगी तन मन लाई करी मेहनत करदा हा।

इब्रानियों 12:4

पाप री परीक्षा सोगी लड़दै-लड़दै तुन्दी ऐसी लड़ाई ना भूई कि तुसिओ मरना पैऊ भोआ, जिन्या यीशुऐ करू।

इब्रानियों 2:7

तैंई मणु जो स्वर्गदूता थऊँ कुछ थोड़ी ही शक्ति दिती; तैंई तियां जो अक्क राजा सांईयै महिमा अतै आदर दिता, तियां जो अपणै हत्था रै कमां पुर अधिकार दिता।

इब्रानियों 2:9

अहै यीशु जो जैडा कि स्वर्गदूता थऊँ थोड़ा ही देर तांयै घट करू थू, जो मौती रा दुख चुकणै री व्जहा थऊँ तैसिओ आदर रा मुकुट मुळु। प्रमात्मैं रै अनुग्रह सितै यीशु हरेक मणु तांई बलिदान भुआ।

याकूब 1:12

धन्य हा सो मणु जैडा परीक्षा मन्ज टिक्की रैहन्दा क्ओकि तैस खरै निकळी करी सदा री जिन्दगी रा मुकुट पाणा जठेरा वायदा प्रमात्मैं अपणै प्‍यार करनै बाळै सोगी करूरा हा।

1 पतरस 5:4

जैहणै यीशु मसीह जैड़ा इन्दा प्रधान पाहल हा तैस प्रकट भूणा, ता तुसिओ महिमा रा मुकुट दितआ गाणा जैडा मुरझाणा निय्आ।

प्रकाशित वाक्य 2:10

जैड़ै दुख तिजो सैहणै पैणै तियां थऊँ मत डर। क्ओकि हेर शैतान तूसु मन्ज कुछ जो जेलखानै मन्ज पाणै बाळा हा ताकि तुहै परखै गाहन; अतै तुसिओ दस दिना तक कलेश चुकणा पैणा। मरनै तक विस्वासी रैह, ता मुँ तिजो जीवन रा मुकुट दिणा।

प्रकाशित वाक्य 3:11

अऊँ तोळा ईणैबाळा हा ठेरैतांये अपणै विस्वास मन्ज बणी रैह ताकि कोई तिजो थऊँ तेरै इनाम जो खुस्सी ना लेय्आ जैड़ा प्रमात्मैं तेरै तांयै रखूरा।

प्रकाशित वाक्य 4:10

तैहणै चोबीसों स्याणै सिंहासन पुर बैहणै बाळै रै सामणै पैई गाणा, अतै जैडा युगा युगा तिकर जिन्दा हा तैसिओ प्रणाम करना अतै तिन्या अपणै अपणै मुकुट सिंहासना रै सामणै ऐह बलदै रखी दिणा,

प्रकाशित वाक्य 4:4

तैस सिंहासन रै चारो कनारी चौबी सिंहासन हिन अतै ईयां सिंहासन पुर चौबी स्याणै चिट्टै ओढण लाई करी बैहुरै हिन अतै तंयारै मुंडा पुर सोनै रै ताज हिन।