2 तीमुथियुस 2:12 - गददी

¹² अगर अहै तैस तांयै धीरज सोगी दुख सैहन्दै रैहन ता तैस सोगी राज्य भी करना अगर अहै तसेरा इन्कार करलै ता तैस भी इन्दा इन्कार करना।

2 तीमुथियुस 2:12 Iomraidhean Croise

मत्ती 10:33

पर जैस कसी मणु सामणै मेरा इन्कार करना मुँ भी तसेरा स्वर्गा मन्ज बैहुरै अपणै पितै रै सामणै इन्कार करना।”

मत्ती 26:35

पतरसै तैस सोगी बल्लू, “अगर मिन्जो तिजो सोगी मरना भी पैऊ, तांभी मुँ तेरा इन्कार कदी ना करना।” अतै ईयां ही सब चेलै भी बलणा लगै।

मत्ती 26:75

ता पतरसा जो यीशु री सो कणैऊरी गल्ल याद आई : “कुक्कड़ा रै बाँग दिणै थऊँ पैहलै तुद मेरा त्राई बरी इन्कार करना।” अतै सो बाहर गिच्ची करी फूटी फूटी करी रोऊ।

मरकुस 10:33

“हेरा, अहै यरूशलेम जो चलुरै हिन, अतै मणु रा पुत्र प्रधान याजका अतै शास्त्री रै हत्थै पकड़ाई दिणा। तियां मिन्जो मारनै तांयें चुनणा, अतै गैर यहूदी रै हत्था मन्ज मारनै तांयें सौंपी दिणा।

मरकुस 8:38

जैडा कोई ऐसा अविस्वासी अतै पापी युगा रै मन्जै मिन्जो अतै मेरी गल्ला थऊँ शर्माला, मणु रा पुत्र भी जैहणै पवित्र स्वर्गदूता सोगी अपणै पिता री महिमा करदै ईणा ता तैस मणु थऊँ भी शर्माणा।”

लूका 12:9

पर जैस कसी मणु सामणै मेरा इन्कार करना मुँ भी सो प्रमात्मैं रै स्वर्गदूता रै सामणै नकारी दिणा।

लूका 22:29

अतै जियां मेरै पितै मिन्जो तांयें अक्क राज्य दितुरा, तिआंई अऊँ भी तूसु तांयें अक्क राज्य दिन्दा,

लूका 22:30

ताकि तुहै मेरै राज्य मन्ज मिंजो सोगी बैही करी खान-पीण ही ना, बल्कि सिंहासना पुर बैही करी इस्त्राएल रै बारह गोत्रा रा न्याय भी करन।”

लूका 9:26

जैडा कोई मेरा नां लैन्दा बेईज्ती महसुस करला ता जैहणै मणु रै पुत्रा अपणै पिता अतै पवित्र स्वर्गदूता महिमा सोगी ईणा ता तैस भी तैस मणु थऊँ बेईज्ती महसुस करनी हा।

चेलै रै कम 14:22

अतै चेलै रै मना जो स्थिर करदै रैह अतै ऐह उपदेश दिन्दै थियै कि विस्‍वासा मन्ज बणी रेय्आ; अतै ऐह बलदै थियै कि, “असिओ बड़ै क्‍लेश भोगी करी प्रमात्मैं रै राज्य मन्ज प्रवेश करना पैणा।”

रोमियो 5:17

क्ओकि जैहणै अक्की मणु रै अपराधा री वजह थऊँ सब मणु मन्ज मौत आई, ता जैड़ै मणु अनुग्रह रा धर्मरूपी वरदान बहुतायत सितै पान्दै हिन तिन्या अक्की मणु रै, अर्थात यीशु मसीह रै द्धारा जरूर ही अनन्त जिन्दगी पाणिआ।

रोमियो 8:17

अगर अहै सन्तान हिन ता वारिस भी हिन, बल्कि प्रमात्मैं रै वारिस अतै मसीह रै संगी वारिस हिन। अगर अहै मसीह सांईयै दुख सहन ता तैस सोगी महिमा मन्ज भी सहभागी भूणा।

फिलिप्पियों 1:28

कसी गल्ला मन्ज विरोधी थऊँ मत डरा अतै तुन्दी ऐह हिम्मत तियां तांई हार रा चिन्ह भूणा, पर तूसु तांई उद्धार प्रमात्मैं री तरफा थऊँ जीत भुणीआ।

1 तीमुथियुस 5:8

पर अगर कोई अपणै रिस्तेदार री, खास करीके अपणै घरानै री देखभाल ना करा ता सो विस्‍वासा थऊँ मुकरी गो अतै अविस्वासी थऊँ भी बुरा बणी गो हा।

यहूदा 1:4

अऊँ ऐसा ठेरैतांये बल्लू करदा हा कि कुछ अधर्मी मणु चुप-चाप तुन्दी कलीसिया मन्ज चली छुरै हिन जैड़ै ऐह सखान्दै हिन कि प्रमात्मैं रा अदभुत अनुग्रह असिओ ऐह इजाजत दिन्दा हा कि अहै पापी जिन्दगी जी सकन। ऐसै मणु रै विनाश रै बारै मन्ज पैहलै थऊँ ही पवित्रग्रन्था मन्ज लिखुरा हा क्ओकि इन्यै इन्दै इकलोतै मालक अतै प्रभु यीशु मसीह रा इन्कार करूरा हा।

प्रकाशित वाक्य 1:6

मसीह असिओ अपणी प्रजा अतै अपणै पिता प्रमात्मैं तांयै याजक बणाई दिता। तैसिओ युगायुग सब आदर अतै महिमा मुळदी रेय्आ। आमीन।

प्रकाशित वाक्य 1:9

अऊँ यूहन्‍ना तून्दा विस्वासी साथी जैड़ा मसीह रै दुखा मन्ज तूसु सोगी सहभागी हा अतै प्रमात्मैं रै राज्य अतै तैस दुखा मन्ज भी जैतिओ अहै धीरज सोगी सैहन्दै हिन। मिन्जो प्रमात्मैं रै बचन रा प्रचार अतै यीशु री गवाही री वजह थऊँ पतमुस नां रै टापू मन्ज अक्क कैदी बणाई करी भैजु।

प्रकाशित वाक्य 2:13

अऊँ जाणदा हा कि तेरा शहर शैतान रै वशा मन्ज हा फिरी भी तुहै मिन्जो पुर विस्वास करदै रैहन्दै हिन अतै मेरी शिक्षा जो ना छड़दै। तुहै मेरी शिक्षा जो तैस टैमैं भी ना भूलै जैहणै विस्वासी भाई अन्तिपास जो मारया गो। तिनी बफादारी सोगी मेरै बचना रा प्रचार करू सो तेरै शहरा मन्ज मारया गो जैड़ा शैतान रै वशा मन्ज हा।

प्रकाशित वाक्य 20:4

फिरी मैंई सिंहासन हेरै, अतै तियां पुर मणु बैहुरै हेरै, अतै तियां जो न्याय करनै रा अधिकार दिता गो। मैंई तंयारी आत्मा जो भी हेरू, जंयारै सिरा जो यीशु री गवाही दिणै अतै प्रमात्मैं रै बचना री वजह कटुरा थू, अतै जिन्यैं ना तैस पशु री, अतै ना तसेरी मूर्ति री पूजा करी थी, अतै ना तसेरी मोहर अपणै हत्था अतै मत्थै पुर लाऊरी थी। सो जिन्दै भूच्ची करी मसीह सोगी हजार साला तक राज्य करदै रैह।

प्रकाशित वाक्य 3:10

क्ओकि मैंई आज्ञा दितुरी थी धीरज सोगी दुखा जो सैहणै तांयै, जठेरा तैंई पालन करू हा ठेरैतांये जैहणै ऐस पूरै संसार मन्ज रैहणै बाळै पुर परीक्षा रा टैमं ईणा ता मुँ तेरी रक्षा करनी हा।

प्रकाशित वाक्य 3:21

जैड़ा जय पा मुँ सो अपणै सोगी अपणी गद्‍दी पुर बहालना, जियां अऊँ भी जय पाई करी अपणै पिता सोगी तसेरी गद्‍दी पुर बैहुरा हा।

प्रकाशित वाक्य 3:8

सो ऐह बलदा कि, अऊँ जाणदा हा कि तू ज्यादा ताकतवर निय्आ फिरी भी तैंई मेरी आज्ञा रा पालन करू अतै मिन्जो पुर विस्वास रखू हा ठेरैतांये मैंई तिजो तांयै अक्क दार खोलुरा हा जैतिओ कोई बन्द ना करी सकदा।

प्रकाशित वाक्य 5:10

अतै तियां जो इंदै प्रमात्मैं तांयें अक्क राज्य अतै याजक बणाऊ, अतै सो धरती पुर राज्य करदै हिन।”