2 तीमुथियुस 2:16 - गददी

¹⁶ पर अशुद्ध वाद-विवाद थऊँ बची रैह क्ओकि इन्‍नै जिन्‍नै मणु होर भी अभक्‍ति मन्ज बददै गान्हदै हिन।

2 तीमुथियुस 2:16 Iomraidhean Croise

1 कुरिन्थियों 15:33

ऐसी गल्ला करनै बाळै मणु थऊँ धोखा मत खान्दै क्ओकि “बुरी संगति खरै चरित्र जो बिगाडी दिन्दी हा।

1 कुरिन्थियों 5:6

तून्दा घमण्ड़ करना खरा निय्आ; कै तुहै ना जाणदै कि जिन्या थोड़ा करी त्रकैटा पूरै बटूरै आटै जो त्रकैटा ही बणाई दिन्दा। तिन्या ही अगर अक्क मणु जो पाप करनै रा मौका मुळा ता जल्दी ही सबी मणु तैस कमा जो करना।

1 तीमुथियुस 1:9

अहै जाणदै हिन कि व्यवस्था तिन्या मणु तांई निआं जैड़ै सही कम करदै हिन पर अधर्मी, निरकुशों, भक्‍तिहीनां, पापी, अपवित्र जो अशुद्ध, माँ-बुड़ै जो मारनै बाळै, हत्यारै।

1 तीमुथियुस 4:7

टैमां जो बर्बाद मत करा इन्या बेकार विचार अतै बर्जुगा री कहाणी पुर विवाद करीके; पर अपणै आपा जो भक्ति साधना तांयै तैयार करा।

1 तीमुथियुस 6:20

हे तीमुथियुस तैहा सच्चाई री रखबाळी कर जैड़ी प्रमात्मैं तिजो दितुरी हा। तू तिन्या थऊँ दूर रैह जैड़ै अपणै झूठै ज्ञान, अभक्‍ति, मूर्खता अतै बाद-विवाद सितै तून्दा विरोध करदै हिन।

2 तीमुथियुस 2:14

कसी जो भी इन्या गल्ला जो भूलनै तांयै मौका मत दिन्दै। प्रमात्मैं जो अपणा गवाह मनी करी तिन्या जो चेतावनी दिन्यै कि सो शब्दा पुर तर्क-वितर्क ना करन, जैत थऊँ कोई फाईदा ना भुन्दा बल्कि हुणनैबाळै बिगड़ी गान्हदै हिन।

2 तीमुथियुस 2:21

ऐस तरीकै ही हरेक विस्वासी जैड़ा अपणै आपा जो इन्या बुरी चिजा थऊँ दूर करला ता सो तैस किमती भाण्ड़ै सांईयै भूणा जैड़ा खास मौके पुर इस्तेमाल भुन्दा हा। जसेरी जिन्दगी पवित्र भुणीआ तैस मालका रै कमै ईणा।

2 तीमुथियुस 3:13

पर दुष्‍ट अतै भकाणै बाळै मणु फलदै-फूलदै रैहणा तिन्या होरी जो धोखा दिणा अतै अप्पू भी धोखा खान्दै गाणा।

तीतुस 1:11

ऐसै मणु जो शिक्षा दिणै रा मौका मत देय्आ क्ओकि जैहणै सो ऐस तरीकै री गल्ला सखान्दै हिन जैड़ी ना सखाणा चहिन्दी ता सो कई परिवारा रै विस्वास जो नाश करदै हिन। सो ऐसा ठेरैतांये करदै हिन कि सो पैसा कमाई सकन।

तीतुस 1:14

तिन्या यहूदी री उदाहरण-कहाणी अतै तियां मणु री आज्ञा पुर मन मत ला क्ओकि सो सच्चाई थऊँ भटकी गच्छुरै हिन।

तीतुस 3:9

पर तू मूर्खता रै वाद-विवाद थऊँ अतै वंशावली अतै बैर-विरोध अतै तियां लड़ाई-झगड़ै थऊँ जैड़ै कि मूसा री व्यवस्था रै बारै मन्ज हिन, अपणै आपा जो दूर रख क्ओकि ऐह निष्फल अतै व्यर्थ हिन।

इब्रानियों 12:15

अतै ध्यान सोगी प्रमात्मैं पुर भरोसा करदै रेय्आ ऐसा ना भोआ कि कोई भी प्रमात्मैं रै अनुग्रह थऊँ छुटी गच्छा अतै अक्की दूये सोगी बैरभाव मत रखदै ताकि तठेरी व्जहा थऊँ मतै मणु पाप करना लगी पैन।

2 पतरस 2:18

सो बेकार मन्ज घमण्ड़ री गल्ला बल्ली करी लुचपन रै कम्मा री व्जहा थऊँ तियां मणु जो शरीरिक अभिलाषा मन्ज फसाई लैन्दै हिन जैड़ै कि हल्ली तिकर गलत जिन्दगी थऊँ निकळै हिन।

2 पतरस 2:2

कई जैड़ै प्रमात्मैं रै मणु भूणै रा दावा करदै हिन इन्या झूठै शिक्षक री बुरी शिक्षा रै अनुसार चलना अतै तंयारै बुरै कमा री वजह थऊँ मणु सच्चाई रै रस्तै री निन्दा करनी हा।

प्रकाशित वाक्य 13:14

तियां चमत्कारा री वजह थऊँ, जिंआं जो तैस पशु रै सामणै दसणै तांयें अधिकार तैसिओ दितुरा थू, सो धरती मन्ज रैहणै बाळै जो भरमांदा थू अतै धरती रै रैहणै बाळै जो बलदा थू कि जैस पशु जो तलवारा री लगुरी थी सो जी भूआ, तसेरी मूर्ति बणा।

प्रकाशित वाक्य 13:3

मैंई तसेरै सिरा मन्ज अक्क ऐसा जख्म लगुरा हेरू मना सो मरनै पुर हा, फिरी तसेरा प्राण घातक जख्म खरा भूच्ची गो, अतै सब धरती रै मणु हैरान भूच्ची गै अतै तैस पशु पिचो हैरानी सोगी चली पै।