2 तीमुथियुस 2:2 - गददी

² तुहै मिन्जो कई बरी मतै मणु सामणै मसीह रा संदेश सखान्दै हुणुरा हा अबै अऊँ चाहन्दा कि तू इन्या गल्ला जो होरी विस्वासी जो सखा जैड़ै भरोसै रै योग्य हिन ताकि सो होरी जो भी सखान।

2 तीमुथियुस 2:2 Iomraidhean Croise

मत्ती 13:52

यीशुऐ तियां सितै बल्लू, “ठेरैतांये हर अक्क शास्त्री जैडा स्वर्गा रै राज्य रा चेला बणुरा, सो तैस घरा रै मुखिया साईयें हा जैडा अपणै भण्ड़ारा थऊँ नोई अतै पुराणी चिजा कड़दा।”

मत्ती 24:25

हेरा, मैंई तूसु सोगी सब गल्ला पैहलै थऊँ ही दस्सी दितुरी हिन।”

लूका 12:42

यीशुऐ बल्लू, “सो विस्वास लायक अतै अक्‍लमंद खजांची कुण भोला जसेरा मालक तैस जो अपणै नौकरा-चाकरा पुर चौंकीदार बणाई देआ अतै सो भी मालका जो ठीक-ठीक हिसाब दसा।”

1 कुरिन्थियों 4:2

सबी थऊँ जरूरी गल्ल ऐह हा कि ऐस तरह रा दास अपणै मालका रै प्रति बफादार भोआ।

2 कुरिन्थियों 2:14

पर प्रमात्मैं रा धन्यवाद भोआ क्ओकि अहै मसीह सोगी जुड़ी गच्छुरै हिन तैस बलै जय हा अतै सो इन्दी अगुवाई करदा अपणै ज्ञान जो खुशबु सांईयै इन्दै द्धारा हर जगह फैलाणै मन्ज।

2 कुरिन्थियों 3:5

ऐह निय्आ कि अहै अपणै आपा सितै ऐस लायक हिन कि अपणी तरफा थऊँ कसी गल्ला रा विचार करी सकन, पर इन्दी योग्यता प्रमात्मैं री तरफा थऊँ हा,

कुलुस्सियों 1:7

तसेरी ही शिक्षा तुहै इन्दै प्यारे विस्वासी भाई इपफ्रास थऊँ सिखुरी हा, जैडा असु तांई मसीह रा विस्वासयोग्य सेवक हा।

1 तीमुथियुस 1:12

अऊँ अपणै प्रभु यीशु रा जिनी मिन्जो सामर्थ दितुरी हा धन्यवाद करदा कि तिनी मिन्जो पुर विस्वास रखू अतै अपणी सेवा तांई ठरऊ।

1 तीमुथियुस 1:18

हे पुत्र तीमुथियुस, तियां भविष्‍यवाणी रै मुताबक जैड़ी कि पैहलै तेरै बारै मन्ज करूरी थी, अऊँ ऐह बलदा कि जैड़ी आज्ञा मैंई तिजो दितुरी हिन तिन्या जो झूठै शिक्षका रै विरोध मन्ज खरी लड़ाई लड़नै तांयै हथियार सांईयै इस्तेमाल कर।

1 तीमुथियुस 4:14

तैस आत्मिक वरदान जो मत भूलदा जैड़ा तिजो मन्ज हा अतै जैड़ा तिजो तैहणै मुळु थू जैहणै भविष्‍यवक्तै भविष्‍यवाणी करी अतै स्याणै विस्वासी तिजो पुर हथ रखै थियै।

1 तीमुथियुस 4:6

अगर तू विस्वासी भाई जो इआं शिक्षा री याद दोआन्‍दा रेय्आ ता तुद मसीह यीशु रा खरा सेवक ठहरना। जिन्या तू इन्या विस्वास रै बचना अतै सही शिक्षा रै द्धारा चलदा हा, तू अपणै आपा रा आत्मिक पालन पोषण करदा हा।

1 तीमुथियुस 5:22

कसी मणु रा चरित्र जाणै बगैर तैसिओ स्याणा विस्वासी बनाणै तांयै तोळै तैस पुर हथ मत रखदा ना ता तुद भी तसेरै पापा मन्ज भागीदार भूच्ची गाणा। अपणा ध्यान रख कि तू ऐस तरीकै रा पाप ना करा।

1 तीमुथियुस 6:12

लड़ाई मन्ज अक्क खरै सैनिक सांईयै जैड़ा लगातार लड़दा रैहन्दा अतै हार ना मन्दा हा; तिन्या ही तू भी लगातार प्रमात्मैं पुर भरोसा करदा अतै आज्ञा जो मन्दा रैह। तैस अनन्त जिन्दगी जो पाई लै जैत तांयै तू हैदुरा हा, अतै मतै मणु सामणै तैंई ऐह बलुरा हा कि तू मसीह पुर भरोसा करदा हा।

2 तीमुथियुस 3:10

पर अबै तू तीमुथियुस, ऐ जरूर जाणदा हा कि अऊँ कै सखान्‍दा, अऊँ किनी जिन्दगी जिन्दा अतै मेरी जिन्दगी रा मकसद कै हा। तुहै मेरै विस्वास, मेरा धीरज, मेरा प्रेम अतै मेरी सहनशीलता जो जाणदै हिन।

2 तीमुथियुस 3:14

पर तू तीमुथियुस इन्या गल्ला मन्ज बफादार रैह जैड़ी तैंई सिखुरी अतै जैत पुर तू विस्वास करदा हा। तू जाणदा हा कि कुणी तिजो इन्या सच्चाई जो दसुरा हा।

इब्रानियों 2:17

ठेरैतांये मसीह तांयै जरूरी थू कि सबी गल्ला मन्ज असु सांईयै बणी गच्छा जैड़ै कि तसेरै भाई बैहण हिन ताकि प्रमात्मैं रै सामणै सो अक्क दयालु अतै बफादार महायाजक बणी सका। फिरी सो बलिदान चढ़ाई सकदा हा जैत सोगी मणु रा पाप दूर करया गच्छा।