2 तीमुथियुस 2:10 - गददी

¹⁰ ठेरैतांये अऊँ चुणुरै मणु तांई सब कुछ सहन करदा ताकि सो भी मसीह यीशु पुर विस्वास करीके उद्धार पान अतै सो तैहा अनन्त महिमा जो पाई सकन जैड़ी सदा काल तक हा।

2 तीमुथियुस 2:10 Iomraidhean Croise

मत्ती 24:22

अगर प्रभु तियां दिन जो ना घटान्दा ता सब मणु मरी गान्दै, पर तियां चुणुरै री वजह थऊँ सो दिन घटाई दिणै।

मत्ती 24:24

“क्ओकि झूठै मसीह अतै झूठै भविष्‍यवक्ता भी भूणै हिन, अतै मतै चिन्ह, अतै अनोखै कम करीके दसणै कि अगर भूच्ची सका ता चुणुरै जो भी भरमाई दीन।

मत्ती 24:31

तैस बाजै री बड़ी आवाज सोगी धरती पुर स्वर्गदूता जो भैजणा, अतै तियां धरती रै ऐस कनारै थऊँ दूये कनारै तक, पूरै संसार रै चुणुरै मणु जो इकट्ठा करना।”

लूका 18:7

ठेरै तांयें कै प्रमात्मां अपणै चुणुरै मणु रा न्याय न करला, जैडा दिन-रात तसेरी माळा जपदै रैहन्दै? कै तियां तांयें तैस देर लाणीआ?

लूका 22:57

पर पतरस ना करीके बलणा लगा, “ओ जनानी, अऊँ ऐस मणु जो ना जाणदा।”

यूहन्‍ना 11:52

अतै ना सिर्फ तैहा जाति तांयें, पर ठेरैतांये भी कि प्रमात्मैं री तितर बितर बच्चै जो अक्क करी देय्आ।

यूहन्‍ना 17:24

हे पिता, अऊँ चाहन्दा हा जिंआ जो तैंई मिन्जो दितुरा, जैड़ी अऊँ हा तैड़ी सो भी मेरै सोगी भून, कि सो मेरी तैसा महिमा जो हेरन जैड़ी तैंई मिन्जो दितुरी हा, क्ओकि तैंई संसार री उत्पति थऊँ पैहलै रा ही मिन्जो सोगी प्‍यार रखू।

यूहन्‍ना 17:9

अऊँ तियां तांयें बिनती करदा; संसारा तांयें बिनती ना करदा पर तियां तांयें जियां जो तैंई मिन्जो दितुरा हा, क्ओकि सो तेरै हिन।

रोमियो 2:7

प्रमात्मैं तियां जो अनन्त जिन्दगी दिणिआ जैड़ै सुकर्म मन्ज स्थिर रैई करी महिमा, आदर अतै अमरता री खोज करदै हिन।

रोमियो 9:23

प्रमात्मां धीरज सोगी भाळ करदा कि सो प्रभावशाली रूपा सोगी अपणै कम्मा जो प्रकट करा तियां मणु पुर जियां पुर सो दया करदा हा। जियां जो तिनी टैमां थऊँ पैहलै ही चुणी लैऊरा कि सो तियां सोगी रेय्आ।

1 कुरिन्थियों 1:21

प्रमात्मां ता ज्ञानी हा अतै तिनी ऐह फैसला करू कि ऐसा ना भोआ कि मणु संसारिक ज्ञान सोगी तैसिओ जाणनै री कोशिश करन। ठेरै बदलै प्रमात्मैं तिन्या जो ही बचाऊ जिन्यैं इन्दै मूर्खता भरूरै संदेश पुर भरोसा करू।

1 कुरिन्थियों 9:22

अऊँ कमजोरा तांयें कमजोरा सांईयै बणु कि कमजोरा जो मसीह मन्ज अणी सकू। अऊँ सब मणु तांयें सब कुछ बणु कि कसी रीति मन्ज कईआ जो बचाई सकू।

2 कुरिन्थियों 1:6

अगर अहै क्‍लेश पान्दै हिन, ता ऐह तुन्दी शान्ती अतै उद्धार तांयें हा; अतै अगर शान्ती पान्दै हिन, ता ऐह तुन्दी शान्ती तांयें हा; जठेरै प्रभाव सितै तुहै धीरजा सोगी तियां क्‍लेशा जो सही लैन्दै हिन, जियां जो अहै भी सैहन्दै हिन।

2 कुरिन्थियों 12:15

मुँ तूसु तांयें बड़ी खुशी सोगी अपणा सब खर्च करना, बल्कि अपणा जीवन भी तूसु तांई समर्पित करनै जो तैयार हा। अऊँ तूसु सोगी बड़ा ज्यादा प्‍यार करदा हा पर तुहै इन्या लगदा कि तुहै मिन्जो सोगी बड़ा घट प्रेम रखदै हिन।

2 कुरिन्थियों 4:15

क्ओकि जैड़ा कुछ कष्‍ट रा अहै सामना करू हा सो तूसु तांयें हिन, ताकि प्रमात्मैं रा अनुग्रह ज्यादा थऊँ ज्यादा मणु जो मसीह बलै अणी सका अतै सो मणु प्रमात्मैं रा धन्यवाद अतै महिमा ज्यादा थऊँ ज्यादा करी सकन।

2 कुरिन्थियों 4:17

क्ओकि इन्दा पल भर रा हल्का जिन्‍ना क्‍लेश असु तांयें बड़ा ही जरूरी अतै अनन्त महिमा पैदा करदा गान्दा हा;

इफिसियों 3:13

अऊँ बिनती करदा कि तुहै तैस क्‍लेश री वजह थऊँ निराश मत भोआ जैडा अऊँ तूसु तांयै सहू करदा, क्ओकि ऐह सब कुछ तून्दै ही फायदै तांयै हा।

कुलुस्सियों 1:24

अबै अऊँ तियां दुखा री वजह थऊँ खुशी मन्दा जैड़ी कि तूसु तांई झेलदा अतै अऊँ मसीह रै तैस क्‍लेश रा सहभागी बणु जैड़ा तसेरै शरीर यानी कि तसेरी कलीसिया जो लगातार मुळु करदा।

कुलुस्सियों 1:27

प्रमात्मैं यहूदी अतै गैर यहूदी पुर प्रकट करना चाहन्दा कि यीशु रा धन अतै महिमा सबी मणु तांई हा, अतै ऐह ही सो भेद हा कि मसीह तूसु मन्ज जिन्दा हा, ऐह तुसिओ अपणी महिमा री उम्मीद मन्ज सहभागी भूणै रा भरोसा दिन्दा हा।

1 थिस्सलुनीकियों 5:9

क्ओकि प्रमात्मैं असिओ अपणै क्रोध तांयें ना पर ठेरैतांये ठहराऊरा कि अहै अपणै प्रभु यीशु मसीह रै द्धारा उद्धार प्राप्त करन।

2 थिस्सलुनीकियों 2:14

प्रमात्मैं तैस सुसमाचार जो इस्तेमाल करू जैड़ा अहै तून्दै मन्जै प्रचार करू थू तून्दै उद्धार तांयै ताकि तुहै इन्दै प्रभु यीशु मसीह री महिमा मन्ज भागीदार भूच्ची सकन।

2 तीमुथियुस 1:1

ऐह पत्री पौलुस री तरफा थऊँ हा जैड़ा प्रमात्मैं री इच्छा रै अनुसार यीशु मसीह रा प्रेरित भूणै तांयै चुणया गो। मिन्जो कई जगह भैजु ताकि तैसा अनन्त जिन्दगी रै बारै मन्ज होरी जो दसु जैड़ा तिनी यीशु मसीह मन्ज विस्वास रै द्धारा वायदा करूरा हा।

2 तीमुथियुस 2:1

तीमुथियुस विस्वास मन्ज मेरै सचै आत्मिक पुत्र; जैड़ा प्रमात्मां तिजो मसीह यीशु द्धारा अनुग्रह दिन्दा तू तैस मन्ज मजबुती सोगी बणी रैह।

2 तीमुथियुस 2:3

मसीह यीशु रै खरै योद्धा सांईं मिन्जो सोगी दुख झेल।

तीतुस 1:1

ऐह पत्री पौलुस री तरफा थऊँ तीतुस जो हा जैड़ा प्रमात्मैं रा दास अतै यीशु मसीह रा चुणुरा प्रेरित हा। प्रमात्मैं अपणै चुणुरै मणु मन्ज विस्वास रा प्रचार करनै तांयै मिन्जो चुणु अतै भैजु कि अऊँ तिन्या जो सखाऊ अतै सो जाणी सकन कि किन्या धर्मी जिन्दगी जीणा चहिन्दी हा।

1 पतरस 2:10

तुहै पैहलै ता कुछ भी ना थियै पर अबै प्रमात्मैं री प्रजा हिन; पैहलै तूसु पुर प्रमात्मैं री दया ना पाऊरी थी पर अबै तुहै प्रमात्मैं री दया पाई लैऊरी हा।

1 पतरस 5:10

अबै प्रमात्मां जैडा सब अनुग्रह रा दाता हा, जिनी तुसिओ मसीह यीशु मन्ज अपणी सदा काल री महिमा तांयें हैदुरा हा, तून्दै थोड़ी देरा तक दुख सैहणै थऊँ बाद अप्पू ही तुसिओ सिद्ध, स्थिर अतै बलवन्त करना।